2 Rey 25:1 - Kaqchiquel Bible

¹ Chupan ri juna' beleje' richin ri q'atbel-tzij richin ri rey Sedequías, chupan ri lajuj q'ij richin ri ik' lajuj, jari' toq ri Nabucodonosor rey richin Babilonia xyakatej chik pe chikij ri aj-Jerusalem, e rachibilan-pe konojel aj-labal. Y rije' xkisutij-rij ri tinamit. Xek'oje-qa chiri' chirij ri tinamit y xekibanala-q'anej tz'aq richin nikito-ki'.

2 Rey 25:1 ပူးပေါင်းရင်းမြစ်များ

Wuj Richin ri Isaías 29:3

Kan xkenteq k'a aj-labal richin chi xtikisutij ri tinamit. Rije' xtikiya' k'a jun chajinel pa ruwi' ri tz'aq richin ye'ok-apo, y chuqa' xtikijok-q'anej ulew pa cholaj richin nikewaj-ki'.

1 Crón 6:15

Ri Josadac xuk'uex-el toq ri Jehová xuq'axaj ri Judá y ri Jerusalem pa ruq'a' ri Nabucodonosor.

Ez 26:7

Roma ri' kere' ninbij yin: Xtink'en k'a pe jun rey chiwij rix aj-Tiro y rija' ik'owineq chik ruwi' ri uchuq'a' ri k'o rik'in chikiwech ri ch'aqa' chik rey. Rija' xtipe kere' pa xaman y rubini'an Nabucodonosor, rey pa ruwi' ri ruwach'ulew Babilonia. Y rik'in rija' xkepe aj-labal, achi'a' yech'oke' chirij kiej y carruaje richin oyowal.

Wuj Richin ri Jeremías 51:34

Ri winaqi' aj-Jerusalem nikibij: Ri Nabucodonosor rey richin Babilonia kan xusech qak'u'x y kan xojruk'ux richin xojruk'is. Kan xuben k'a chiqe achi'el jun leq ri man jun chik rupan. Kan xojrubeq' achi'el nuben jun nimalej chikop ri k'o pa palou. Kan xnoj k'a rupan rik'in ri jebelej ri k'o qik'in y ri man xuk'is ta xuchubaj-el.

Wuj Richin ri Jeremías 43:10

Y xubij chuwe chi tinbij: Kere' nubij ri Jehová k'iytisanel richin ronojel: Yin kan xtinben richin xtipe ri nusamajel Nabucodonosor, rey richin Babilonia. Y re wawe' rija' xtiberubana' rachoch y xtuya' ri rutz'uyubal pa ruwi' re abej re'.

Wuj Richin ri Jeremías 32:28

Roma ri' wakami ninjech ri tinamit pa ruq'a' ri Nabucodonosor y ri ruwinaq.

Wuj Richin ri Jeremías 32:24

Wakami k'a ri aj-Babilonia xkimontonij-q'anej ulew chirij ri tz'aq richin nikichop chi oyowal ri tinamit, Roma ri labal, ri wayjal y ri nima-yabil, re tinamit re' xtijach-el pa kiq'a' rije'. Ri xabij rat Jehová, kan jare' ri nibanatej wakami.

Wuj Richin ri Jeremías 27:8

Jak'a ri tzobaj winaqi' ri man nikajo' ta nikilij ri Nabucodonosor, rey richin Babilonia y ri man nikajo' ta yek'oje' chuxe' rutzij rija', yin kan xtinya' rutojbalil pa kiwi' k'a ja toq xkek'is na. Konojel k'a xkenkamisaj rik'in espada, xkeken rik'in wayjal y xkeken rik'in nima-yabil. Yin Jehová ri yibin.

2 Rey 24:10

Je q'ij ri', toq ri Nabucodonosor rey richin Babilonia xeruteq-pe aj-labal richin nokich'aka' ri tinamit Jerusalem, y xkisutij-rij.

2 Rey 24:1

Chirij re' ri Nabucodonosor, rey richin Babilonia, xok chupan ri ruwach'ulew Judá, y ri Joaquim kan xk'oje' k'a chuxe' rutzij ri Nabucodonosor. Jak'a toq xtz'aqet oxi' juna', ri Joaquim xa xujel ri ruch'obonik y xyakatej chirij.

2 Rey 25:2

Y xsutix k'a rij ri tinamit, k'a xapon na ri juna' julajuj richin ri q'atbel-tzij richin ri rey Sedequías.

Wuj Richin ri Jeremías 6:3

Chiri' xkebe-wi ri yuq'unela' rik'in ri tzobaj taq kikarne'l y chiri' xtikipaba-q'anej ri kachoch e banon rik'in tzieq.

Wuj Richin ri Jeremías 21:2

Tabana' utzil kach'on rik'in ri Jehová pa qabi' roj, roma ri Nabucodonosor rey richin ri tinamit Babilonia xuchop yan richin nuben labal qik'in. Rik'in juba' ri Jehová nuben qik'in roj achi'el ri meyel taq banobel ri xuben ri ojer kan, richin chi yetzolin-el ri e etzelanel qichin, xecha'.

Wuj Richin ri Jeremías 32:1

Ri Jehová xch'on chik jun bey wik'in yin Jeremías, chupan ri juna' lajuj toq niq'aton-tzij ri Sedequías rey richin Judá y chupan chuqa' ri juna' waqxaqlajuj chire ri q'atbel-tzij richin ri Nabucodonosor.

Wuj Richin ri Jeremías 50:17

Rix winaqi' israelita ri italun-iwi' achi'el karne'l ri e sachineq y e tzeqeliben koma koj. Ri nabey koj ja ri rey richin Asiria, ri xixrutej rix. K'ari' xpe ri Nabucodonosor rey richin Babilonia y xupaq'aq'ej ri ibaqil.

Ez 21:14

Y rat Ezequiel, taq'alajirisaj k'a ri nuch'abel, k'ari' xtapaq'apa' ri aq'a' retal richin k'o ch'akonik. Ri espada kan man xtitane' ta qa richin nikamisan, y kan yerukamisaj konojel winaqi' ri ek'o xabakuchi.

Ez 40:1

Toq xtz'aqet juwineq wo'o' juna' chi qojk'amer-pe pa Babilonia, chuqa' jari' toq xtz'aqet kajlajuj juna' tich'akatej ri qatinamit Jerusalem. Y chupan ri q'ij lajuj chire ri nabey ik' chire ri juna' ri', xpe ri ruchuq'a' ri Jehová pa nuwi' y chupan jun achi'el achik' xiruk'uaj-el pan Israel.

Deut 28:52

Xtikisutij-rij ri tinamit richin iruwach'ulew y xtikiben oyowal k'a toq xketzaq na qa ri tz'aq ri más e nima'q y nej e jotol chikaj ri achoq ik'in ikuquban-wi-ik'u'x rix. Kan xkekich'ek k'a ronojel ri tinamit ri ek'o chupan ri ruwach'ulew ri xtiberuya' ri Jehová ri qa-Dios chiwe.

2 Rey 25:8

Y toq xapon ri ruwuq q'ij richin ri ro' ik', chire ri juna' belejlajuj richin ri q'atbel-tzij richin ri Nabucodonosor, jari' toq ri Nebuzaradán, ri aj-raqen pa kiwi' ri chajinela' richin ri rey, xoqaqa pa tinamit Jerusalem.

2 Crón 36:11

Ri Sedequías k'o k'a juwineq jun rujuna' toq xuchop nuq'et-tzij, y xq'aton-tzij julajuj juna' chiri' pa Jerusalem.

Wuj Richin ri Jeremías 32:2

Chupan k'a ri q'ij ri' ri aj-labal e richin ri Nabucodonosor kisutin k'a rij ri tinamit Jerusalem. Y yin in ximil chiri' chuwa-jay akuchi ek'o-wi ri chajinela' richin ri rachoch ri rey Sedequías,

Wuj Richin ri Jeremías 52:1

Ri Sedequías k'o k'a juwineq jun rujuna' toq xuchop nuq'et-tzij y julajuj juna' ri xuq'et-tzij chiri' pa Jerusalem. Ri rute' rubini'an Hamutal, rumi'al ri jun chik achin rubini'an Jeremías aj-Libná.

Wuj Richin ri Zacarías 8:19

Toq rix yixmewayin pa rukaj ik', pa ro', pa ruwuq y pa lajuj ik', kan xtok k'a jun nimaq'ij richin janila kikoten chi'ikojolil rix. Roma ri' k'o chi niwajo-iwi' chiwech-qa rix, y tik'oje' uxlanenri'il chi'ikojol.