2 Rey 3:14 - Kaqchiquel Bible

¹⁴ K'ari' ri Eliseo xubij: Kan k'es-wi ri Jehová ri k'iytisanel richin ronojel, ri achoq chuwech ink'o-wi: Xa roma k'a peteneq ri Josafat iwik'in, roma ri' yich'on-el iwik'in. Wi man ta peteneq rija', man ta yatinwak'axaj, ni man ta nintzu-el awech, rat rey Joram.

2 Rey 3:14 ပူးပေါင်းရင်းမြစ်များ

2 Rey 5:16

Jak'a ri Eliseo xubij: Ninya' nutzij chuwech ri Jehová, ri achoq chuwech ink'o-wi, chi kan man jun k'a chire ri ak'amon-pe ri xtink'ul kan chawech, xcha'. Y ri Naamán kan nuk'utuj k'a utzil chire chi tuk'ulu' kan ri sipanik; jak'a ri Eliseo kan man xrajo' ta xuk'ul kan.

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

San Mateo 22:16

Jari' k'a toq rije' xekiteq ri kitijoxela' e kachibilan-el e ka'i-oxi' ruwinaq ri rey Herodes. Xekiteq k'a el rik'in ri Jesús; y rije' xbekibij k'a chire: Rat ri at jun tijonel, roj kan qetaman k'a chi xaxe ri kan qitzij ri niqa' chawech. Kan nak'ut-wi ri ruch'abel ri Dios pa rubeyal. Y man naxibij ta awi' chuwech jun wineq, stape' kan janila ta ruq'ij.

Wuj Richin ri Jeremías 1:18

Roma wakami, yin ninben k'a chawe achi'el jun tinamit ri sutin-rij chi tz'aq, achi'el jun xata't ri banon rik'in q'eqapueq o jun tz'aq ri banon rik'in q'enq'oj-pueq, richin chi napaba-awi' chikiwech ri e rey richin Judá, chikiwech ri e tata'al, ri e sacerdote y konojel ri tinamit richin re ruwach'ulew.

Wuj Richin Bix Chire ri Dios 15:4

ri nretzelaj ri kan ruk'amon richin netzelex, ri nuya' rejqalen ri niya'on ruq'ij ri Jehová; ri kan nuya' ri nusuj, stape' nik'oje' pa k'ayew rija';

1 Rey 21:20

Y ri Acab xubij chire ri Elías: ¿Y kan xino'awila' chik re wawe' rat etzelanel wichin?, xcha'. Y ri Elías xubij chire: Ja' xatonwila' chik, roma rat kan ajachon awi' chubanik ri etzelal chuwech ri Jehová.

1 Rey 18:15

Y ri Elías xubij chire: Chuwech k'a ri k'aslik Jehová k'iytisanel richin ronojel, ri achoq chuwech ink'o-wi, ninbij chawe chi kan ja re wakami xtink'ut-wi' chuwech ri Acab, xcha' ri Elías.