2 Rey 4:3 - Kaqchiquel Bible

³ Y ri Eliseo xubij: Kabiyin y tabeqaja' bojo'y ri man jun k'o chupan. Tabeqaja' kik'in ri awachk'uljay, y kan k'iy k'a bojo'y taqaja'.

2 Rey 4:3 ပူးပေါင်းရင်းမြစ်များ

2 Rey 3:16

Xch'on k'a ri Eliseo y xubij: Kere' rubin-pe ri Jehová: Ke'ibanala' k'a k'iy jul rubey taq ya' chukojol re nima'q taq juyu'.

2 Rey 4:2

Y ri Eliseo xubij chire: ¿Achike ta k'a xtinben yin richin yatinto'? Tabij k'a chuwe achike k'o awik'in pan awachoch, xcha'. Y ri ixoq xubij chi kan man jun chik k'o rik'in, xaxe chik ti juba' aceite ri k'o pa bojo'y.

2 Rey 4:4

Y k'ari' katok k'a apo pan awachoch, y tatz'apej-awi' pa jay; rat y ri awal. Y taq'eja-qa aceite chupan ri bojo'y ri e aqajon. Y toq ninoj jun bojo'y, tajech'ej kan juk'an, y keri' naben chire ronojel, xcha'.

Wuj Richin Bix Chire ri Dios 81:10

Kan xaxe k'a yin Jehová, ri in i-Dios, y ja yin ri xinelesan-pe iwichin chupan ri ruwach'ulew Egipto. Tik'utuj k'a chuwe ri nik'atzin chiwe y yin kan xtinya', xicha' chike ri iwati't-imama'.

Wuj Richin Bix Chire ri Dios 81:11

Jak'a rije' xa man xkajo' ta xinkak'axaj, ri nutinamit Israel xa man xrajo' ta xunimaj nutzij.

San Juan 16:24

K'a re wakami kan man jun k'a ri ik'utun ta chire ri nata' pa nubi' yin. Jak'a re wakami kan tik'utuj k'a, y xtik'ul. Richin keri' kan tz'aqet ta k'a ri kikoten ri pa taq iwánima.

San Juan 2:7

Ri Jesús xubij chike ri aj-ik'a': Ke'inojisaj chi ya' re kuku' re', xcha'. Y ri aj-ik'a' kan keri' wi xkiben. Kan xekipulisaj k'a kan.