2 Rey 25:7 - Kaqchiquel Bible

⁷ Ri aj-Babilonia xebekik'ama-pe ri ruk'ajol ri Sedequías, y kan ja ri chuwech rija' xekikamisaj. K'ari' xekelesaj ri ka'i' runaq' taq ruwech ri Sedequías y xkixim rik'in cadena banon rik'in q'eqapueq, y xkik'uaj k'a pa Babilonia.

2 Rey 25:7 ပူးပေါင်းရင်းမြစ်များ

Ez 7:27

Ri rey kan xtukusaj k'a tzieq richin bis y ri e tata'al kan xkebison janila. Y rix kan janila xkixbaybot. Kan achi'el rubanik ri imak kan keri' ri rutojbalil ri xtinya' pan iwi'; richin keri' xtiwetamaj chi ja yin Jehová, xcha'.

Wuj Richin ri Jeremías 34:3

Jak'a rat Sedequías, man xkakolotej ta kan pa ruq'a'. Xa kan xkatkichop-el y xkatkik'uaj-el pa ruq'a' ri Nabucodonosor. Y kan xtich'on awik'in y k'ari' xkaruk'uaj-el pa Babilonia.

Wuj Richin ri Jeremías 22:30

Ri Jeconías kan xtitz'ibex k'a kan rubi' chupan ri wuj kichin ri e kijatzul, chi rija' achi'el xa ta man xek'oje' ta ralk'ual, achi'el jun achin ri man jun utz nel chuwech. Roma kan man jun chike ri rijatzul rija' ri xtitikir ta ri xtitz'uye' kan pa rutz'uyubal ri David richin xtiq'aton-tzij pa ruwi' ri tinamit Judá, xcha' ri Dios.

Wuj Richin Bix Chire ri Dios 149:8

richin ye'ijitz' rik'in ch'ich' ri ki-rey, ri e tata'al y ri achi'a' ri k'o kiq'ij kan ke'ijitz'a' rik'in cadena;

2 Crón 36:6

Y ri Nabucodonosor rey richin Babilonia xapon rik'in ri Joaquim y xuxim rik'in cadena ri banon rik'in q'enq'oj-pueq y xuk'uaj-el pa Babilonia.

2 Crón 33:11

Y roma ri' ri Jehová xeruk'en-pe aj-raqen kichin ri aj-labal aj-Asiria chikij. Xkixim k'a el ri Manasés rik'in cadena ri banon rik'in q'enq'oj-pueq, y k'ari' xkik'uaj-el pa Babilonia.

Wuj Kichin ri To'onela' 16:21

Y ri aj-Filistea xkichop y xkelesaj ri ka'i' runaq'-ruwech y xkik'uaj k'a pa tinamit Gaza y xkixim rik'in cadena ri banon rik'in q'enq'oj-pueq, y xkiben chire richin nusutij ri abej jok'bel, ri nukusex ri chiri' pa cárcel.

Deut 28:34

Toq xtitz'et ronojel re', kan xkixch'ujer.

Wuj Richin ri Rutikeribel 44:34

Roma ¿Achi'el ta k'a toq xkinapon chuwech ri nata' wi xa nuyon chik yin y man beneq ta ri qachaq'? Man ninwajo' ta nintz'et ri tijoj-poqonal ri xtuq'axaj ri nata', xcha' ri Judá.

Wuj Richin ri Rutikeribel 21:16

K'ari' rija' xbek'oje-pe pa jun la'eq oxi' raqen k'an, roma man nrajo' ta nutz'et toq niken ri ral. Y k'ari' ri Agar xsik'in-q'anej chi oq'ej.

Deut 28:36

Ri Jehová xtuben chiwe chi rix y ri i-rey xkixuk'uex-el pa jun chik ruwach'ulew ri man itz'eton ta rix ni ri qati't-qamama' man xketamaj ta y chiri' rix kan xtiya' k'a kiq'ij ch'aqa' chik dios ri e banon rik'in che' y abej.

Wuj Richin ri Jeremías 38:23

Chuqa' ri awixjayilal y ri awalk'ual xkejach pa kiq'a' ri aj-Babilonia.Y rat man xtakol ta kan awi', xa kan xkatzaq k'a pa ruq'a' ri Nabucodonosor. Y re tinamit re' kan xtiya'ox ruq'aq'al, xicha' chire.

Wuj Richin ri Isaías 22:3

Konojel ri e tata'al kan xke'animej, jak'a xa xkechapatej y man jun rute-ch'ab ri xtikik'eq. Stape' kan nej xke'animej-wi, kan xkekiq'i' y xkekichop.

Wuj Richin ri Jeremías 21:7

Chirij ri' yin Jehová xkenjech-el pa ruq'a' ri Nabucodonosor y ri ruwinaq; ri Sedequías, rey richin Judá, ri aj-raqen, ri aj-labal y ri winaqi' ri xek'oje' kan chire ri nima-yabil, ri man xekamisex ta chi espada y ri man xeken ta roma wayjal. Xkenjech pa kiq'a' ri e etzelanel kichin y pa kiq'a' ri ye'ajowan nikelesaj kik'aslen. Yin xtinben chi xkekamisex chi espada y kan man xtijoyowex ta kiwech. Yin Jehová ri yibin.

Wuj Richin ri Jeremías 37:17

K'ari' ri rey Sedequías xubij chi kinuk'uex-el pan ewel pa rachoch rija'. Y toq xinapon rik'in, xuk'utuj chuwe: ¿K'o kami jun rutzijol ri xuteq-pe ri Jehová? Y yin xinbij chire chi k'o. Y xinbij chire chi rija' xtiqaqa pa ruq'a' ri rey richin Babilonia.

Wuj Richin ri K'uxla'anik 2:9

Ri che' richin ri okibel xetzaq y xemuqutej yan; y ri ch'ich' ri e q'ebalon chirij xa xetalutej. Ri rey y ri e tata'al ek'o nej chupan ri ximonri'il, chikikojol ri winaqi' ri maneq Dios chikiwech. Ri pixa' ri xya'ox chiqe xa maneq chik, y ri e q'alajirisey ruch'abel ri Dios kan man jun chik ri xk'ut chikiwech.

Ez 12:11

Y chuqa' k'o chi ninbij chi yin xinok jun retal chike ri nuwinaq ri ek'o wik'in, roma achi'el k'a ri xinben yin keri' xtiban chike ri ek'o kan pa Jerusalem toq xke'elesex-el y xke'uk'uex pa ximonri'il.