2 Rey 3:18 - Kaqchiquel Bible

¹⁸ Y re' kan ti juba' ok chire ronojel ri nuben ri Jehová; Pa ruwi' re' rija' kan xkerujech k'a pan iq'a' ri aj-Moab.

2 Rey 3:18 ပူးပေါင်းရင်းမြစ်များ

San Lucas 1:37

Roma ri Dios man jun k'ayew nuben chuwech, xcha' ri ángel.

Wuj Richin ri Jeremías 32:27

Ja yin Jehová, Dios kichin konojel ri k'o kik'aslen ri ek'o chuwech re ruwach'ulew. Chinuwech yin kan man jun k'ayew.

Wuj Richin ri Jeremías 32:17

¡Wajaw Jehová!, rik'in ri nimalej awuchuq'a' xaben ri kaj y ri ruwach'ulew y kan man jun k'ayew chawech rat.

2 Rey 20:10

Y ri Ezequías xubij chire chi man k'ayew ta chi ri muj nibiyin chuwech, jak'a man tikirel ta richin nitzolin chirij.

Efesios 3:20

Tiqaya' k'a ruq'ij ri Dios, roma rija' kan k'o-wi ronojel uchuq'a' rik'in y nisamej pa taq qánima. Roj kan k'iy wi k'a utzil niqak'utuj chire, jak'a rija' man xaxe ta ri' nitikir nuben. Roj kan man yojtikir ta k'a niqach'ob ronojel ri nitikir nuben rija'.

Marcos 10:27

Jari' toq ri Jesús xerutzu-apo y xubij chike: Ri janila k'ayew chikiwech ri winaqi', chuwech ri Dios xa man k'ayew, xcha'.

Wuj Richin ri Isaías 49:6

Y roma ri' ri Jehová nubij: Man jun rejqalen richin chi rix xaxe ye'imol kichi' ri juba' chike ri iwinaq ri ek'o kan. Jak'a yin kan xtinben chiwe chi xkixok jun saqil kichin ri ch'aqa' chik winaqi' richin ri ruwach'ulew, richin chi rix xkixk'amon-pe ri kolotajik chike chijun ri ruwach'ulew.

Ez 8:17

K'ari' ri Jehová xubij chuwe: Rat Ezequiel, tatz'eta' k'a la nikiben ri awinaq. Rije' kan man nikibij ta chi ri nikiben jun mak. Chuqa' rije' kan e jaqatajineq chupan ri ruwach'ulew richin nikiben etzelal y kan kiyakon k'a janila woyowal.

1 Rey 20:13

Jari' toq jun q'alajirisey ruch'abel ri Dios xch'on rik'in ri Acab y xubij chire: Kere' rubin-pe ri Jehová: Stape' rat ye'atz'et e janila chi etzelanel awichin, jak'a yin xkenjech pan aq'a' re wakami. Xtinben kere' richin nawetamaj chi ja yin Jehová, nicha' ri Jehová, xcha' chire.

1 Rey 3:13

Y chuqa' xtinya' chawe ri man xak'utuj ta chuwe: Ri beyomel y ri ak'ojlemal. Kan man jun chik xtiq'aton-tzij achi'el ri xtaben rat.

Wuj Richin ri Isaías 7:13

K'ari' ri Isaías xubij: Tiwak'axaj k'a rix ri ix rijatzul kan ri rey David: ¿Kan achi'el niben chike ri winaqi' toq niyek koyowal y kan keri' chuqa' niwajo' niben chire ri qa-Dios?

1 Rey 20:28

Xpe k'a jun achin richin ri Dios rik'in ri Acab rey richin Israel y xubij chire: Kere' nubij ri Jehová: Roma ri aj-Siria nikibij chi yin xa in Jehová Dios richin ri juyu', y man in Dios ta richin ri taq'aj ri ek'o kojol taq juyu', roma ri' yin xkenjech re janila chi winaqi' re' pan aq'a', y rat xtawetamaj chi ja yin Jehová, nicha' ri Dios, xcha'.

1 Rey 16:31

Ri Acab kan man xuch'ob ta juba' chi xa mak ri xerubanala' ri Jeroboam ri ruk'ajol ri Nabat, y kan jari' ri xuchop rubanik rija'. Pa ruwi' ri' kan xk'ule' rik'in jun ixoq rubini'an Jezabel, rumi'al ri Et-baal rey kichin ri aj-Sidón. Ri Acab xuchop k'a rusamajixik y ruya'ik ruq'ij ri Baal.

2 Sam 7:19

Y re' xa kan ti juba' ok chawech rat Nimalej Jehová, roma stape' yin xa in jun asamajel, man rik'in ri' rat kan xach'on yan apo chirij ri wijatzul ri chinuwech-apo. ¿Kan kere' kami naben kik'in konojel winaqi', rat nimalej Jehová?

1 Rey 20:21

Y ri Acab ri rey richin Israel xel chuqa-el y xberubana' oyowal kik'in ri aj-Siria y xeruch'ek, y xeruchop-pe ri kikiej y ri ki-carruaje.