2 Rey 3:26 - Kaqchiquel Bible

²⁶ Y toq ri rey richin Moab xutz'et chi xch'akatej yan, jari' toq xeruk'uaj-el e 700 aj-labal ri kan yetikir nikiben oyowal rik'in espada, y xbekibana' oyowal rik'in ri rey richin ri ruwach'ulew Edom. Jak'a xa man xetikir ta.

2 Rey 3:26 ပူးပေါင်းရင်းမြစ်များ

Am 2:1

Kere' nubij ri Jehová pa kiwi' ri aj-Moab: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xkiporoj ri rubaqil ri rey richin Edom. Kan xkiben chi xok chaj ri rubaqil.

2 Rey 3:9

Xe'el k'a el ri rey richin Israel, ri rey richin Judá y chuqa' xkachibilaj-el ri rey richin ri ruwach'ulew Edom. Ri bey ri napon pa Moab kan man choj ta k'a, y roma ri' xebiyin ri pa tz'iran ruwach'ulew wuqu' q'ij. Y roma ri' kan xk'is k'a ri kiya' ri aj-labal y keri' chuqa' ri kiya' ri chikopi' ri e kik'uan-el.

2 Rey 3:25

Chirij ri' ri israelita xekiwulaj k'a ri kitinamit ri aj-Moab. Y chikijujunal xkik'aqala' jujun abej chupan ri qasanbel taq ulew ri ek'o akuchi yeq'ax-wi. Y keri' xekinojisaj chi abej ronojel ri qasanbel taq ulew. Chuqa' xekitz'apej ronojel ri ralaxbel taq ya', y xekichoy ri che' ri jebel yewachin. Keri' xkiben, k'a toq xaxe chik ri tinamit Quir-haréset ri pa'el kan. Jak'a ri yek'aqon ikeq' chikikojol ri israelita, xa xkisutij-rij y xkik'eq chi abej.

2 Rey 3:27

K'ari' xuchop ri nimalaxel ruk'ajol ri kan k'o chi nik'oje' kan pa ruk'exel richin nuq'et-tzij, y xusuj richin kamelabel. Xuporoj k'a pa ruwi' ri tz'aq. Y re' xuyek k'a koyowal ri israelita, y roma ri' xe'el-el chiri' y xetzolin pa kiruwach'ulew.

2 Rey 8:20

Rokik niq'aton-tzij ri Joram pa ruwi' ri Judá, ri aj-Edom xkipaba-ki' chuwech rija', y kan xkikanoj-qa jun ki-rey.