2 Rey 24:13 - Kaqchiquel Bible

¹³ Y ri aj-Babilonia xekik'uaj-el ri beyomel richin ri rachoch ri Jehová y richin ri rachoch ri Joaquín. Chuqa' xekiwulaj-el ronojel ri samajibel ri banon rik'in q'anapueq ri rubanon kan ri Salomón, richin xekik'uaj-el. Ronojel re' xbanatej achi'el rubin ri Jehová.

2 Rey 24:13 ပူးပေါင်းရင်းမြစ်များ

Wuj Richin ri Isaías 39:6

Xkepe k'a q'ij chi ronojel ri k'o chupan ri awachoch, ri kan kimontonin-pe ri ánima awati't-amama' k'a re wakami, kan xtuk'uex k'a el pa Babilonia, y kan man jun chik xtik'oje' kan. Ri Jehová kan rubin-wi.

2 Rey 20:17

Xtapon k'a ri q'ij toq ronojel ri k'o chupan ri awachoch, y ronojel k'a ri kibeyomel kan ri ate-atata' k'a re wakami; ronojel re' xtuk'uex-el pa Babilonia, y kan man jun k'a xtik'oje' kan.

Wuj Richin ri Jeremías 20:5

Keri' chuqa' xtinjech-el ronojel ri beyomel richin re tinamit re', ronojel ri e kich'akon rik'in ri kisamaj y ri k'o rejqalen ri k'o kik'in. Y xtinya' ronojel beyomel ri kichin ri rey pa kiq'a' ri e etzelanel iwichin. Xtikelesaj k'a el ronojel chuwi-kiq'a' y xtikik'uaj-el pa Babilonia.

Wuj Richin ri Jeremías 28:6

Y xinbij: Ja' kan k'ate' ta keri' ri xtuben ri Jehová. Kan xtujikiba' ta ri ruch'abel ri xuq'alajirisaj chawech richin chi nuben chi yetzolin-pe wawe' ri samajibel ri e richin ri rachoch ri Jehová, y keri' chuqa' konojel ri winaqi' ri xe'uk'uex-el pa ximonri'il chiri' pa Babilonia.

2 Crón 36:7

Chuqa' ri Nabucodonosor xuk'uaj-el juba' samajibel ri k'o pa rachoch ri Jehová y kan xberuya' pa rachoch ri ru-dios rija'.

Wuj Richin ri Jeremías 17:3

Xtinben chi xteleq'ex-el ri ibeyomel ri k'o iwik'in roma ri imak y xkewulex ri chiri' pa ruwi' taq juyu' ri akuchi ich'aron-wi.

Ez 7:21

Xtinben k'a chi xkepe winaqi' ri man e iwinaq ta, richin xtikeleq'aj ronojel re' iwik'in y xtikiben chire chi man ch'ajch'oj ta chik.

Ez 23:26

Y keri' xtikik'uaj-el ronojel ri atziaq y ri abeyomel.