2 Rey 4:30 - Kaqchiquel Bible

³⁰ Jak'a ri rute' ri ak'ual xubij: Ninya' nutzij chuwech ri Jehová y chawech rat, chi man xkatinya' ta kan, xcha'.

2 Rey 4:30 ပူးပေါင်းရင်းမြစ်များ

2 Rey 2:2

Y ri Elías xubij chire ri Eliseo: Wakami kakanej kan wawe', roma ri Jehová yiruteq pa tinamit Betel, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y k'ari' xebe junan k'a pa Betel.

2 Rey 2:4

Y ri Elías xubij chik jun bey chire ri Eliseo: Wakami kakanej kan wawe', roma ri Jehová yiruteq pa tinamit Jericó, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y xebe k'a junan pa Jericó.

1 Sam 1:26

Ri Ana xubij chire ri Elí: Táta, noqaqa chi'ak'u'x in achike yin, roma ja yin ri' ri ixoq ri xik'oje' chi'anaqaj ri k'o yan chik juna' ri', toq xipe re wawe' richin xich'on rik'in ri Jehová.

Wuj Richin ri Rutikeribel 32:27

Y ri achin xuk'utuj k'a chire: ¿Achike ri abi'? Y rija' xubij chire: Yin Jacob ri nubi', xcha' chire.

2 Rey 2:6

Y ri Elías xubij chire: Nink'utuj utzil chawe chi kak'oje' kan wawe', roma ri Jehová yiruteq richin yibe pa raqen-ya' Jordán, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y junan k'a xebe chi e ka'i'.

2 Rey 6:3

Y jun chike rije' xubij: Niqak'utuj utzil chawe richin chi yabe qik'in, xcha'. Y rija' kan xbe k'a kik'in.