2 Rey 25:4 - Kaqchiquel Bible

⁴ Chupan ri q'ij ri' ri aj-Babilonia xkiben jun jul chupan ri tz'aq richin ye'ok chupan ri tinamit. Roma ri' ri Sedequías y konojel ri aj-labal xe'animej-el ri aq'a' ri' stape' ri aj-Babilonia kisutin-rij ri tz'aq. Ri Sedequías y ri achi'a' xe'ik'o-el ke taq ri' akuchi k'o-wi ruchi' ri ruqejoj ri rey, ri k'o chukojol ri ka'i' tz'aq. Rije' xkichop-el bey richin xebe pa relebel-q'ij chire ri raqen-ya' Jordán.

2 Rey 25:4 ပူးပေါင်းရင်းမြစ်များ

Ez 33:21

K'o k'a jun q'ij jun achin xanimej-pe ri chiri' pa Jerusalem y xapon wik'in, toq xtz'aqet kablajuj juna' chi xojk'amer-pe pa Babilonia, chupan ri ro' q'ij chire ri ik' kablajuj. Y rija' xutzijoj chuwe chi ri tinamit Jerusalem xch'akatej pa kiq'a' ri e etzelanel qichin.

Ez 12:12

Y ri Jehová xubij chuqa': Chupan ri q'ij ri' ja jun ri rey xtuk'uaj-el chuwi-rutele'n ri nik'atzin chire pa ximonri'il y k'a xtiq'equmer na qa k'ari' xtel-el chupan jun jul ri xtiban chire ri tz'aq richin ri tinamit. Kan xtutz'apej k'a el ri rupalej richin man nutz'et ta ri ruwach'ulew ri xtumalij kan.

Wuj Richin ri Jeremías 5:10

Roma ri' ninya' q'ij chike ri e etzelanel iwichin richin yixkik'is, achi'el toq nijoq'-el ri ruq'a' ri uva ri xemayamo' yan qa, roma re' man e wichin ta yin. Jak'a man ye'ik'is ta el ronojel.

Wuj Richin ri Nehemías 3:15

Ri Salum ruk'ajol ri Colhozé, aj-raqen pa ruwi' ri tinamit rubini'an Mispá, xuyek chik q'anej ri ruchi' ri tz'aq ri rubini'an Ralaxbel-Ya'. Y xuchojmirisaj y xuya' ch'ich' y che' chirij richin xuch'ayuj kan jebel. Y keri' chuqa' xuyek-q'anej ri tz'aq ri napon-qa chuchi' ri ralaxbel-ya' richin Siloé ri k'o chunaqaj ri ruqejoj ri rey, y napon-qa k'a akuchi nik'is-wi ri grada ri nixule-qa pa rutinamit kan ri rey David.

2 Rey 25:5

Jak'a ri aj-labal aj-Babilonia, xekinabej y xekitzeqelibej-el. Kan xkichop k'a ri Sedequías ri chiri' pa taq'aj richin ri tinamit Jericó, jak'a ri aj-labal ri e richin rija' xa xe'animej.

Deut 32:30

¿Tikirel kami chi e 1,000 achi'a' chiwe rix ye'animej chuwech jun chike ri e etzelanel iwichin, o e 10,000 achi'a' chiwe rix ye'animej chikiwech e ka'i' chike rije'? Ri' xbanatej xaxe roma ri Jehová, ri abej ri itobal man xixruto' ta chik. Xa xixrujech pa kiq'a' ri e etzelanel iwichin.

Deut 28:25

Ri Jehová kan xtuben chi xkixrujech pa kiq'a' ri e etzelanel iwichin, y rix xkixanimej-el chikiwech. Xa kan itzel k'a xkixtz'et koma konojel ri winaqi' richin ri ruwach'ulew.

Wuj Richin ri Chojmirisabelri'il 26:36

Y ri kik'in ri iwijatzul ri man xkeken ta, ri xkebek'oje' pa kiruwach'ulew ri etzelanel kichin, yin xtinben chike richin xkemayamo-qa. Xtinben k'a chike chi xtikixibij-ki' xaxe roma nitzaq-pe jun ruxaq che' y xke'animej k'a achi'el xa ta k'o e oqotayon rik'in espada y kan xketzaq, stape' man jun e oqotayon.

Wuj Richin ri Chojmirisabelri'il 26:17

Yin xkiyakatej k'a chiwij y kan xkixch'akatej k'a pa kiq'a' ri etzelanel iwichin y ja rije' ri xkek'oje' pan iwi'; y rix xkixanimej k'a, stape' man jun oqotayon iwichin.

2 Crón 32:5

Y ri Ezequías kan rik'in k'a ronojel uchuq'a' xuteq ruchojmirisaxik ri tz'aq, y xeruben-q'anej jay kichin ri chajinela' pa ruwi', y chuqa' xuben jun chik tz'aq ri xk'oje-pe chuwech ri tz'aq ri kan k'o. Chuqa' xunojisaj chik chi ulew ri chuwech-pe ri tz'aq ri k'o chiri' pa tinamit richin ri rey David. Y xuteq rubanikil k'iy espada y tobel.

Wuj Richin ri Isaías 22:11

Chukojol ri ka'i' tz'aq ri sutiyon-rij ri tinamit, xtikinojisaj chi ya', ri xtikik'en-pe chupan ri ojer yakonabel. Jak'a rix xa man xtikanoj ta to'onik rik'in ri Dios ri xojbanon. Rix man xtiya' ta rejqalen ri Dios ri xch'obon chirij ronojel re'.

Wuj Richin ri Jeremías 4:29

Konojel ri winaqi' richin ri ruwach'ulew ye'animej chuwech ri raqoj-chi'ij kichin ri achi'a' e beneq chirij kiej y chikiwech ri achi'a' ch'abnela'. Ri winaqi' ri' nibekewaj-ki' pa taq q'ayis ri janila q'equ'm rupan y yejote-q'anej pa ruwi' nima'q taq abej. Konojel k'a ri tinamit kan xetole' kan y kan man jun chik xk'ase' kan chiri'.

Wuj Richin ri Jeremías 32:4

Y chuqa' xabij chi yin man xkitikir ta xkinanimej kan pa kiq'a' ri aj-Babilonia, xa kan xkijach k'a pa ruq'a' ri Nabucodonosor y chi xkinapon rik'in rija'.

Wuj Richin ri Jeremías 34:3

Jak'a rat Sedequías, man xkakolotej ta kan pa ruq'a'. Xa kan xkatkichop-el y xkatkik'uaj-el pa ruq'a' ri Nabucodonosor. Y kan xtich'on awik'in y k'ari' xkaruk'uaj-el pa Babilonia.

Wuj Richin ri Jeremías 38:18

Jak'a wi man najech ta awi', re tinamit re' xtijach pa kiq'a' rije' y xtikiporoj y rat man xkakolotej ta kan pa kiq'a', xicha' chire.

Wuj Richin ri Jeremías 44:30

Y ri retal ri' chi yin kan xtinjech ri Hofra rey richin Egipto pa ruq'a' ri Nabucodonosor rey richin Babilonia, ri nukanoj richin nrelesaj ruk'aslen, achi'el xinjech ri Sedequías rey richin Judá pa ruq'a' rija'. Yin Jehová ri yibin, xicha' chike.

Wuj Richin ri K'uxla'anik 1:3

Ri winaqi' aj-Judá pa ruwi' ri kan janila xkitej poqon y janila kow xesamej. Chuqa' kan xbekiya' k'a ki' pa ximonri'il. Rije' xebek'oje' chikikojol ch'aqa' chik winaqi' kichin ri ruwach'ulew, kan man xkil ta uxlanen. Konojel ri xe'oqotan kichin xebekila' k'a akuchi kewan-wi-ki', kan xekiya' k'a pa latz'.

Wuj Richin ri K'uxla'anik 1:6

Ri jebelej rubanikil ri tinamit Sión xa xk'is ronojel. Ri e tata'al xa kan xebe achi'el nikiben ri masat ri man nikil ta kiway. Xa kan xk'is k'a kuchuq'a' chikiwech ri e tzeqelibeyon kichin.

Ez 12:4

Ronojel re' xtaben tiqaq'ij. Y chuqa' chupan ri chi'aq'a' ri'; xtaben achi'el xa ta at beneq pa ximonri'il.

Ez 12:14

Y ri aj-labal y ri yechajin richin, kan xkentaluj k'a el chuwech ri ruwach'ulew y xkenkamisaj chi espada.

Wuj Richin ri Zacarías 8:19

Toq rix yixmewayin pa rukaj ik', pa ro', pa ruwuq y pa lajuj ik', kan xtok k'a jun nimaq'ij richin janila kikoten chi'ikojolil rix. Roma ri' k'o chi niwajo-iwi' chiwech-qa rix, y tik'oje' uxlanenri'il chi'ikojol.

Wuj Richin ri Isaías 22:3

Konojel ri e tata'al kan xke'animej, jak'a xa xkechapatej y man jun rute-ch'ab ri xtikik'eq. Stape' kan nej xke'animej-wi, kan xkekiq'i' y xkekichop.