2 Rey 3:10 - Kaqchiquel Bible

¹⁰ K'ari' ri Joram xubij: Ri Jehová xa xojruk'en-pe choj oxi' roj richin yojrujech pa kiq'a' ri aj-Moab, xcha'.

2 Rey 3:10 ပူးပေါင်းရင်းမြစ်များ

Wuj Richin ri Isaías 51:20

Ri Jehová ri qa-Dios kan janila royowal chiwe, y roma ri' ri iwal kan xepunupuxin kan pa taq krusin-bey, roma maneq chik kuchuq'a', achi'el ri masat ri e ya'on pa jun ya'l.

Wuj Richin ri Isaías 8:21

Janila xkewayjan, janila xkebison, y roma ri' xkebe-kela', xkebe-kela' xtikibanala' chuwech re ruwach'ulew. Y roma ri wayjal ri' xtiyakatej koyowal. K'ari' xtikiyek-el ri runaq' taq kiwech chila' chikaj y xtibekiqasaj ruq'ij ri ki-rey y ri Dios.

Wuj Richin Etamabel-Tzij 19:3

Ri ch'obonik richin ri achin nakanik, kan nuyoj k'a rubanik ri rubey; y k'ari' chirij ri Jehová nrelesaj-wi ri royowal ri k'o pa ránima.

2 Rey 6:33

K'a nich'on k'a ri Eliseo kik'in ri achi'a' ri k'o kiq'ij, toq xapon ri achin ri taqon-el, y ri achin ri' xubij: Wi kan ja ri Jehová taqayon-pe re jun ruk'ayewal re' pa qawi', ¿achike chik k'a xtinwoyobej yin richin ta ri Jehová nuchojmirisaj?, xcha'.

Wuj Richin ri Rutikeribel 4:13

K'ari' ri Caín xubij chire ri Jehová: Kan janila nim ri rutojbalil-mak ri naya' pa nuwi' richin chi yitikir ta ninkoch'.

2 Rey 3:9

Xe'el k'a el ri rey richin Israel, ri rey richin Judá y chuqa' xkachibilaj-el ri rey richin ri ruwach'ulew Edom. Ri bey ri napon pa Moab kan man choj ta k'a, y roma ri' xebiyin ri pa tz'iran ruwach'ulew wuqu' q'ij. Y roma ri' kan xk'is k'a ri kiya' ri aj-labal y keri' chuqa' ri kiya' ri chikopi' ri e kik'uan-el.

2 Rey 3:11

Jak'a ri Josafat xubij: ¿Maneq kami wawe' jun q'alajirisey ruch'abel ri Jehová, richin niqak'ulubej, y ja rija' ri xtiq'axan ri qatzij?, xcha'. Y jun k'a chike ri aj-raqen rik'in ri Joram xubij chi chiri' k'o ri Eliseo, ruk'ajol ri Savat, ri xto'on richin ri Elías.