2 Rey 4:13 - Kaqchiquel Bible

¹³ K'ari' xubij chik chire ri Guehazí: Kere' tabij chire ri ixoq: Rat kan janila utzil a banon qik'in. Wakami k'a, ¿k'o ta jun utzil ri yojtikir niqaben awik'in rat? ¿Nawajo' richin yojch'on ta rik'in ri rey pan awi' rat o rik'in ri aj-raqen pa kiwi' ri aj-labal?, xcha'. Y ri ixoq xubij: Ni; matiox, roma yin kan utz nubanon chikikojol ri nuwinaq, xcha'.

2 Rey 4:13 ပူးပေါင်းရင်းမြစ်များ

Wuj Richin ri Rutikeribel 14:24

Yin kan man jun k'a xtinchop-el, xaxe k'a ri xkitej ri aj-labal ri e tzeqelibeyon-pe wichin, y ri xtikik'uaj-el ri Escol y ri Mamré ri ruk'amon richin nikik'uaj-el, xcha' ri Abram.

2 Sam 19:13

Keri' chuqa' tibij chire ri Amasá chi roma rija' kan jun chike ri wach'alal, roma ri' ninya' nutzij chuwech ri Dios chi kan xtinben chire chi ja rija' xtok aj-raqen pa kiwi' ri aj-labal, pa ruk'exel ri Joab, xcha'.

1 Rey 2:32

Kan ja ri Jehová xtiya'on ruk'ayewal pa ruwi' ri Joab roma xerukamisaj chi espada ri Abner, ruk'ajol ri Ner, y ri Amasá, ruk'ajol ri Jéter, y rije' kan más k'a e utz chuwech rija'. Jak'a ri nata' kan man xretamaj ta toq ri Joab xerukamisaj ri e ka'i' achi'a' ri': ri Abner, aj-raqen kichin ri aj-labal richin ri Israel, y ri Amasá, aj-raqen pa kiwi' ri aj-labal richin ri Judá.

2 Rey 4:12

Rija' xroyoj ri rusamajel rubini'an Guehazí, y xubij chire chi troyoj-pe ri ixoq ri rajaw ri jay. Y toq xroyoj ri ixoq, ri ixoq kan chi'anin xapon-q'anej rik'in ri Eliseo.

2 Rey 4:14

Y ri Eliseo xubij chire ri Guehazí: ¿Achike ta k'a utzil yojtikir niqaben pa ruwi' rija'?, xcha'. Y ri Guehazí xubij chi ri ixoq ri' maneq ral; y pa ruwi' ri' ri rachijil xa janila ri'j chik.

2 Rey 8:1

K'o k'a jun q'ij chi ri Eliseo xubij chire ri ixoq aj-Sunem ri xuk'asba' ti ral chi tibe y keruk'uaj-el ri ek'o pa rachoch richin yebek'oje' ri akuchi más utz, roma ri Jehová xuteq-pe jun wayjal pa ruwi' ri ruwach'ulew richin wuqu' juna'.

2 Rey 9:5

Toq xapon chiri', ri e aj-raqen pa kiwi' ri aj-labal e tz'uyul pa jun jay. Y ri tijoxel xubij: Táta k'o ri ninwajo' ninbij chawe, xcha'. Y ja ri Jehú ri xbech'on-pe y xuk'utuj ri achike chike rije' ri nukanoj. Y ri tijoxel xubij chi kan ja rija' ri nukanoj.

Wuj Richin Bix Chire ri Dios 37:3

Takuquba' ak'u'x rik'in ri Jehová, y tabana' ri utz. Man tamalij kan y xk'ase' chupan ri ruwach'ulew.

Romanos 16:2

Roma ri' tik'ulu' jebel y kan keri' ruk'amon chi niben rix qach'alal chike ri jun chuqa' kibanon rik'in ri Dios, ninwajo' k'a chi xtito' ta ri qach'alal Febe rik'in ri nik'atzin chire; roma rija' e ruto'on e k'iy y keri' chuqa' rubanon wik'in yin.

Romanos 16:6

Tiya' rutzil-ruwech ri qach'alal María. Rija' janila samajineq chi'ikojol.

Hebreos 13:5

Man tibe iwánima chirij ri méro, xa kan kixkikot rik'in ri k'o iwik'in. Roma ri Dios rubin: Kan beneq-ruwech ink'o iwik'in y man jun bey xkixinmalij kan, nicha'.

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.