2 Rey 24:3 - Kaqchiquel Bible

³ Kere' xkik'uluwachij ri winaqi' aj-Judá, kan achi'el xubij ri Jehová, richin xerelesaj-el chuwech roma ri mak ri xuben ri Manasés.

2 Rey 24:3 ပူးပေါင်းရင်းမြစ်များ

2 Rey 18:25

¿Rat nach'ob chi yin xipe richin nonbana' oyowal y nonk'isa' re jun ruwach'ulew re' y man jun xubij-pe ri Jehová Dios chuwe? Ri Jehová xubij chuwe chi yijote-pe chupan re ruwach'ulew re' y yenk'is kan, xcha'.

Wuj Richin ri Miqueas 2:10

Kixyakatej k'a y tichapa' bey roma rix man xtiwil ta chik uxlanibel-k'u'x chuwech re ruwach'ulew. Iwoma rix re ruwach'ulew re' man ch'ajch'oj ta chik, y roma ri' xtiwulex kan.

Am 3:6

Wi ri trompeta nixupux pa tinamit retal richin labal, konojel ri winaqi' kan nisach kik'u'x. Wi k'o jun nik'uluwachitej chupan ri tinamit, kan ja yin Jehová ri yiya'on q'ij chi keri' nibanatej.

Wuj Richin ri Isaías 45:7

Ja yin yiya'on ri saqil, y yiya'on ri q'equ'm. Yin yibanon chike ri winaqi' chi yebe pa jotol, y ja yin yibanon chike chi yebe pa xulan. Ja yin Jehová ri yibanon ronojel re'.

2 Crón 25:16

Y toq ri q'alajirisanel nubij keri', jari' toq ri rey xubij-apo: ¿At ya'on kan rat richin napixabaj ri rey? Man chaq ronojel ke'abij. ¿O nawajo' richin yakamisex?, xcha'. K'ari' ri q'alajirisanel xtane' rik'in re ch'abel re': Wakami wetaman chik chi ri Dios kan xkaberuk'isa' roma kere' xaben, y man xataqej ta ri xinbij chawe, xcha'.

Wuj Richin ri Josúe 23:15

Wi xtiq'ej ruwi' ri rujikibel-tzij ri Jehová ri qa-Dios ri ruya'on chiwe, y kan xkixbe chikij ri jujun chik dios, xtiya' kiq'ij, y xke'isamajij; wi xtiben keri' ri Jehová ri qa-Dios xtuya-pe ruk'ayewal pan iwi'. Achi'el k'a ri urtisanik ri xuya' rija' pa qawi', keri' chuqa' xtuya-pe ri etzelanik pan iwi', y xkixruk'is-el chuwech ri ruwach'ulew ri xuya' chiqe, xcha' ri Josué.

Deut 29:28

Y rik'in k'a ri janila royowal, ri Jehová xerelesaj-el chupan re kiruwach'ulew, y xerutaluj-el pa ch'aqa' chik ruwach'ulew, achi'el re niqatz'et k'a re q'ij re', xkecha'.

Deut 28:63

Achi'el toq ri Jehová kan rik'in janila kikoten utz xuben iwik'in y xixruwinaqirisaj, kan keri' chuqa' xtuben toq xkixruk'is-el jumul, kan xkixrelesaj k'a el chuwech re ruwach'ulew ri akuchi xkixok-wi richin xtiwichinaj kan.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Wuj Richin ri Rutikeribel 50:20

Rix xich'ob chi niben itzel chuwe yin, jak'a ri Dios xixrukusaj richin utz, richin chi nitz'et chi xinkol kik'aslen janila chi winaqi'.

Wuj Richin ri Jeremías 32:31

Roma re tinamit re', kan ruyakon-pe woyowal kan k'a ja toq xpabex-q'anej y k'a re wakami, roma ri' kan xkenk'is-el chuwech re ruwach'ulew,

Wuj Richin ri Jeremías 52:28

Ja kajlabal re winaqi' re' ri xeruk'uaj-el pa ximonri'il ri Nabucodonosor: Chupan ri juna' waqxaqi' chire ri ruq'atbal-tzij xeruk'uaj-el e 3,023 aj-Judá.

Ez 24:6

Yin Jehová ri yibin. Toq'ex ruwech ri tinamit Jerusalem roma ek'o janila kamisanela' chiri'. Ri tinamit ri' achi'el xa ta jun bojo'y ri banon rik'in q'eqapueq y ruchulun-ri' ri kan man nel ta chik. Y ri winaqi' xke'elesex-el chupan ri Jerusalem achi'el niban rik'in ri ti'ij toq nelesex-el chupan ri bojo'y y ri bojo'y nik'oje' kan keri'.

2 Rey 17:18

Roma ri' ri Jehová kan xyakatej k'a janila royowal rik'in ri tinamit Israel. Kan xerelesaj-el pa ruwach'ulew Israel richin xeruya' chik juk'an ruwach'ulew, y xaxe k'a ri ruwach'ulew Judá xk'oje' kan chiri'.

2 Rey 17:20

Roma ri' ri Jehová xeretzelaj k'a chijun rijatzul kan ri Israel, y kan xeruya' pa poqon, y kan xerujech pa kiq'a' ri itzel taq achi'a' y kan xerelesaj-el chiri' pan Israel.

2 Rey 17:23

Y roma ri' ri Jehová kan xerelesaj k'a el chiri' chupan ri kiruwach'ulew, achi'el rubin chike ri rusamajela' ri e q'alajirisey ri ruch'abel. Y ri israelita xeq'axex chupan ri ruwach'ulew Asiria k'a re wakami.

2 Rey 21:16

Ri Manasés xuben chike ri winaqi' aj-Judá chi xemakun y keri' rije' xekibanala' itzel chuwech ri Jehová. Y man xaxe ta ri' ri xuben ri Manasés; kan e k'iy winaqi' ri maneq kimak ri xerukamisaj, y kan chupan k'a chijun ri Jerusalem k'o kamik ri xeruben, xtiker-pe ri jun ruchi' y xapon k'a ri jun chik ruchi'.

2 Rey 24:20

Ri Sedequías xyakatej chirij ri rey richin Babilonia. Y jari' ri xbanon chi xyakatej royowal ri Jehová pa ruwi' ri Jerusalem y ri Judá, y xuben chi kan xeruk'is.

Ez 22:3

Y tabij k'a chike ri winaqi' aj chiri' ri ninbij yin. Rix ix jun tinamit ri ix kamisanel y ye'iben-q'anej wachibel richin chi yixok man ix ch'ajch'oj ta.