2 Rey 4:43 - Kaqchiquel Bible

⁴³ Y ri rusamajel xubij: Re juba' kaxlan-wey re' man nuben ta chi yentzuq re e wok'al achi'a' re ek'o wawe', xcha'. Jak'a ri Eliseo xubij chik jun bey chire: Taya' kiway ri winaqi' richin yewa', roma ri Jehová nubij chi kan xkewa' jebel y kan k'a k'o na xtikolotej kan, xcha'.

2 Rey 4:43 ပူးပေါင်းရင်းမြစ်များ

Wuj Richin ri Q'axanri'il 11:13

¿Akuchi ta k'a ninbenk'ama-pe ti'ij, yin, richin ninya' chike re winaqi' re', roma janila ye'oq' chinuwech y nikik'utuj ti'ij?

Wuj Richin ri Q'axanri'il 11:23

K'ari' ri Jehová xubij chire: ¿Nach'ob rat chi yin man yitikir ta yixintzuq rik'in ti'ij richin jun ik'? Wakami k'a xtabetz'eta' wi qitzij o xa man qitzij ta ri xinbij, xcha' ri Jehová.

San Mateo 14:20

Kan konojel k'a jebel xnoj kipan. Y man jun k'a ri man ta jebel xwa'. Y k'a k'o na k'a kablajuj chakech ri xnoj kan rik'in ri wey y ri ker ri xmolotej kan, ri xa man xk'is ta.

San Mateo 15:37

Kan konojel k'a jebel xkitej kiway y kan man jun ri man ta jebel xwa'. Man rik'in ri' k'a k'o na ri man xk'is ta; xmol kan ronojel y xuben wuqu' chakech ri xnoj kan rik'in ri kaxlan-wey y ker ri man xk'is ta.

Marcos 8:20

Chuqa' ri Jesús xubij chik: ¿Kan man noqaqa ta chik chi'ik'u'x toq xentzuq ri e 4,000 winaqi' rik'in ri wuqu' wey ri xinper chikiwech? ¿Man noqaqa ta chik chi'ik'u'x janipe' chakech ri xe'inojisaj rik'in ri wey ri ximol kan?, xcha' chike. Ri tijoxela' xkibij k'a chire ri Jesús chi wuqu' chakech.

Marcos 8:4

Ri rutijoxela' xkibij chire: Re akuchi ojk'o-wi xa e maneq tinamit. Y kan man jun k'a nibeqila-wi-pe wey richin yewa' konojel re winaqi' re', xecha'.

San Lucas 9:13

Jak'a ri Jesús xubij chike ri rutijoxela' chi tikiya' kiway rije'. Y ri tijoxela' xkibij chire ri Jesús: Xaxe wo'o' wey y ka'i' ker k'o qik'in. Xaxe wi nibeqaloq'o' kiway konojel re winaqi' re' richin yewa', xecha'.

San Lucas 9:17

Kan konojel k'a jebel xkitej kiway. Kan man jun k'a ri man ta jebel xwa'. K'a k'o na k'a kablajuj chakech ri xnoj rik'in ri kaxlan-wey y ri ker ri xmolotej, ri xa man xk'is ta.

San Juan 6:9

Wawe' k'o jun ala' ri k'o wo'o' kaxlan-wey rik'in, ri banon rik'in cebada; chuqa' ka'i' taq ker e ruk'amon-pe, ¿xaxe ta k'a ok re' ri xtiqaya-apo chikiwech konojel re winaqi' re'?, xcha' ri Andrés.