2 Rey 24:4 - Kaqchiquel Bible

⁴ Y chuqa' rija' xuben chi xbiyin kikik'el ri winaqi' ri maneq kimak. Roma ri' ri Jehová man xukuy ta ri rumak.

2 Rey 24:4 ပူးပေါင်းရင်းမြစ်များ

2 Rey 21:16

Ri Manasés xuben chike ri winaqi' aj-Judá chi xemakun y keri' rije' xekibanala' itzel chuwech ri Jehová. Y man xaxe ta ri' ri xuben ri Manasés; kan e k'iy winaqi' ri maneq kimak ri xerukamisaj, y kan chupan k'a chijun ri Jerusalem k'o kamik ri xeruben, xtiker-pe ri jun ruchi' y xapon k'a ri jun chik ruchi'.

Ez 33:25

Jak'a yin ninbij chi rije' nikitej ti'ij ri k'a ruk'uan na kik', nikiya' kiq'ij wachibel y yekamisan. Man rik'in ri' nikajo' richin nok kan kichin ri ruwach'ulew ri'.

Wuj Richin ri K'uxla'anik 3:42

richin niqabij chi roj kan xojmakun-wi. Kan xqapaba-qi' chuwech rija', y roma ri' rija' man xukuy ta ri qamak.

Wuj Richin ri Jeremías 19:4

Roma ri winaqi' israelita xinkimalij kan y kan xkiben chire ri taq'aj ri' chi xenoj chi dios ri man e aj wawe' ta y man xketamaj ta kiwech ri iwati't-imama', ni ri e rey ri xek'oje' ojer kan. Y wawe' xisuj pom chikiwech y kan xinojisaj ri tinamit rik'in kik' roma xe'ikamisaj ri winaqi' ri xa man jun kimak.

Wuj Richin ri Jeremías 2:34

Y rix kan e ikamisan winaqi' ri xa man jun kimak kibanon y man xe'iwil ta chubanik jun eleq'. Stape' chirij ri itziaq kan xtz'etetej k'a kik',

Wuj Richin Bix Chire ri Dios 106:38

Xekikamisaj k'a ri kalk'ual ri xa man jun kimak. Xekisuj k'a chikiwech ri wachibel ri e kibanon ri aj-Canaán. Y roma ri' xkitz'ilobisaj k'a ri ruwach'ulew ri' rik'in ri kik'.

Deut 19:10

Richin keri' man chaq xtitix ta kik' chaq keri' chuwech ri ruwach'ulew ri xtiberuya' ri Jehová ri qa-Dios chiwe, y man xtiqaqa ta pan iwi' rix ri mak ri xtibanatej.

Wuj Richin ri Q'axanri'il 35:33

Y man tiben chire ri itinamit ri akuchi yixbek'oje-wi richin nok man ch'ajch'oj ta roma ri kamik ri xiben, roma ri kik' nuben chi ri ruwach'ulew nok man ch'ajch'oj ta. Y ri ruwach'ulew xtok ch'ajch'oj k'a toq xtiken na ri kamisanel.

2 Rey 21:11

Ri Manasés ri rey richin Judá nuben ri man niqa' ta chinuwech, y kan nuben más itzel taq banobel chuwech ri xkiben ri aj-Hamor ri xek'oje' ojer kan, y rija' kan xuben chike ri aj-Judá richin xkiya' kiq'ij ri kiwachibel ri ch'aqa' chik dios.

2 Rey 24:5

Ri ch'aqa' chik ri xuben ri Joaquim chupan ri ruq'atbal-tzij y ronojel ri samaj ri xuben, tz'ibatel kan chupan ri wuj richin ri kibanobal ri rey richin Judá.

Wuj Richin ri Jeremías 15:4

Xtinben chi konojel tzobaj winaqi' richin ri ruwach'ulew xtikik'en rukiy rik'in ri xtinbenbana' kik'in, roma ri rumak ri xuben ri rey Manasés, ri ruk'ajol ri Ezequías chiri' pa Jerusalem.

Wuj Richin ri Jeremías 22:17

Jak'a rat xaxe nawajo' richin nik'oje' ta más améro ri man ach'akon ta pa ruchojmilal. Kan xe'akamisaj ri winaqi' ri xa maneq kimak y kan janila xe'aya' pa tijoj-poqonal.

Wuj Richin ri Jeremías 32:31

Roma re tinamit re', kan ruyakon-pe woyowal kan k'a ja toq xpabex-q'anej y k'a re wakami, roma ri' kan xkenk'is-el chuwech re ruwach'ulew,

Ez 24:6

Yin Jehová ri yibin. Toq'ex ruwech ri tinamit Jerusalem roma ek'o janila kamisanela' chiri'. Ri tinamit ri' achi'el xa ta jun bojo'y ri banon rik'in q'eqapueq y ruchulun-ri' ri kan man nel ta chik. Y ri winaqi' xke'elesex-el chupan ri Jerusalem achi'el niban rik'in ri ti'ij toq nelesex-el chupan ri bojo'y y ri bojo'y nik'oje' kan keri'.

Deut 29:19

Rik'in juba' toq iwak'axan chik ri ch'abel richin ri ya'on-tzij k'o jun chi'ikojol ri kan janila xtuna-ri' y xtubij-qa: Yin kan man jun xtink'uluwachij stape' xtinben ronojel ri niqa' chinuwech yin, xticha-qa; y jari' ri xtibanon chi xtipe wululen chiqij qonojel.

2 Rey 23:26

Man rik'in ri', ri Jehová man xqaqa ta ruwi' ri royowal, roma kan k'a royowal na chike ri aj-Judá roma ronojel itzel ri xuben ri Manasés ri xuben chi xuyek royowal ri Jehová.

Wuj Richin Etamabel-Tzij 6:17

Y jare' k'a ri wuqu' banobel ri más nretzelaj rija': Ri nimirisanen; ri tz'ukuj-tzij; ri banoj kamik;

Ez 22:3

Y tabij k'a chike ri winaqi' aj chiri' ri ninbij yin. Rix ix jun tinamit ri ix kamisanel y ye'iben-q'anej wachibel richin chi yixok man ix ch'ajch'oj ta.

Ez 24:8

Yin xinya' q'ij richin xk'oje' kan ri kik' pa ruwi' ri abej y man xmuq ta kan. Y re' kan xtik'atzin richin natabel chi xiyek woyowal y richin ninya' rutojbalil pan iwi'.