2 Rey 3:25 - Kaqchiquel Bible

²⁵ Chirij ri' ri israelita xekiwulaj k'a ri kitinamit ri aj-Moab. Y chikijujunal xkik'aqala' jujun abej chupan ri qasanbel taq ulew ri ek'o akuchi yeq'ax-wi. Y keri' xekinojisaj chi abej ronojel ri qasanbel taq ulew. Chuqa' xekitz'apej ronojel ri ralaxbel taq ya', y xekichoy ri che' ri jebel yewachin. Keri' xkiben, k'a toq xaxe chik ri tinamit Quir-haréset ri pa'el kan. Jak'a ri yek'aqon ikeq' chikikojol ri israelita, xa xkisutij-rij y xkik'eq chi abej.

2 Rey 3:25 ပူးပေါင်းရင်းမြစ်များ

Wuj Richin ri Jeremías 48:36

Ri wánima janila xtiq'axon koma ri winaqi' aj-Moab y koma ri achi'a' e aj-Quir-heres. Y ri bix richin bis kan achi'el niq'ajan ri xul ri nikusex pa jun muqunik, roma ri kibeyomel ri xkimol, xa xk'is yan.

Wuj Richin ri Jeremías 48:31

Roma ri' kan janila xtinwoq'ej y xtinbisoj ri tinamit Moab y xkijiq'ijo'x koma ri ek'o pa tinamit Quir-heres.

Wuj Richin ri Isaías 16:7

Roma ri' konojel ri aj-Moab kejilon k'a. Ke'oq' k'a roma xek'is ri achi'a' aj-Quir-haréset.

2 Rey 3:19

Rix kan xke'iwulaj k'a ronojel ri nima'q taq kitinamit ri tz'apen kij chi tz'aq; Xke'iwulaj k'a ronojel ri tinamit ri janila kejqalen; Xke'ichoy k'a ronojel ri jebelej taq che' ri ek'o kik'in; Xke'itz'apej k'a ronojel ri ralaxbel taq ya'; Y xtinojisaj chik k'a kan chi abej ri qasanbel taq kulew.

Wuj Richin ri Isaías 16:11

Roma ri' ri wánima kan janila niq'axon roma ri Moab, chuqa' janila q'axomarineq ri wánima roma ri tinamit Quir-haréset.

Wuj Richin ri Isaías 15:1

Ri Dios xuq'alajirisaj chinuwech ri xtiberuk'uluwachij ri ruwach'ulew Moab. Y jare' ri rutzijol: Ri tinamit Ar kan xtik'is k'a chupan jun aq'a'. Keri' chuqa' ri tinamit Quir.

2 Crón 32:4

K'ari' xkimol-ki' e k'iy winaqi' richin xbekitz'apej ronojel ri ralaxbel taq ya'; keri' chuqa' xbekitz'apej ronojel ri taq ch'uti'n raqen ya' y chuqa' ri rubey ya' ri napon pa Jerusalem. Keri' xkiben richin toq xke'apon ri rey richin Asiria e rachibilan ri aj-labal, man xtikil ta kiya'.

2 Sam 8:2

Y xeruch'ek chuqa' ri aj-Moab, y xuben chike ri aj-labal chi xejupe-qa pan ulew pa jun cholaj. K'ari' xuben chi ri ruwinaq xkirik' jun kolo' pa kiwi', y xretaj jun tzobaj ri aj-Moab. Y ri achi'a' ri' xekolotej-el. K'ari' xretaj chik ka'i' mul, y janipe' chike ri achi'a' ri e jupul chuxe' ri kolo', jari' ri xekamisex. Keri' xuben chike k'a xeruk'is na konojel ri e jupul chiri'. Y roma ri' ri aj-Moab xe'ok rusamajela' ri David, y k'o chi xkitoj chire ri k'atzinel.

Wuj Kichin ri To'onela' 9:45

Ri Abimélec y ri achi'a', kan chijun k'a q'ij xkiben oyowal kik'in ri winaqi' richin ri tinamit ri', y kan xekich'ek k'a. Xe'ok k'a chupan ri tinamit y xekikamisaj konojel ri winaqi' ri ek'o chiri', y xkitoloba' kan jumul, y k'ari' xkikiraj kan atz'an pa ruwi' chijun ri tinamit.

Deut 2:9

Y ri Jehová xubij chuwe: Man jun tiben chike re winaqi' re' richin niyek koyowal, roma man ninya' ta chiwe ri ulew ri' richin niwichinaj. Roma yin xinya' yan ri tinamit Ar chike ri e rijatzul kan ri Lot richin xkichinaj kan, xubij ri Jehová, xcha' ri Moisés.

Wuj Richin ri Rutikeribel 26:18

Xeruk'ot chik jun bey ri pozo ri e rubanon kan ri rutata' ri xemuq koma ri aj-Filistea chirij ri rukamik ri Abraham, y ri kibi' ri pozo ri ruya'on kan ri rutata' kan keri' chuqa' xuya' rija'.

Wuj Richin ri Rutikeribel 26:15

Y roma ri koyowal xkimuq chi ulew ronojel ri pozo ri e k'oton kan koma ri rusamajela' ri Abraham.

2 Rey 3:24

Jak'a toq xe'apon-qa ri akuchi ek'o-wi-qa ri israelita, jari' toq xebeyakatej-pe chikij ri aj-Moab y xekikamisaj e k'iy. Y ek'o k'a ri xe'animej chikiwech. Y ri israelita kan xekitzeqelibej y xekikamisaj.

2 Rey 3:26

Y toq ri rey richin Moab xutz'et chi xch'akatej yan, jari' toq xeruk'uaj-el e 700 aj-labal ri kan yetikir nikiben oyowal rik'in espada, y xbekibana' oyowal rik'in ri rey richin ri ruwach'ulew Edom. Jak'a xa man xetikir ta.