2 Rey 4:26 - Kaqchiquel Bible

²⁶ Tabana' utzil kabiyin chi'anin, tabek'ulu', y tabij chire: ¿Utz awech rat? ¿Utz ruwech ri awachijil y ri awal? kacha' chire, xcha'. Y toq ri samajel xubij re ch'abel re', ri ixoq xubij chi ronojel utz.

2 Rey 4:26 ပူးပေါင်းရင်းမြစ်များ

Hechos 15:36

Biyineq chik k'a juba' q'ij ri chiri' toq ri Pablo xubij chire ri Bernabé: Jo'; jo' chikitz'etik ri qach'alal ri ek'o pa ronojel tinamit ri qatzijolon-wi kan ri ruch'abel ri ajaw, xcha' chire.

1 Sam 17:18

Y chire ri aj-raqen pa kiwi' ri awach'alal, nak'uaj-el re lajuj queso re'. Kabiyin y ye'atz'et kan ri animal achike kibanon. Wi utz kiwech, nak'en-pe chuwe jun xabachike retal richin kan q'alaj chi kan e utz, xcha'.

Wuj Richin Bix Chire ri Dios 39:9

Man nujaqon ta ri nuchi', man jun ch'abel ri nubin, roma rat keri' xaben chuwe.

2 Rey 4:23

Y ri rachijil xubij: ¿Achike roma nabetz'eta' re wakami? Roma wakami man nimaq'ij ta richin ri k'ak'a' ik', ni man q'ij ta richin uxlanen, xcha'. Y rija' xubij chire ri rachijil: Man taxibij-awi', xcha'.

1 Sam 3:18

Y ri Samuel xutzijoj k'a ronojel chire ri Elí ri xbix chire, y man jun xrewaj. K'ari' ri Elí xubij: Ja rija' ri Jehová, y tubana' pa nuwi' ri achike ri niqa' chuwech, xcha'.

Wuj Richin ri Rutikeribel 37:14

Y rija' xubij chire: Kabiyin wakami, ja ke'abetz'eta' kan achike kibanon ri animal, y achike kibanon ri karne'l. Nak'en-pe ri rutzijol chuwe, xcha'. Xel k'a el ri José pa ruwa-taq'aj richin Hebrón, y xapon k'a pa Siquem,

Wuj Richin ri Rutikeribel 29:6

Y rija' xubij chik apo chike: ¿utz kami ruwech?, xcha'. Y ri yuq'unela' xkibij, utz ruwech. Ja jun rumi'al, la peteneq kik'in rukarne'l y rubini'an Raquel, xecha' chire.

Wuj Richin ri Zacarías 2:4

Y xubij k'a chire: Chi'anin ri' kabech'on rik'in la achin ri uk'uayon ri k'an y tabij chire chi ri Jerusalem man tikirel ta chi niya'ox tz'aq chirij, roma e janila chi winaqi' ek'o y janila chi awej.

Wuj Richin ri Chojmirisabelri'il 10:3

Xeri' ri Moisés xubij chire ri Aarón: Ri Jehová kan ch'owineq chik k'a kan chirij achi'el re xbanatej re wakami, kan rubin chik k'a: Ri kan yejel k'a pe wik'in richin yinkisamajij, kan qitzij wi chi niq'alajin ri nuq'ij-nuk'ojlen chupan ri kik'aslen, y xtitz'et koma konojel winaqi' chi kan man jun chik ri achi'el ta yin; keri' rubin ri Dios, xcha' ri Moisés. Y ri Aarón kan man jun k'a ch'abel ri xubij.

2 Sam 18:29

Y ri rey xuk'utuj chire wi utz ruwech ri Absalón ri ruk'ajol. Y ri Ahimaas xubij chi rija' xaxe xutz'et kan chi kimolon-ki' ri winaqi' toq ri Joab xuteq-pe; jak'a man xretamaj ta kan achike banatajineq.

2 Rey 4:25

Xbe k'a ri ixoq, y toq napon yan rik'in ri juyu' Carmelo ri akuchi k'o-wi ri Eliseo, ri rusamajel ri Dios, k'a chiri' xutz'et-pe ri ixoq, y xubij chire ri Guehazí: Tatz'eta', la ixoq la peteneq chila', la' ja ixoq aj-Sunem la'.

2 Rey 4:27

Toq xe'apon chiri' pa juyu' Carmelo, ri ixoq xxuke-qa y xuq'etej ri raqen ri Eliseo. Y ri Guehazí xjel-apo richin nrelesaj-pe chiri' ri ixoq, jak'a ri Eliseo xubij chire: Taya' kan, roma rija' kan niq'axon ránima, y ri Jehová man ruq'alajirisan ta chinuwech achike roma kela' rubanon, xcha'.

2 Rey 5:22

Y rija' xubij: Ja' utz. Ri wajaw xiruteq-pe richin nonbij chawe chi wakami yan xe'apon rik'in e ka'i' q'alajirisey ruch'abel ri Dios, ri e peteneq chuwi' taq juyu' richin Efraín. Wakami k'a nuk'utuj utzil chawe chi taya' kan 106 libra saqipueq chike, y ka'i' jal k'ak'a' tzieq, xcha' chire.

Wuj Richin ri Rutikeribel 43:27

Y ri José xuk'utuj rutzil kiwech y xubij chike: ¿Y ri itata' ri xitzijoj chuwe, utz ruwech, man jun ruk'uluwachin? ¿K'a k'es na?, xcha'.