2 Rey 24:20 - Kaqchiquel Bible

²⁰ Ri Sedequías xyakatej chirij ri rey richin Babilonia. Y jari' ri xbanon chi xyakatej royowal ri Jehová pa ruwi' ri Jerusalem y ri Judá, y xuben chi kan xeruk'is.

2 Rey 24:20 ပူးပေါင်းရင်းမြစ်များ

2 Crón 36:13

Chuqa' kan xyakatej chirij ri rey Nabucodonosor, ri kan ruya'on rutzij chuwech pa rubi' ri Dios chi nijunamatej-kiwech rik'in. Y kan xunimirisaj-ri' y xukowirisaj ri ránima y kan xupaba-ri' chi kan man nitzolin ta chik rik'in ri Jehová ri Dios richin Israel.

1 Corintios 1:20

Wi keri', ¿akuchi k'a ek'o-wi ri etamanela' y ri tijonela'? Y ¿akuchi k'a ek'o-wi ri jebel yetikir yech'on pa ruwi' re etamabel richin re ruwach'ulew? Roma ri Dios rubanon chire ri etamabel richin re ruwach'ulew chi xa jun ch'ujerik.

2 Rey 22:17

Rije' kan xinkimalij kan y xkiporoj pom chikiwech ri jujun chik dios. Chuqa' xkiya' kiq'ij ri wachibel ri xekibanala'. Roma ri' kan xyakatej k'a woyowal pa ruwi' re tinamit re', y ri woyowal man xtik'is ta qa choj keri'.

Deut 29:27

Roma ri' ri Jehová janila xyakatej royowal chirij re ruwach'ulew re' y xuya-pe pa ruwi', ronojel ri itzel oyonik ri tz'ibatel kan chupan re jun wuj re'.

Deut 2:30

Jak'a ri rey ri' man xuya' ta q'ij richin xojq'ax-el chupan ri ruwach'ulew, roma ri Jehová ri qa-Dios xukowirisaj ri ránima y kan xupaba-ri' chiqawech. Ri Jehová xuben keri' richin chi xujech pa qaq'a' ri Sihón y ri ruwach'ulew.

Wuj Richin ri Rutikeribel 4:16

Xel k'a el ri Caín rachibilan ri rixjayil chiri' chuwech ri Jehová y ja ri pa taq ruwach'ulew rubini'an Nod*f6* xebek'oje-wi, y ri ruwach'ulew ri' k'o pa relebel-q'ij chire ri qejoj ri kan nik'ases.

Deut 4:24

Ri Jehová ri qa-Dios kan man niqa' ta chuwech chi k'o ta jun chik niya' ruq'ij, roma ri royowal rija' achi'el q'aq' ri nuk'is ronojel.

2 Rey 23:26

Man rik'in ri', ri Jehová man xqaqa ta ruwi' ri royowal, roma kan k'a royowal na chike ri aj-Judá roma ronojel itzel ri xuben ri Manasés ri xuben chi xuyek royowal ri Jehová.

Wuj Richin Bix Chire ri Dios 51:11

Man tawelesaj-el ri Loq'olej Espíritu wik'in. Chuqa' man yinaya' kan nej.

Wuj Richin ri Jeremías 37:2

Jak'a ri rey Sedequías, ni ri aj-raqen, ni ri winaqi' richin ri tinamit man xeniman ta chire ri ruch'abel ri Jehová ri xinbij.

Wuj Richin ri Jeremías 52:3

Roma ri' ri Jehová xyakatej janila royowal chikij ri aj-Judá y ri aj-Jerusalem y kan xrelesaj-el ri kik'aslen. Chirij ri' ri Sedequías xyakatej chirij ri rey Babilonia.

2 Rey 24:1

Chirij re' ri Nabucodonosor, rey richin Babilonia, xok chupan ri ruwach'ulew Judá, y ri Joaquim kan xk'oje' k'a chuxe' rutzij ri Nabucodonosor. Jak'a toq xtz'aqet oxi' juna', ri Joaquim xa xujel ri ruch'obonik y xyakatej chirij.

2 Rey 24:3

Kere' xkik'uluwachij ri winaqi' aj-Judá, kan achi'el xubij ri Jehová, richin xerelesaj-el chuwech roma ri mak ri xuben ri Manasés.

Ez 17:12

kich'on kik'in ri nuwinaq ri man e nimey ta tzij y tinbij chike: ¿Xq'ax kami chiwech rix ronojel re'? Nel chi tzij chi ri rey ri k'o pa ruwi' ri ruwach'ulew Babilonia xapon pa Jerusalem y xuk'uaj-el ri rey richin Judá y keri' chuqa' xeruk'uaj-el ri aj-raqen y xeberuya' pa Babilonia.

Ez 19:14

Y keri' k'a xk'uluwachitej, chi ri juwi-uva xk'at, y xk'is k'a ri ruwech y ri ruq'a'. Kan man jun chik ri xk'oje' ta kan ri nik'atzin ta richin nok rey. Re bix re' nik'atzin k'a richin toq yemuq ri kaminaqi' y k'o chi nibixex rik'in bis.