2 Rey 4:35 - Kaqchiquel Bible

³⁵ K'ari' ri Eliseo xyakatej k'a pe pa ruwi' ri ak'ual, xqaqa-pe chupan ri ch'at y xbiyaj chupan ri ti jay ri'. Chirij ri' xjote' chik q'anej pa ch'at rik'in ri ak'ual y xjupe' chik jun bey pa ruwi'. K'ari' ri ak'ual xat'ixem wuqu' mul, y xuna' ruwech.

2 Rey 4:35 ပူးပေါင်းရင်းမြစ်များ

2 Rey 13:21

Y k'o k'a jun bey toq ri aj-Moab xepe richin ye'eleq', y ri israelita ye'ajin chumuqik jun achin kamineq. Toq xekitz'et k'a ri eleq'oma', janila xkixibij-ki' y roma ri' xkik'eq kan ri kamineq, ri akuchi muqun-wi ri Eliseo y xe'animej. Y toq ri ruch'akul ri kamineq ri' xutun-ri' rik'in ri ruch'akul ri Eliseo, jari' toq ri kamineq ri' xk'astej chik jun bey y xpa'e-q'anej.

2 Rey 8:5

Rokik ri Guehazí nutzijoj achike rubanik xuben ri Eliseo toq xuk'asba' ri ral ri ixoq aj-Sunem; jari' toq xapon ri ixoq ri', richin xberuk'utuj ri rachoch y ri rulew ri ruya'on kan. Y ri Guehazí xubij chire ri rey: Ja ixoq re' ri nintzijoj chawe, y ja ak'ual re' ri xya'ox chik jun bey ruk'aslen, xcha'.

Hechos 9:40

Jari' toq ri Pedro xubij k'a chike konojel ri ek'o rik'in, chi ke'el-el juba'. Rija' xxuke-qa, y xch'on rik'in ri Dios. Xutzu-apo ri kamineq, y xubij: Tabitá, kayakatej, xcha'. Y ri ixoq ri' kan jari' xbetzu'un-pe, y toq xutz'et ri Pedro, xyakatej-q'anej.

San Lucas 8:55

Y ri ti xten kan xtzolin na wi pe ri ránima rik'in, y kan jari' xyakatej-pe. Y ri Jesús xubij chi tikisuju' ruway.

2 Rey 8:1

K'o k'a jun q'ij chi ri Eliseo xubij chire ri ixoq aj-Sunem ri xuk'asba' ti ral chi tibe y keruk'uaj-el ri ek'o pa rachoch richin yebek'oje' ri akuchi más utz, roma ri Jehová xuteq-pe jun wayjal pa ruwi' ri ruwach'ulew richin wuqu' juna'.

1 Rey 17:22

Y ri Jehová kan xrak'axaj k'a ri ruch'abel ri Elías, y ri ak'ual xtzolin-pe ri ránima rik'in y xk'astej chik.

1 Rey 17:21

Y ri Elías kan xjupe' k'a qa oxi' mul chirij ri ak'ual, y xubij chire ri Jehová: ¡Jehová Dios wichin yin! Nink'utuj utzil chawe richin taya' chik ruk'aslen re ak'ual re', xcha'.

2 Rey 4:36

K'ari' ri Eliseo xroyoj ri Guehazí, y xubij chire chi troyoj ri ixoq. Y rija' xroyoj. Y toq ri ixoq xapon chuchi' ri jay, ri Eliseo xubij chire: Ja ti awal re'; tak'uaj-el, xcha'.

1 Rey 18:43

Y ri Elías xubij chire ri rusamajel chi tijote-el pa ruwi' ri juyu', y titzu'un pa ruchojmilal ri palou. Y ri rusamajel keri' xuben, y toq xtzolej xubij chi man jun sutz' k'o. Y ri Elías wuqu' k'a mul xuteq ri rusamajel richin nibetzu'un kan.

2 Rey 5:10

K'ari' ri Eliseo xuteq-pe ri rusamajel rik'in ri Naamán y xubij-el chire: Kabiyin pa raqen-ya' Jordán y tabech'aja-awi' wuqu' mul chupan ri ya' ri'; y ri ach'akul kan xtich'ajch'ojir, xcha-el.

2 Rey 5:14

K'ari' xbe ri Naamán, y xuch'ej-ri' wuqu' mul chupan ri raqen ya' Jordán, achi'el xubij-el ri rusamajel ri Dios chire. Y ri ruch'akul xch'ajch'ojir, y kan achi'el ruch'akul jun ak'ual xuben kan.