2 Rey 23:7 - Kaqchiquel Bible

⁷ Y chuqa' xebe chuwa-jay richin ri rachoch ri Jehová, y kan xkiwulaj-el ri jay ri akuchi ek'o-wi ri achi'a' ri man choj ta kik'aslen, y ri akuchi ek'o-wi ri ixoqi' ri nikikem tzieq richin nikiya' ruq'ij ri Asera.

2 Rey 23:7 ပူးပေါင်းရင်းမြစ်များ

Ez 16:16

Ri atziaq ri xinya', rik'in ri' xe'abanala' taq jay pa taq ruwi-q'anej juyu' y chiri' xe'abanala' itzel taq banobel, achi'el nuben jun ixoq itzel ruk'aslen.

1 Rey 15:12

Y rija' kan xerelesaj-el ri achi'a' ri kijachon-ki' chubanik itzel k'aslen richin xkiya' kiq'ij ri ki-dios, y xeruwulaj k'a el ronojel wachibel ri e kibanalon kan ri rutata' y ri e rati't-rumama'.

1 Rey 14:24

Chiri' pa Judá ek'o k'iy achi'a' ri kijachon-ki' chubanik ri itzel k'aslen richin xkiya' kiq'ij ri ki-dios. Rije' xekik'amala-apo ri itzel taq kibanobal ri ch'aqa' chik winaqi' ri xek'oje' chiri' ojer, y roma ri banobel ri' ri Jehová xerelesaj-el chuwech ri ruwach'ulew ri' toq xe'apon ri israelita chiri'.

Os 2:13

Xtinya' k'a rutojbalil-mak pa ruwi' roma ri janipe' q'ij xkamela'an chuwech ri Baal. Kan nuwiq-el-ri' rik'in ri ruwi-ixkinaj y ri richinaj richin nitzeqe-el chikij ri ch'aqa' chik achi'a', richin chi xirumestaj kan yin, nicha' ri Jehová.

Ez 8:14

Y xiruk'uaj-el pan okibel ri k'o pa xaman chire ri rachoch y xentz'et k'a ixoqi' ri e tz'uyul chiri' y nikoq'ej ruwech ri dios Tamuz.

2 Crón 34:33

K'ari' ri Josías xuben chi chupan chijun ri ruwach'ulew Israel ke'elesex-el ronojel ri yekiya' kiq'ij ri winaqi' ri kan man niqa' ta chuwech ri Jehová, y xuben chi konojel tikisamajij xaxe ri Jehová ri ki-Dios. Rokik k'es ri Josías, ri winaqi' kan man xkijech'ej ta kan ki' rik'in ri Jehová ri ki-Dios, y ri Dios kichin ri kati't-kimama'.

1 Rey 22:46

Rija' xeruk'is k'a el chupan ri ruwach'ulew ri achi'a' ri kijachon-ki' chubanik itzel k'aslen richin xkiya' kiq'ij ri ki-dios, ri k'a ek'o na kan ri man xtikir ta xerelesaj kan ri Asá ri rutata'.

Deut 23:17

Man tichop jun itzel k'aslen achi'el nikiben ri ch'aqa' chik winaqi', chi ri ixoqi' yek'oje' kik'in achi'a', y ri achi'a' yek'oje' kik'in kach achi'a' pa rachoch ri ki-dios, richin yeqa' chuwech ri ki-dios.

Wuj Richin ri Q'axanri'il 25:1

Y rokik ri tinamit Israel k'o-qa ri chiri' pa ruwach'ulew Sitim, ri achi'a' xkichop k'a yemakun kik'in ri ixoqi' aj-Moab,

Os 4:13

Xekamela'an pa ruwi' taq juyu', xekiporola' pom pa ruwi' taq tanatik. Keri' xkiben chuxe' taq che' ri janila kixaq. Roma ri' xemakun ri kimi'al. Ri kali' xemakun kik'in ch'aqa' chik achi'a'.

Os 4:14

Jak'a yin kan man xtinya' ta k'a rutojbalil-mak pa kiwi' ri kimi'al toq xkemakun. Ni pa kiwi' ri kali' toq xkek'oje' kik'in ch'aqa' chik achi'a'. Roma xa kan ja rix ri xkixbe kik'in ri ixoqi' ri itzel kik'aslen; y richin nisuj kamelabel chikiwech ri wachibel, kan xkixk'oje' k'a kik'in ixoqi' ri itzel kik'aslen. Keri' toq nitzaq jun tinamit ri maneq runa'oj.