2 Rey 3:11 - Kaqchiquel Bible

¹¹ Jak'a ri Josafat xubij: ¿Maneq kami wawe' jun q'alajirisey ruch'abel ri Jehová, richin niqak'ulubej, y ja rija' ri xtiq'axan ri qatzij?, xcha'. Y jun k'a chike ri aj-raqen rik'in ri Joram xubij chi chiri' k'o ri Eliseo, ruk'ajol ri Savat, ri xto'on richin ri Elías.

2 Rey 3:11 ပူးပေါင်းရင်းမြစ်များ

1 Rey 22:7

Jak'a ri Josafat xuk'utuj chi wi maneq ta kami jun q'alajirisey ruch'abel ri Jehová chiri' richin nikik'ulubej.

1 Rey 19:21

Y keri' ri Eliseo xuya' kan ri Elías y xtzolin. Xeberuk'ama-pe ri k'ulaj bóyix ri kan e richin rija' y xerukamisaj, y ri che' ri samajibel ri achoq ik'in yetun-wi ri bóyix, jari' ri xukusaj richin xuchaq'arisaj ri ti'ij y jari' ri xuya' chike ri winaqi' ri xeroyoj, y rije' kan xewa' k'a. K'ari' ri Eliseo xbe chirij ri Elías richin nusamajij.

2 Rey 3:3

Man rik'in ri', xa kan xmakun achi'el xuben ri Jeroboam ruk'ajol ri Nabat, y xuben chire ri tinamit Israel chi xmakun, y kan man xuya' ta kan ri mak ri'.

Am 3:7

Toq k'o ninwajo' ninben, ronojel mul ninq'alajirisaj chike ri e q'alajirisey nuch'abel.

Wuj Richin Bix Chire ri Dios 74:9

Kan man jun chik xk'oje' kan chire ri xek'atzin chupan ri awachoch. Kan xek'is k'a ri e q'alajirisey ach'abel. Ni ta re chiqakojol roj kan man jun k'a etamayon k'a janipe' nibetane' ronojel re'.

1 Crón 15:13

Ri pa nabey man xqak'ulubej ta ri Jehová pa ruwi' ri k'atzinel richin ta xqaben, y roma rix man xixk'oje' ta apo ri chiri', roma ri' ri Jehová xrelesaj-el ruk'aslen jun chiqakojol roj, xcha' ri David.

1 Crón 14:14

Keri' k'a ri David xuk'ulubej chik jun bey ri Dios, y ri Dios xubij chire: Man ye'aq'ijuj ta chikiwech; xa tasutij-kij y xke'aq'ijuj toq xkatapon chikikojol ri che' bálsamo.

1 Crón 14:10

Y roma ri' ri David xuk'utuj chire ri Dios, y xubij: ¿Utz kami yinel-el chubanik oyowal kik'in ri aj-Filistea? ¿Kan xke'ajech kami pa nuq'a'?, xcha'. Y ri Jehová xubij chire chi tibe y kan xkerujech pa ruq'a'.

1 Crón 10:13

Ri Saúl xken roma man xuben ta ri ruk'amon chi nuben chuwech ri Dios. Y man xaxe ta k'ari', xmakun chuqa' roma xa xberuk'ulubej jun ixoq ri nubananej chi retaman ri peteneq chikiwech-apo,

2 Rey 2:25

K'ari' ri Eliseo xbe pa ruwi' ri juyu' Carmelo, y chirij ri' xtzolej pa tinamit Samaria.

1 Timoteo 5:10

wi etaman chi kan e utz taq ixoqi', wi e kik'iytisan jebel ri kal, wi jebel e kik'ulun ch'aqa' chik winaqi' pa kachoch, wi ekilin rik'in qasanri'il ri qach'alal ri ye'apon pa kachoch, wi e kito'on ri nikitej poqon, y wi ronojel ruwech utzil e kibanalon.

Filipenses 2:22

Jak'a rix kan iwetaman chik k'a chi ri qach'alal Timoteo kan yalan-wi utz. Iwetaman chik chi rija' okineq achi'el nuk'ajol, roma samajineq wik'in richin qaq'alajirisan ri utzilej ch'abel richin kolotajik.

Wuj Kichin ri To'onela' 20:23

roma rije' kan xejote' k'a q'anej pa rachoch ri Jehová ri jun q'ij kan y chijun q'ij xe'oq' chuwech k'a toq xok na pe ri aq'a'. Rije' xkik'utuj k'a chire ri Jehová wi utz yebe chik jun bey richin nibekibana' oyowal kik'in ri aj-Benjamín, ri e kach'alal. Y ri Jehová kan xubij k'a chi utz yeyakatej chik el chikij.

Wuj Kichin ri To'onela' 20:18

Ri ch'aqa' chik israelita xebe k'a q'anej pa rachoch ri Jehová richin xbekik'ulubej y xkibij chire: ¿Achike tzobaj ri xtik'o-el chiqawech richin nibekibana' oyowal kik'in ri aj-Benjamín?, xecha'. Y ri Jehová xubij chike chi ja ri tzobaj richin Judá ri xtik'o-el chikiwech.

Wuj Richin ri Josúe 9:14

Y ri e rijatzul ri Israel xkinimaj k'a, roma xkitz'et ri kikaxlan-way man utz ta chik, jak'a rije' man xkik'utuj ta na chire ri Jehová ri ruk'amon richin nikiben.

Wuj Richin ri Josúe 1:1

Kere' k'a xbanatej chirij ri rukamik ri Moisés: K'o k'a jun achin rubini'an Josué ruk'ajol kan ri Nun y ri achin ri' ja rija' ri to'onel richin ri Moisés ri rusamajel ri Jehová; y toq kamineq chik el ri Moisés, ri Jehová xubij chire ri Josué:

Wuj Richin ri Rutikeribel 18:4

wi rix niwajo' yin ninteq ruk'amik ya' richin nich'ej ri iwaqen y yixuxlan na el juba' chuxe' re jun che' re'.

2 Rey 3:10

K'ari' ri Joram xubij: Ri Jehová xa xojruk'en-pe choj oxi' roj richin yojrujech pa kiq'a' ri aj-Moab, xcha'.

2 Rey 3:12

Y ri Josafat xubij: Rija' xtubij chiqe ri achike nubij ri Jehová, xcha'. Y ri Josafat rey richin Israel, y ri rey richin Edom xebe-qa rik'in ri Eliseo.

Wuj Richin ri Jeremías 37:17

K'ari' ri rey Sedequías xubij chi kinuk'uex-el pan ewel pa rachoch rija'. Y toq xinapon rik'in, xuk'utuj chuwe: ¿K'o kami jun rutzijol ri xuteq-pe ri Jehová? Y yin xinbij chire chi k'o. Y xinbij chire chi rija' xtiqaqa pa ruq'a' ri rey richin Babilonia.

2 Crón 18:6

Jak'a ri Josafat xuk'utuj wi k'o ta jun q'alajirisey ruch'abel ri Jehová chiri' richin nikik'ulubej.