2 Rey 4:20 - Kaqchiquel Bible

²⁰ Y ri samajel xrejqaj-el ri ak'ual y xuk'uaj rik'in ri rute'. K'ari' ri te'ej xutz'uyuba' chuwa-ruch'ek k'a xapon na nik'aj-q'ij, y jari' toq ri ak'ual xken-qa.

2 Rey 4:20 ပူးပေါင်းရင်းမြစ်များ

Wuj Richin ri Rutikeribel 22:2

Ri Dios xubij chire: Tak'uaj-el la juney ak'ajol Isaac, la janila nawajo' k'a chupan la ruwach'ulew Moria y chiri' xtaporoj-wi richin kamelabel chinuwech yin pa ruwi' ri juyu' akuchi xtinbij chawe, xcha' ri Dios chire.

Wuj Richin ri Rutikeribel 37:3

Y ri Jacob más nrajo' ri José chikiwech konojel ruk'ajol, roma rija' xalex toq ri Jacob ri'j chik. Xuben k'a jun rutziaq nim raqen ri xilon rupan ri kan janila jebejoj ok.

Wuj Richin ri Rutikeribel 37:5

Ri José xuben k'a jun achik', y toq xutzijoj chike ri rach'alal, rije' kan más k'a xketzelaj,

1 Rey 17:17

Y toq q'axineq chik k'a ka'i-oxi' ik', jari' toq ri ti ral ri malka'n ixoq ri' xyawej, y jun yabil janila k'ayew ri xchapo richin, kan janila k'a xnimatej y xken.

2 Rey 4:19

Y toq k'o chiri', chaq k'ate' xq'axon-pe rujolon y xubij chire ri rutata': ¡Yin janila niq'axon nujolon!, xcha' chire. Y ri rutata' xubij chire jun chike ri rusamajela': Tawejqaj-el y tak'uaj rik'in ri rute', xcha'.

2 Rey 4:21

K'ari' xuk'uaj-q'anej ri ti ral chupan ri ti jay ri akuchi nik'oje-wi kan ri Eliseo, y xuliba' pa ruwi' ri ruch'at. Xutz'apej kan ri ruchi' ri jay, y xel-pe chiri'.

Wuj Richin ri Isaías 49:15

¿Kan numestaj kami ri ti ral ri ixoq? ¿O man nrajo' ta kami ri ak'ual ri xalex rik'in rija'? Stape' rik'in juba' ek'o ri yetikir yebanon keri', jak'a yin kan man jun bey xkitikir xtinben keri'.

Wuj Richin ri Isaías 66:13

Achi'el nuben jun te'ej toq nukuquba' ruk'u'x ri ti ral, keri' xtinben yin iwik'in rix, y chiri' pa Jerusalem kan xtiwil kuqubabel-k'u'x.

San Lucas 2:35

Kan roma k'a rija' toq xtibeq'alajin-pe ri etzelal ri k'o pa taq kánima ri winaqi'. Roma ronojel re', kan xtana' k'a chi kan achi'el jun espada ri xtiju'ux pan awánima, xcha' ri Simeón chire ri María.

San Lucas 7:12

Toq ri Jesús y ri e beneq rik'in ye'ok yan apo ri pa Naín, xkitz'et k'a chi k'amon-pe jun kamineq richin nibemuq kan. Re kamineq re' jun ala', ral jun malka'n ixoq. Rija' xa kan xaxe k'a ri jun ral ala' ri k'o. Y janila k'a winaqi' ri q'ejeloy richin ri e beneq rik'in richin ri muqunik.

San Juan 11:14

K'ari' ri Jesús xuq'alajirisaj chikiwech chi ri Lázaro xken yan y xubij.

San Juan 11:3

Ri e ka'i' rana' ri' xkiteq k'a rubixik chire ri Jesús chi ri Lázaro, ri janila nrajo', yawa'.

San Juan 11:5

Ri Jesús kan janila k'a nrajo' ri Marta, chuqa' ri María y ri Lázaro.