2 Rey 24:1 - Kaqchiquel Bible

¹ Chirij re' ri Nabucodonosor, rey richin Babilonia, xok chupan ri ruwach'ulew Judá, y ri Joaquim kan xk'oje' k'a chuxe' rutzij ri Nabucodonosor. Jak'a toq xtz'aqet oxi' juna', ri Joaquim xa xujel ri ruch'obonik y xyakatej chirij.

2 Rey 24:1 ပူးပေါင်းရင်းမြစ်များ

Dn 1:1

Toq k'a k'es na ri Joaquim, ri rey pa ruwi' ri ruwach'ulew Judá y chupan ri rox juna' chire ri ruq'atbal-tzij, jari' toq ri Nabucodonosor, rey pa ruwi' ri ruwach'ulew Babilonia e rachibilan ri aj-labal, xebeyakatej-pe chirij ri tinamit Jerusalem y xkisutij-rij.

Wuj Richin ri Jeremías 25:1

Ri ruch'abel ri Jehová xoqaqa wik'in chupan ri rukaj juna' richin ri q'atbel-tzij richin ri rey Joaquim, ri ruk'ajol ri Josías y chupan ri nabey juna' richin ri q'atbel-tzij richin ri Nabucodonosor rey richin Babilonia.

Wuj Richin ri Jeremías 25:9

roma ri' yin xtinteq koyoxik konojel tzobaj taq winaqi' ri ek'o pa xaman y ri nusamajel Nabucodonosor rey richin Babilonia, richin yepe y nokichapa' chi oyowal re jun ruwach'ulew re' y konojel ri ek'o chupan y konojel tzobaj winaqi' ri ek'o chunaqaj. Kan xkenk'is k'a jumul xtinben chi xkeyojobex, xkek'ixbitej. Y iwoma rix ri ch'aqa' chik winaqi' xtisach kik'u'x.

Wuj Richin ri Jeremías 46:2

Jare' ri rutzijol ri xuya' pa ruwi' ri ruwach'ulew Egipto y chikij ri aj-labal ri e richin ri rey Necao. Rija' xuch'ek ri Nabucodonosor rey richin Babilonia chiri' pa tinamit Carquemis chunaqaj ri raqen-ya' Éufrates, chupan ri rukaj juna' chire ri q'atbel-tzij richin ri Joaquim rey richin Judá. Y ri Dios xubij:

2 Rey 17:5

Ri rey richin Asiria xbe-el pan Israel richin xberubana' oyowal y kan xusutij-rij ri Samaria oxi' juna' richin xeruch'ek.

Wuj Richin ri Jeremías 35:1

Chupan ri q'ij chire ri q'atbel-tzij richin ri Joaquim ruk'ajol ri Josías, ri Jehová xch'on k'a pe wik'in y xubij chuwe:

Wuj Richin ri Jeremías 35:11

Jak'a toq ri rey Nabucodonosor xjote-el richin niberubana' oyowal chiqij, jari' toq xqaya' chiqawech chi xojpe pa tinamit Jerusalem richin chi xojanimej chikiwech ri aj-labal aj-Babilonia y ri aj-Siria. Roma ri' ojk'o wawe', xecha'.

Wuj Richin ri Jeremías 36:1

Ri Jehová xch'on chik k'a pe wik'in chupan ri rukaj juna' chire ruq'atoj-tzij ri Joaquim y kere' k'a ri xubij chuwe:

Wuj Richin ri Jeremías 45:1

Chupan ri rukaj juna' chire ri q'atbel-tzij richin ri Joaquim ruk'ajol ri Josías, rey richin Judá, toq ri Baruc nutz'ibaj ronojel ri nibix chire roma ri Jeremías. Y kere' ri xubij chire:

Wuj Richin ri Jeremías 50:17

Rix winaqi' israelita ri italun-iwi' achi'el karne'l ri e sachineq y e tzeqeliben koma koj. Ri nabey koj ja ri rey richin Asiria, ri xixrutej rix. K'ari' xpe ri Nabucodonosor rey richin Babilonia y xupaq'aq'ej ri ibaqil.

Ez 21:14

Y rat Ezequiel, taq'alajirisaj k'a ri nuch'abel, k'ari' xtapaq'apa' ri aq'a' retal richin k'o ch'akonik. Ri espada kan man xtitane' ta qa richin nikamisan, y kan yerukamisaj konojel winaqi' ri ek'o xabakuchi.

Dn 1:2

Y ri Dios kan xujech k'a ri Joaquim y ri e ruwinaq israelita pa ruq'a' ri Nabucodonosor; keri' chuqa' ri jalajoj ruwech samajibel ri ek'o chupan ri rachoch ri Dios. Y ronojel ri samajibel ri' ri Nabucodonosor xberuya' kan pa ruwach'ulew Babilonia, y xeruyek kan chupan ri yakonabel richin ri rachoch ri ru-dios.

2 Rey 24:20

Ri Sedequías xyakatej chirij ri rey richin Babilonia. Y jari' ri xbanon chi xyakatej royowal ri Jehová pa ruwi' ri Jerusalem y ri Judá, y xuben chi kan xeruk'is.

2 Crón 36:1

Chirij ri' ri winaqi' richin ri Judá xbekik'ama-pe ri Joacaz, ruk'ajol kan ri Josías richin xkiya' kan rey chiri' pa Jerusalem pa ruk'exel ri rutata'.

Wuj Richin ri Esdras 4:12

Niqaq'alajirisaj chawe rey, chi ri judío ri xe'el-pe pan aruwach'ulew, ri xepe chik wawe' pa Jerusalem nikich'ob nikipaba' chik q'anej jun bey ri nimalej tinamit ri'. Y rije' janila e itzel y kan nikajo' yeyakatej chawij, y roma ri' nikiben ruchojmil ri ruxe' y xkichop yan q'anej rubanik ri tz'aq.

Wuj Richin ri Isaías 36:5

Ri Ezequías nubij chi k'o ruch'obon y rix k'o iwuchuq'a' richin niben labal, jak'a ronojel re' kan xaxe ok ri ruchi' ri nibin. Y jak'a re wakami, ¿achoq ik'in ikuquban-wi ik'u'x richin niwajo' yixyakatej chuwij?

Ez 19:8

K'ari' xebeyakatej k'a pe ri winaqi' richin chijun ri ruwach'ulew, y rije' xkirik' k'a jun ya'l richin xkichop. Y rija' xqaqa k'a chupan ri pikbel ri'.

Wuj Richin ri Habacuc 1:6

Roma yin kan xkenbentaqa' k'a pe ri aj-Babilonia richin nikiben labal iwik'in. Rije' kan e itzel taq winaqi'. Kan e anineq k'a richin xtikiben labal; kan xkeq'axlan k'a chupan chijun ruwach'ulew richin ye'ok kan chuwech jun chik ruwach'ulew ri xa man kichin ta rije'.