2 Rey 4:14 - Kaqchiquel Bible

¹⁴ Y ri Eliseo xubij chire ri Guehazí: ¿Achike ta k'a utzil yojtikir niqaben pa ruwi' rija'?, xcha'. Y ri Guehazí xubij chi ri ixoq ri' maneq ral; y pa ruwi' ri' ri rachijil xa janila ri'j chik.

2 Rey 4:14 ပူးပေါင်းရင်းမြစ်များ

Wuj Richin ri Rutikeribel 17:17

Ri Abraham xuqasaj chik qa ri' k'a pan ulew, roma ri xubij ri Dios, rija' xtze'en y xubij-qa pa ránima: ¿Ek'o kami k'a achi'a' ri wok'al chik kijuna' ri nik'oje' ta kalk'ual? ¿Y k'o kami jun ixoq achi'el ri Sara ri jumuch' lajuj chik rujuna' ri nalex ta jun ti ral?, xcha-qa.

Wuj Richin ri Rutikeribel 25:21

Ri Isaac xuk'utuj k'a chire ri Jehová chi ri rixjayil nik'oje' ta ral roma rija' man alanel ta, y ri Jehová xrak'axaj y ri Rebeca xek'oje' k'a ral.

Wuj Richin ri Rutikeribel 30:1

Toq ri Raquel xunabej chi man yek'oje' ta ral, janila xch'upun-ruk'u'x chirij ri runimal y xubij chire ri Jacob: Katalk'ualan k'a wik'in, roma wi man xtik'oje' ta wal xkiken roma bis, xcha'.

2 Rey 4:13

K'ari' xubij chik chire ri Guehazí: Kere' tabij chire ri ixoq: Rat kan janila utzil a banon qik'in. Wakami k'a, ¿k'o ta jun utzil ri yojtikir niqaben awik'in rat? ¿Nawajo' richin yojch'on ta rik'in ri rey pan awi' rat o rik'in ri aj-raqen pa kiwi' ri aj-labal?, xcha'. Y ri ixoq xubij: Ni; matiox, roma yin kan utz nubanon chikikojol ri nuwinaq, xcha'.

2 Rey 4:15

K'ari' ri Eliseo xuteq chik el ri Guehazí richin nroyoj ri ixoq. Y ri ixoq xbe-q'anej y xpa'e' chuchi' ri jay.

San Lucas 1:7

Jak'a rije' e maneq kalk'ual, roma ri Elisabet man alanel ta. Y chi e ka'i' kan e rijita'q chik.

Wuj Kichin ri To'onela' 13:2

Y chikikojol ri tzobaj richin ri Dan k'o k'a jun achin rubini'an Manoa, ri k'o chiri' pa tinamit Sorá, y ri rixjayil rija', man alanel ta.

1 Sam 1:2

Ri Elcaná ek'o k'a ka'i' rixjayil, ri jun rubini'an Ana, y ri jun chik rubini'an Peniná. Ri Peniná ek'o ral, jak'a ri Ana man jun ral k'o.

1 Sam 1:8

Jari' toq ri Elcaná nubij chire: Ana, ¿achike roma yatoq'? ¿Achike roma man yawa' ta? ¿Achike roma poqonatajineq ri awánima? ¿K'o ta k'a más rejqalen ek'o ta lajuj awal y man ta ink'o yin?, xcha' chire.