2 Rey 24:2 - Kaqchiquel Bible

² Y ri Jehová xeruteq tzobaj aj-labal aj-Babilonia, aj-Siria, aj-Moab y aj-Amón chirij ri Joaquim richin nikik'is ri Judá, kan achi'el xubij ri Jehová roma ri q'alajirisey ruch'abel.

2 Rey 24:2 ပူးပေါင်းရင်းမြစ်များ

Wuj Richin ri Jeremías 35:11

Jak'a toq ri rey Nabucodonosor xjote-el richin niberubana' oyowal chiqij, jari' toq xqaya' chiqawech chi xojpe pa tinamit Jerusalem richin chi xojanimej chikiwech ri aj-labal aj-Babilonia y ri aj-Siria. Roma ri' ojk'o wawe', xecha'.

2 Rey 23:27

K'ari' ri Jehová xubij: Yin kan xkenwelesaj-el chinuwech ri aj-Judá, achi'el xinben kik'in ri aj-Israel. Chuqa' xkenwetzelaj ri aj-Jerusalem ri nucha'on yin akuchi k'o-wi ri jay richin niya'ox nuq'ij, xcha'

Ez 19:8

K'ari' xebeyakatej k'a pe ri winaqi' richin chijun ri ruwach'ulew, y rije' xkirik' k'a jun ya'l richin xkichop. Y rija' xqaqa k'a chupan ri pikbel ri'.

Wuj Richin ri Jeremías 32:28

Roma ri' wakami ninjech ri tinamit pa ruq'a' ri Nabucodonosor y ri ruwinaq.

Wuj Richin ri Jeremías 25:9

roma ri' yin xtinteq koyoxik konojel tzobaj taq winaqi' ri ek'o pa xaman y ri nusamajel Nabucodonosor rey richin Babilonia, richin yepe y nokichapa' chi oyowal re jun ruwach'ulew re' y konojel ri ek'o chupan y konojel tzobaj winaqi' ri ek'o chunaqaj. Kan xkenk'is k'a jumul xtinben chi xkeyojobex, xkek'ixbitej. Y iwoma rix ri ch'aqa' chik winaqi' xtisach kik'u'x.

2 Rey 20:17

Xtapon k'a ri q'ij toq ronojel ri k'o chupan ri awachoch, y ronojel k'a ri kibeyomel kan ri ate-atata' k'a re wakami; ronojel re' xtuk'uex-el pa Babilonia, y kan man jun k'a xtik'oje' kan.

2 Rey 6:23

Y kan xban k'a jun nimalej wa'in chike. Y rije' kan xewa-xe'uk'ya' jebel. Chirij ri', ri rey richin Israel xeruteq-el ri aj-Siria ri'; y kan xetzolin k'a rik'in ri ki-rey. Chirij ri', kan man jun bey chik xetzolin ri aj-labal aj-Siria pa ruwach'ulew Israel richin yebe'eleq'an chiri'.

Wuj Richin ri Miqueas 3:12

Roma ri kimak re winaqi' re', ri tinamit Sión xa xtok kan jun qasanbel-ulew. Ri Jerusalem xa xtok kan wuluwik abej. Y ri pa ruwi' ri juyu' ri akuchi k'o-wi ri rachoch ri Dios, xa xtok kan k'echelaj ri nojineq chi che'.

Wuj Richin ri Jeremías 26:20

Chupan ri q'ij ri' jun chik q'alajirisey ruch'abel ri Dios rubini'an Urías, ruk'ajol ri Semaías aj pa tinamit Quiriat-jearim, xch'on pa rubi' ri Jehová y xuq'alajirisaj achike xtuk'uluwachij ri tinamit y ri ruruwach'ulew.

Wuj Richin ri Jeremías 26:6

Wi man xtiben ta ronojel re', k'ari' xtinben rik'in ri wachoch, achi'el xinben rik'in ri tinamit Siló. Xtinben chire re tinamit Jerusalem richin xtiqaqa itzel pa ruwi' y xtok jun k'ambel-na'oj chikiwech konojel ri tzobaj winaqi' richin re ruwach'ulew, xkacha' chike, xcha' ri Dios chuwe.

Wuj Richin ri Isaías 13:5

Xkepe chupan ruwach'ulew ri ek'o janila nej. Xkepe k'a chiri' pa ruk'isibel chire ri ruwach'ulew. Ja ri Jehová xtipe rik'in royowal richin nik'is ri ruwach'ulew Babilonia.

Wuj Richin ri Isaías 7:17

Jak'a ri Jehová xtuteq-pe pan iwi' tijoj-poqonal ri kan man jun bey itz'eton-pe, kan k'a ja toq ruch'aron-pe-ri' ri tinamit Israel qik'in roj ri aj-Judá. Re' nel chi tzij ri tijoj-poqonal ri xtiberuya' ri rey richin Asiria pan iwi'.

Wuj Richin ri Achin Job 1:17

Y k'a nich'on na k'a re jun samajel re' rik'in ri Job, toq kan jari' xoqaqa chik jun samajel y xubij chire: E oxi' tzobaj eleq'oma' aj-Caldea xe'apon qik'in y xojbekichapa' chi oyowal, xekimej-el konojel ri camello chiqawech y xekik'uaj-el. Konojel ri ch'aqa' chik asamajela' kan xekikamisaj kan chi espada; y xaxe ok yin ri xinkol-pe-wi' richin chi nonya' rutzijol chawe, xcha'.

2 Crón 33:11

Y roma ri' ri Jehová xeruk'en-pe aj-raqen kichin ri aj-labal aj-Asiria chikij. Xkixim k'a el ri Manasés rik'in cadena ri banon rik'in q'enq'oj-pueq, y k'ari' xkik'uaj-el pa Babilonia.

Wuj Richin ri Isaías 28:19

Ronojel mul toq xtipe, kan xkixruqirirej-el. Kan xtipe ronojel nimaq'a', y kan xkixruqirirej chi paq'ij chi chaq'a', xcha' ri Jehová. Y kan xkixbaybot k'a toq xtiwak'axaj ri rutzijol ri'.

Wuj Richin ri Jeremías 12:9

Chuqa' rije' kan e achi'el jun kot, y xkepe k'a ch'aqa' chik aj-xik' chikopi' richin nikiben oyowal kik'in. Tikimolo-pe-ki' y kepe richin ye'okik'isa-el ri nuwinaq.

Wuj Richin ri Jeremías 25:1

Ri ruch'abel ri Jehová xoqaqa wik'in chupan ri rukaj juna' richin ri q'atbel-tzij richin ri rey Joaquim, ri ruk'ajol ri Josías y chupan ri nabey juna' richin ri q'atbel-tzij richin ri Nabucodonosor rey richin Babilonia.

Wuj Richin ri Jeremías 52:28

Ja kajlabal re winaqi' re' ri xeruk'uaj-el pa ximonri'il ri Nabucodonosor: Chupan ri juna' waqxaqi' chire ri ruq'atbal-tzij xeruk'uaj-el e 3,023 aj-Judá.

Wuj Richin ri K'uxla'anik 1:17

Ri tinamit Sión kan xuk'utuj to'onik, jak'a kan man jun xto'on richin. Ri Jehová kan jare' k'a ri ruchojmilal ri ruya'on kan pa ruwi'; chi ri tinamit ri ek'o chunaqaj xke'ok etzelanel richin. Roma ri' ri Jerusalem kan itzel k'a xtz'et koma rije'.

Ez 23:23

Xkepe k'a chawij ri aj-Babilonia ri ek'o pa ruwach'ulew Pecod, ri Soa y ri Coa junan kik'in ri aj-Asiria. Konojel rije' e aj-raqen, e q'atoy taq tzij, e tata'al pa kiwi' ri aj-labal, alaboni' ri e jebel ok y yech'oke' chirij kiej.

Wuj Richin ri Habacuc 1:6

Roma yin kan xkenbentaqa' k'a pe ri aj-Babilonia richin nikiben labal iwik'in. Rije' kan e itzel taq winaqi'. Kan e anineq k'a richin xtikiben labal; kan xkeq'axlan k'a chupan chijun ruwach'ulew richin ye'ok kan chuwech jun chik ruwach'ulew ri xa man kichin ta rije'.

2 Rey 22:16

Kere' nubij ri Jehová: Yin xtink'en-pe jun ruk'ayewal pa kiwi' konojel ri aj-Judá y ri kiruwach'ulew, kan achi'el nubij ronojel ri tz'ibatel kan chupan ri wuj ri xasik'ij rat.