2 Rey 3:6 - Kaqchiquel Bible

⁶ Roma ri' ri rey Joram xel-pe chiri' pa tinamit Samaria richin xerumol konojel ri aj-labal chupan chijun ruwach'ulew Israel.

2 Rey 3:6 ပူးပေါင်းရင်းမြစ်များ

1 Rey 20:27

Keri' chuqa' ri aj-labal aj-Israel xkimol-ki', y xe'ajlex y xya'ox-el kiway. Man xkoyobej ta na chi ye'apon ri etzelanel kichin, jak'a xa xe'el-el chikik'ulik. Y toq xe'apon akuchi ek'o-wi-qa ri aj-Siria, xkitz'et chi ri aj-Israel xa e achi'el ok ka'i' tzobaj taq tzuntzun, jak'a ri aj-Siria kan kitz'apen ruwech ri ruwach'ulew roma janila e k'iy.

1 Sam 15:4

Y ri Saúl xuteq koyoxik konojel ri aj-labal, y k'ari' xusik'ij kibi' chiri' pa tinamit Telaím. Xutz'et k'a chi ek'o e 200,000 aj-labal ri yebe chikaqen; y e 10,000 ri e rijatzul kan ri Judá.

1 Sam 11:8

Xkimol k'a ki' pa tinamit Bézec, y ri Saúl xerajlaj k'a konojel ri achi'a'. Y rije' e 300,000, y ri e aj-Judá e 30,000.

2 Rey 3:5

Jak'a toq xken ri Acab, ri Mesá xupaba-ri' chuwech ri rey richin ri ruwach'ulew Israel.

2 Rey 3:7

Y chuqa' xuteq rubixik chire ri Josafat rey richin Judá, y xubij-el chire chi ri rey richin Moab xupaba-ri' chuwech. Roma ri' nuk'utuj utzil chire ri rey richin Judá chi nibe ta chirij richin nibekibana' oyowal rik'in ri tinamit Moab. Y ri Josafat xubij-el chi kan nibe-wi y yeruk'uaj-el ri e aj-labal y ri rukiej.