2 Rey 3:15 - Kaqchiquel Bible

¹⁵ Wakami k'a tak'ama-pe jun achin ri niq'ojoman, xcha' chire. Y toq k'o chik chiri' ri achin y xuchop niq'ojoman, jari' toq ri uchuq'a' richin ri Jehová xuteq-pe pa ruwi' ri Eliseo.

2 Rey 3:15 ပူးပေါင်းရင်းမြစ်များ

1 Sam 16:23

Y ronojel k'a mul toq nipe ri itzel espíritu rik'in ri Saúl, jari' toq ri David nuchop nuq'ojomaj ri arpa. Y ri Saúl kan nich'uch'u' kan ri ránima roma ri itzel espíritu kan nel-el rik'in.

1 Sam 10:5

Chirij ri', xkatapon pa tinamit Guibeá, akuchi ek'o-wi jun tzobaj aj-Filistea. Y toq xkatok chupan ri tinamit ri', xke'ak'ul jun tzobaj e q'alajirisey ruch'abel ri Dios ri e tzolejineq-pe richin xbekiya' ruq'ij ri Dios y nikiq'alajirisaj ri ruch'abel. Y chikiwech rije' e ik'owineq-pe q'ojomanela' kik'amon-pe ri kiq'ojom: Ri salterio, ri pandero, ri xul y ri arpa.

1 Rey 18:46

Y ri Jehová xuya-el ruchuq'a' ri Elías y xuchojmirisaj-el-ri' richin xanin-el, y xapon nabey chuwech ri Acab pa Jezreel.

Hechos 11:21

Ri ruchuq'a' ri Dios kan k'o-wi kik'in ri achi'a' ri'. Roma ri' toq e janila k'a e k'iy winaqi' ri xeniman y xkikuquba' kik'u'x rik'in ri ajaw Jesucristo.

Ez 8:1

Xk'uluwachitej k'a chi chupan ri ro' q'ij chire ri ruwaq ik' richin ri ruwaq juna' toq oj eleneq-pe pa qaruwach'ulew. Yin Ezequiel in tz'uyul k'a pa wachoch y ri achi'a' ri k'o kiq'ij richin ri Judá e tz'uyul-apo chinuwech. Jari' toq ri ruchuq'a' ri Jehová xoqaqa pa nuwi'.

Ez 3:22

Y chirij re' ri ruchuq'a' ri Jehová xpe chik jun bey wik'in y xubij chuwe chi kibiyin pa taq'aj y chiri' xtich'on wik'in.

Ez 3:14

Y toq ri ru-Espíritu ri Jehová xiruyek-q'anej, jari' toq xiruk'uaj-el ri chiri'. Y yin kan k'ayirineq pa nuchi' y xyakatej janila woyowal, roma ri ruq'a' ri Jehová kan qajineq k'a ri ralal chuwij yin.

1 Sam 18:10

Ri jun chik q'ij ri Jehová xuteq chik k'a pe ri itzel espíritu rik'in ri Saúl, y kan sachineq ruk'u'x k'o pa rachoch. Y ri David niq'ojoman k'a achi'el nuben ri ch'aqa' chik q'ij. Y ri Saúl kan ruk'uan k'a ri rukum.

1 Sam 16:16

Ajaw, taya' q'ij chiqe richin chi nibeqakanoj jun ri nitikir nuq'ojomaj arpa, richin toq xtipe ri itzel espíritu awik'in, rija' xtuq'ojomaj ri arpa y jari' toq rat xkach'uch'u' kan, xecha'.

2 Rey 3:16

Xch'on k'a ri Eliseo y xubij: Kere' rubin-pe ri Jehová: Ke'ibanala' k'a k'iy jul rubey taq ya' chukojol re nima'q taq juyu'.

Wuj Richin Bix Chire ri Dios 49:4

Kan xtintej nuq'ij ninkusaj ch'abel ri niq'ax chikiwech konojel. Xtinbixaj k'a re etamabel tzij re', rokik ninq'ojomaj ri arpa.