2 Rey 4:2 - Kaqchiquel Bible

² Y ri Eliseo xubij chire: ¿Achike ta k'a xtinben yin richin yatinto'? Tabij k'a chuwe achike k'o awik'in pan awachoch, xcha'. Y ri ixoq xubij chi kan man jun chik k'o rik'in, xaxe chik ti juba' aceite ri k'o pa bojo'y.

2 Rey 4:2 ပူးပေါင်းရင်းမြစ်များ

1 Rey 17:12

Y ri ixoq xubij: Chuwech k'a ri Jehová ri k'aslik a-Dios ninbij chi maneq kaxlan-wey wik'in, xaxe jun moq' k'ej ri k'o kan chupan ri bojo'y, y ti juba' ti aceite ri k'o kan chupan ri xára. Y wakami ninmol juba' ti nusi' richin ninchaq'arisaj jun kaxlan-wey qichin chi oj ka'i' rik'in ri ti wal. Xtiqatej k'a ri jun ti kaxlan-wey ri' y chirij ri' xqojken roma wayjal, xcha'.

2 Rey 2:9

Toq xeq'ax yan k'a, ri Elías xubij chire ri Eliseo: Tak'utuj ri achike nawajo' chi ninben awik'in, rokik k'a ink'o awik'in, xcha'. Y ri Eliseo xuk'utuj utzil chire chi tuya' kan chire ka'i' mul ri uchuq'a' ri chiri' chikiwech konojel ri ch'aqa' chik ri xetzeqeliben richin ri Elías, richin chi rija' nok kan aj-raqen.

2 Rey 4:3

Y ri Eliseo xubij: Kabiyin y tabeqaja' bojo'y ri man jun k'o chupan. Tabeqaja' kik'in ri awachk'uljay, y kan k'iy k'a bojo'y taqaja'.

Ex 4:2

Y ri Jehová xuk'utuj chire chi achike ruk'uan pa ruq'a'. Y ri Moisés xubij: Jun nuch'ame'y, xcha'.

San Mateo 15:34

Ri Jesús xuk'utuj chike chi janipe' kaxlan-wey k'o kik'in. Y rije' xkibij: Roj xaxe ok wuqu' kaxlan-wey k'o qik'in y chuqa' ka'i-oxi' taq ker, xecha' chire.

Hechos 3:6

Jari' toq ri Pedro xubij chire: Yin man jun q'anapueq y saqipueq ri k'o wik'in. Jak'a ri ya'on chuwe, jari' ri xtinya' chawe. Pa rubi' ri Jesucristo ri aj-Nazaret kayakatej, y kabiyin-el, xcha'.

2 Corintios 6:10

Kan achi'el yojbison yojtzu'un, jak'a xa kan yojkikot. Stape' ojk'o pa meba'il, jak'a kan ek'o ri xebeyomer qoma roj. Y stape' chuqa' kan man jun ok k'o qik'in, xa kan yojtikir niqabij chi kan ronojel k'o qik'in.

Santiago 2:5

Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.