2 Rey 24:12 - Kaqchiquel Bible

¹² Y jari' toq ri Joaquín xujech-ri' pa ruq'a' ri Nabucodonosor, e rachibilan-el ri rute', ri rusamajela', ri aj-raqen pa kiwi' ri aj-labal y ri ch'aqa' chik aj-raqen richin rija'. Re' xbanatej chupan ri ruwaqxaq juna' richin ri q'atbel-tzij richin ri Nabucodonosor.

2 Rey 24:12 ပူးပေါင်းရင်းမြစ်များ

Wuj Richin ri Jeremías 52:28

Ja kajlabal re winaqi' re' ri xeruk'uaj-el pa ximonri'il ri Nabucodonosor: Chupan ri juna' waqxaqi' chire ri ruq'atbal-tzij xeruk'uaj-el e 3,023 aj-Judá.

Wuj Richin ri Jeremías 24:1

Toq ri Nabucodonosor rey richin Babilonia xeruk'uaj-el yan-el pa ximonri'il ri rey Jeconías ri ruk'ajol ri Joaquim, ri e q'atoy taq tzij y ri yebanon jalajoj ruwech samaj. Jari' toq ri Jehová xuk'ut chinuwech ka'i' chakech wíkix ri ya'on chiri' chuwech ri rachoch rija'.

2 Crón 36:10

Pa rutikeribel ri jun chik juna', ri rey Nabucodonosor xuteq rubixik chi tuk'uex-el pa Babilonia ri Joaquín, junan rik'in ri samajibel ri k'o kejqalen ri ek'o pa rachoch ri Jehová. Y ja ri Sedequías, rach'alal ri Joaquín, xukusaj kan rey pa kiwi' ri aj-Judá y ri aj-Jerusalem.

2 Rey 25:27

Y toq xapon yan k'a juwineq wuqlajuj juna' chi tuk'uex-el ri Joaquín ri rey richin Judá, ja juna' ri' toq ri Evil-merodac xok-q'anej rey ri chiri' pa Babilonia. Rija' xuya' k'a el q'ij chire ri Joaquín richin xel-el ri akuchi tz'apen-wi. Y re' xbanatej chupan ri q'ij juwineq wuqu' richin ri ik' kablajuj chire ri juna' ri'.

Ez 17:12

kich'on kik'in ri nuwinaq ri man e nimey ta tzij y tinbij chike: ¿Xq'ax kami chiwech rix ronojel re'? Nel chi tzij chi ri rey ri k'o pa ruwi' ri ruwach'ulew Babilonia xapon pa Jerusalem y xuk'uaj-el ri rey richin Judá y keri' chuqa' xeruk'uaj-el ri aj-raqen y xeberuya' pa Babilonia.

Wuj Richin ri Jeremías 25:1

Ri ruch'abel ri Jehová xoqaqa wik'in chupan ri rukaj juna' richin ri q'atbel-tzij richin ri rey Joaquim, ri ruk'ajol ri Josías y chupan ri nabey juna' richin ri q'atbel-tzij richin ri Nabucodonosor rey richin Babilonia.

Wuj Richin ri Jeremías 52:31

Chupan k'a ri q'ij juwineq wo'o' chire ri ik' kablajuj chire ri juna' juwineq wuqlajuj toq k'o pa ximonri'il ri Joaquín, rey richin Judá, jari' toq xuchop nuq'et-tzij ri rey Evil-merodac pa ruwi' ri Babilonia. Y rija' kan janila jebel runa'oj xuben rik'in ri Joaquín y xrelesaj-el pa cárcel.

Deut 28:36

Ri Jehová xtuben chiwe chi rix y ri i-rey xkixuk'uex-el pa jun chik ruwach'ulew ri man itz'eton ta rix ni ri qati't-qamama' man xketamaj ta y chiri' rix kan xtiya' k'a kiq'ij ch'aqa' chik dios ri e banon rik'in che' y abej.

2 Rey 20:18

Y chuqa' ri awijatzul xke'uk'uex-el pa Babilonia, y xtiban chike chi man ye'alk'ualan ta chik. Xke'ok k'a samajela' chupan ri rachoch ri rey ri chiri', xcha'.

2 Rey 24:11

Y toq ri achi'a' ri' kisutin chik rij ri tinamit, ri Nabucodonosor xapon-q'anej kik'in.

Wuj Richin ri Jeremías 13:18

Y ri Dios xuya' k'a jun rutzijol chuwe richin chi ninbij chiwe: Rat rey y ri ate', k'o chi niya' kan ri itz'uyubal y tiwelesaj ri i-corona, roma ri ajawaren kan xtelesex pan iq'a'.

Wuj Richin ri Jeremías 36:30

Roma ri' kere' ninbij pan awi' rat Joaquim: Man jun chike ri awijatzul ri xtik'oje' kan pa rutz'uyubal ri David. Y toq xkaken, ri ach'akul xtili'e' kan chuwech ri q'ij y chuwa-raxq'ab ri niqaqa chi'aq'a'.

Wuj Richin ri Jeremías 37:1

Chirij re' ri Nabucodonosor xuben chire ri Sedequías ruk'ajol ri Josías richin xok kan rey richin nuq'et-tzij pa ruwi' ri tinamit Judá, pa ruk'exel ri Jeconías, ri ruk'ajol ri Joaquim.

Wuj Richin ri Jeremías 52:12

Y chupan ri q'ij lajuj chire ri ik' ro' chupan ri juna' belejlajuj chire ri q'atbel-tzij richin ri rey Nabucodonosor, jari' toq xbe pa Jerusalem ri Nebuzaradán ri aj-raqen pa kiwi' ri aj-labal aj-Babilonia.

Ez 19:1

Ri Jehová xch'on chik wik'in yin Ezequiel y xubij chi tinbixaj jun bix richin bis pa kiwi' ri rey richin ri tinamit Israel y kere' k'a nubij:

Ez 19:13

Ri che' ri' wakami xa pa tz'iran ruwach'ulew tikil-wi. pa jun ruwach'ulew chaqi'j-chaqi'j.

2 Rey 25:8

Y toq xapon ri ruwuq q'ij richin ri ro' ik', chire ri juna' belejlajuj richin ri q'atbel-tzij richin ri Nabucodonosor, jari' toq ri Nebuzaradán, ri aj-raqen pa kiwi' ri chajinela' richin ri rey, xoqaqa pa tinamit Jerusalem.

Ester 2:5

Chiri' pa Susa akuchi k'o-wi ri jay richin ri rey akuchi niq'aton-wi-tzij, k'o k'a jun achin judío rubini'an Mardoqueo, y rija' ruk'ajol ri Jaír, y ri Jaír rijatzul ri Simí, y ri Simí rijatzul ri Cis; y konojel re' e rijatzul kan ri Benjamín.

Ester 2:6

Y ri Cis jun chike ri xe'uk'uex-el pa Babilonia roma ri rey Nabucodonosor, toq xuk'uex-el ri Jeconías ri rey richin ri Judá pa Jerusalem.

Wuj Richin ri Isaías 24:6

Kan xqaqa itzel pa ruwi' chijun ruwach'ulew, roma re mak re' ri xkiben ri winaqi'. Roma ri' konojel ri winaqi' kan xkeken, y xa kan e juba' ok ri xkek'oje' kan.

Ez 17:4

Xuq'ej-pe ri rutum richin xuk'uaj chupan jun ruwach'ulew ri akuchi ek'o janila k'ayinela'. Y chiri' chupan jun chike ri kitinamit xberutika' kan ri rutum ri che' ri'.