2 Rey 3:2 - Kaqchiquel Bible

² Y xuben k'a ri man utz ta chuwech ri Jehová stape' man xuq'i' ta ri kibanobal ri rute-rutata'; roma xrelesaj-el ri paban-abej richin ri Baal, ri rubanon kan ri Acab ri rutata'.

2 Rey 3:2 ပူးပေါင်းရင်းမြစ်များ

2 Rey 10:18

K'ari' ri Jehú xerumol chijun ri tinamit y xubij chike: Ri Acab xusamajij juba' ri dios Baal, jak'a yin kan más xtinsamajij.

1 Rey 21:25

Kan qitzij na wi chi man jun chik xbanon achi'el ri xuben ri Acab, ri kan xujech-ri' chubanik ri etzelal chuwech ri Jehová, y ja ri Jezabel ri rixjayil ri xbanon chire richin xmakun chuwech ri Jehová.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

2 Rey 21:20

Ri Amón kan xuben ri man utz ta chuwech ri Jehová Dios, achi'el xuben ri Manasés ri rutata'.

2 Rey 21:6

Xerusuj ri ruk'ajol richin kamelabel. Chuqa' kan xbe kik'in ri aj-itza' y xeruk'ulubej ri itzel taq espíritu. Chuqa' kan xuya-apo ri paban-che' richin Asera, chupan ri rachoch ri Jehová. Y ri itzel taq banobel ri' xuben richin xuyek royowal ri Jehová. Ri ojer kan ri Jehová xubij chike ri David y ri Salomón ri ruk'ajol: Yin xtinya' re nubi' richin q'asen chupan re jay re', re wawe' pa Jerusalem, ri kan xincha' chikikojol konojel ri tzobaj richin Israel.

2 Rey 9:34

K'ari' ri Jehú xok-apo pa rachoch ri rey, y toq xwa-xuk'ya' yan, xubij chike ri rusamajela': Wakami kixbiyin y tibemuqu' kan ri ruch'akul ri itzel ixoq, roma xa kan rumi'al chuqa' jun rey, xcha'.

2 Rey 9:22

Y toq ri Joram xapon rik'in ri Jehú, xuk'utuj chire wi k'o uxlanibel-k'u'x o ni. Y ri Jehú xubij: ¡Achi'el ta k'a chi xtik'oje' uxlanibel-k'u'x, rokik ri ate' Jezabel xa k'a nuya' na kiq'ij ri ch'aqa' chik dios, y chuqa' k'a najin rik'in ri mak richin itz!, xcha'.

1 Rey 21:20

Y ri Acab xubij chire ri Elías: ¿Y kan xino'awila' chik re wawe' rat etzelanel wichin?, xcha'. Y ri Elías xubij chire: Ja' xatonwila' chik, roma rat kan ajachon awi' chubanik ri etzelal chuwech ri Jehová.

1 Rey 16:19

Ri Zimrí kan xmakun k'a chuwech ri Jehová y xa xuben achi'el xuben ri Jeroboam; y roma ri mak ri' xemakun chuqa' ri winaqi' richin Israel.

1 Sam 15:19

¿Achike k'a roma man xanimaj ta ri xubij ri Jehová chawe? Y xa xak'en chuwi-kiq'a' ri etzelanel qichin ri k'o rejqalen y xa chirij ri' xbe awánima. Re' kan itzel xaben chuwech ri Jehová, xcha' ri Samuel.