2 Rey 3:13 - Kaqchiquel Bible

¹³ K'ari' ri Eliseo xubij chire ri rey richin Israel: ¿Achike roma wik'in yin xape-wi? Ke'abek'ulubej ri e q'alajirisey ruch'abel ri ki-dios kan ri ate-atata', xcha' Y ri Joram xubij chire: Ni; roj oj peteneq awik'in rat q'alajirisey ruch'abel ri Jehová, roma ja rija' ri xoyon qichin re oj oxi' rey richin yojrujech pa ruq'a' ri tinamit Moab, xcha'.

2 Rey 3:13 ပူးပေါင်းရင်းမြစ်များ

1 Rey 22:6

Y k'ari' ri Acab xerumol konojel ri e q'alajirisey ruch'abel ri ki-dios, y xkimol k'a ki' e 400 achi'a', y xuk'utuj chike: ¿Utz kami chi yibe richin ninbenbana' oyowal pa ruwi' ri Ramot ri k'o pa Galaad, o xa ninmalij-qa?, xcha'. Y rije' xkibij chire chi utz nibe roma ri kajaw kan xtujech pa ruq'a'.

1 Rey 18:19

Tataqa' k'a rubixik chike ri winaqi' aj-Israel chi tikimolo-ki' wik'in yin ri chiri' pa ruwi' ri juyu' Carmelo, y chuqa' chi tikimolo-ki' ri e 450 achi'a' ri yesamajin kichin ri Baal, y ri e 400 achi'a' ri yesamajin kichin ri Asera, ri yetzuq roma ri Jezabel, xcha' ri Elías.

2 Rey 3:10

K'ari' ri Joram xubij: Ri Jehová xa xojruk'en-pe choj oxi' roj richin yojrujech pa kiq'a' ri aj-Moab, xcha'.

2 Corintios 6:15

¿Achi'el ta k'a toq ri Cristo nijunamatej ruwech rik'in ri Belial?*f3* ¿O kan man jun ta kami rukojol jun nimanel rik'in jun ri xa man nimanel ta?

2 Corintios 5:16

Roj re wakami y ri chiqawech-apo man jun chik wineq ri xtiqatzu', achi'el nikitzu' ri aj-ruwach'ulew. Stape' roj chuqa' xqach'ob chirij ri Cristo, chi rija' xa achi'el xabachike wineq. Jak'a re wakami man chik keri' ta niqach'ob chirij.

San Juan 2:4

Jak'a ri Jesús xubij chire: ¿Achike k'a ri nawajo'? Roma ri nu-hora xa k'a man jani tapon, xcha' rija'.

San Mateo 8:29

Y rije' kan rik'in k'a kuchuq'a' xech'on-apo rik'in ri Jesús y xkibij: Rat Jesús ri at ruk'ajol ri Dios, ¿achike nawajo' chiqe? ¿Achike roma yojaya' pa tijoj-poqonal, toq xa man jani napon ruq'ijul?, xecha'.

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Wuj Richin Etamabel-Tzij 1:28

Y jari' toq rix kan xkiniwoyoj richin yixinto', jak'a yin man xkiniman ta chiwe; k'ari' toq rix xkinikanola' y xa man xkiniwil ta chik.

Wuj Richin ri Rut 1:15

Roma ri' ri Noemí xubij chire: Tatz'eta', la awachalka'n xtzolin kan kik'in ri ruwinaq y kik'in ri dios ri nikiya' ruq'ij rije'; katzolej kan chuqa' rat, achi'el xuben rija', xcha' ri Noemí chire.

Wuj Kichin ri To'onela' 10:14

Kixbiyin y kixch'on kik'in ri i-dios ri xe'icha'; ja rije' xkekolon iwichin chupan ri tijoj-poqonal, xcha' chike.

1 Rey 17:18

Y ri ixoq ri' xubij chire ri Elías: ¿Achike xinmakuj yin chawech, rat ri at rusamajel ri a-Dios? ¿At peteneq wik'in chunataxik ronojel ri itzel nubanobal, y roma ri' xken ri ti wal?, xcha'.

2 Rey 3:12

Y ri Josafat xubij: Rija' xtubij chiqe ri achike nubij ri Jehová, xcha'. Y ri Josafat rey richin Israel, y ri rey richin Edom xebe-qa rik'in ri Eliseo.

Wuj Richin ri Jeremías 37:19

¿Akuchi kami ek'o-wi ri man e qitzij ta q'alajirisey ruch'abel ri Dios ri xkibij chawe chi ri rey richin Babilonia man xkixkichop ta chi oyowal, ni rix ni re winaqi' richin re ruwach'ulew re'?