2 Rey 23:3 - Kaqchiquel Bible

³ Ri rey xpa'e' k'a q'anej chunaqaj ri ru-pilar y xuben jun jikibel-tzij chuwech ri Jehová, chi kan xtutzeqelibej rija'. Chuqa' kan xtuben ri nubij ronojel ri pixa', y kan xtuben k'a rik'in ronojel ránima y rik'in ronojel ruk'u'x. Y k'ari' konojel ri winaqi' chuqa' kan xkijikiba-kitzij.

2 Rey 23:3 ပူးပေါင်းရင်းမြစ်များ

2 Rey 11:14

Y xutz'et k'a chi ri k'ak'a' rey k'o chunaqaj ri pilar ri kan akuchi nik'oje-wi ri rey. Chuqa' xutz'et chi ri tata'al y ri yeq'ojoman ri trompeta ek'o chunaqaj ri Joás. Y konojel ri winaqi' yekikot y yenimaq'ijun, nikiq'ojomaj ri ki-trompeta. Jari' toq ri Atalía xuretz ri rutziaq y xsik'in y xubij: ¡Xiniq'ol! ¡Xiniq'ol!, xcha'.

2 Rey 11:17

K'ari' ri sacerdote Joiadá xuben jun jikibel-tzij chuwech ri Jehová, y chuwech ri rey y ri winaqi' richin ri tinamit, richin chi rije' nikitzeqelibej ri Jehová. Chuqa' xuben chi ri rey y ri tinamit xjunamatej-kiwech.

Deut 13:4

Xa kan titzeqelibej k'a ri Jehová ri qa-Dios; kan chuwech k'a rija' tixibij-wi-iwi', titaqej k'a ri rupixa' y kan tiwak'axaj ri nubij, kan tisamajij y junan iwech tibana' rik'in rija'.

Hebreos 13:20

Ri Dios, ri niya'on uxlanen pa taq qánima, ri xk'ason-pe ri nimalej Yuq'unel ri qajaw Jesús; ri Jesús ri xken y xbiyin ri rukik'el richin xk'achoj ri jikibel-tzij richin jantape',

Hebreos 12:24

Ojk'o apo rik'in ri Jesús ri nisamajin ri k'ak'a' jikibel-tzij y rik'in ri rukik'el ri xbiyin ri xuch'ajch'ojirisaj ri qánima, roma ri rukik'el rija' más rejqalen chuwech ri rukik'el ri Abel.

Wuj Richin ri Jeremías 50:5

Rix xtik'utuj ri akuchi k'o-wi ri bey ri nibe pa tinamit Sión. Y keri' k'a xkixbe y xtibij chi nijunamatej-iwech wik'in. Xtiben k'a jun jikibel-tzij richin q'asen, richin chi man jun bey xkinimestaj.

Wuj Richin ri Jeremías 4:2

Y wi rix niya' itzij pa nubi' yin rik'in qitzijri'il y ruchojmilal. Jari' toq yin xtinya' urtisanik y ruwaq'ijaj pa kiwi' ch'aqa' chik ruwach'ulew iwoma rix.

Wuj Richin ri Molojri'il 8:2

Kan tabana' k'a ronojel ri nubij ri rey chi k'o chi niban, roma kan aya'on chik atzij chuwech ri Dios.

Wuj Richin ri Nehemías 9:38

Y roma k'a ronojel re xbanatej, roj xqaben jun jikibel-tzij richin niqataqej ri rupixa' ri Dios. Roma ri' niqatz'ibaj y niqaya' kan re jun retal re' rik'in ri qabi' chupan re wuj re'; ri e qatata'al, ri e levita y ri e sacerdote.

Wuj Richin ri Esdras 10:3

Wakami k'a, kan qabana' jun jikibel-tzij rik'in ri qa-Dios, richin k'o chi niqach'er-qi' kik'in ri ixoqi' ri', y kik'in ri ak'uala' ri e alaxineq kik'in rije', achi'el nubij ri Jehová ri qa-Dios chupan ri rupixa'. Y kan tiqabana' k'a achi'el nubij ri pixa'.

2 Crón 29:10

Y roma ri' yin xinch'ob chi ninjikiba' nutzij chuwech ri Jehová ri qa-Dios chi junan ta qawech, richin ta chi xtik'o-el ri royowal chiqij.

2 Crón 23:16

K'ari' ri Joiadá xuben chi konojel ri winaqi' junan rik'in ri rey tikijikiba-kitzij chi kan xke'ok rutinamit ri Jehová.

2 Crón 23:13

Jari' toq xutz'et-apo chi ri rey pa'el rik'in ri pilar ri k'o-pe chuwech ri jay, y pa kinik'ajal ri e tata'al y ri yeq'ojoman. Y ri winaqi' janila yekikot y nikixupuj trompeta, y ri q'ojomanela' nikiq'ojomaj jalajoj ruwech q'ojom richin yebixan konojel. Jari' toq ri Atalía xuretz ri rutziaq y xsik'in y xubij: ¡Xinkiq'ol! ¡Xinkiq'ol!, xcha'.

Deut 29:1

Y keri' chupan ri q'ij ri' ri Moisés xtane' chubixik chike ri ruwinaq re ruka'n jikibel-tzij re', toq k'a ek'o na chiri' pa Moab. Y ri nabey jikibel-tzij xban ojer kan chiri' pan Horeb.

Deut 11:13

Wi rix kan xtitaqej ri pixa' ri xinya' chiwe re q'ij re', y kan niwajo' ri Jehová ri qa-Dios, y kan nisamajij rik'in ronojel iwánima y chijun ri ik'aslen,

Deut 10:12

Wakami k'a nuwinaq, ri Jehová ri qa-Dios jare' ri nuk'utuj chiqe: Kan tiqaya' rejqalen, kan tiqatzeqelibej ri bey ri niqa' chuwech rija'. Kan tiqajo' y kan tiqaya' ruq'ij-ruk'ojlen rik'in ronojel qánima y chijun ri qak'aslen.

Deut 8:19

Wi xtimestaj ri Jehová ri qa-Dios y wi xke'itzeqelibej ch'aqa' chik dios, y ye'isamajij y xkixxuke' chikiwech, yin ninjikiba' rubixik chiwe wakami chi kan xkixk'is jumul.

Deut 6:5

Kan tiwajo' k'a ri Jehová ri qa-Dios rik'in ronojel iwánima y rik'in ronojel ik'u'x, chupan chijun ri ik'aslen.

Deut 6:1

Ja ronojel pixa' re' ri xuya' ri Jehová ri qa-Dios chuwe, richin xixintijoj, richin jari' ri nitaqej chupan ri ruwach'ulew ri xkixapon-wi ri kan xtok iwichin.

Deut 4:45

Ri pixa' richin ruchojmilal, ri pixa' ri ya'on chire ri tinamit, ri pixa' ri richin re q'ij re', y ri xubij ri Moisés chike ri israelita toq xe'el-pe pan Egipto.

Ex 24:3

Xeri' ri Moisés xqaqa k'a pe y xorucholo-qa ronojel ri pixa' y ronojel ri ch'abel ri xubij-pe ri Jehová chire. Y jari' toq ri winaqi' rik'in jun kich'abel xech'on y xkibij: Kan xtiqaben k'a ronojel ri rubin-pe ri Jehová, xecha'.

Wuj Richin ri Jeremías 34:8

Ri Jehová xch'on chik wik'in yin Jeremías, chirij toq ri rey Sedequías xuben jun jikibel-tzij kik'in konojel ri winaqi' richin ri tinamit Jerusalem richin chi tikiya-el q'ij chike ri kisamajela' richin yetotej-el.

Wuj Richin ri Jeremías 34:15

Y rix kan keri' ibanon-pe. Jak'a wakami xtzolin-pe ik'u'x y xiben ri niqa' chinuwech, roma niya' rutzijol chi chi'ijujunal rix, niya-el q'ij chike ri isamajela' richin yetotej-el. Y xiben k'a jikibel-tzij chinuwech yin, chupan ri wachoch ri akuchi ninataj-wi ri nubi' yin Jehová.

2 Crón 15:15

Konojel k'a ri winaqi' ri' kan janila xekikot roma ri ya'on-tzij ri xkiben, roma kan rik'in ronojel kánima xkiya' kitzij, y rik'in ronojel kik'u'x xkikanoj ri Jehová. Y ri Jehová kan xerak'axaj k'a, y xuya' uxlanibel-k'u'x kik'in chire ri oyowal.

Wuj Richin ri Nehemías 5:13

Pa ruwi' ronojel re' yin xintotaj ri nutziaq y xinbij: Kere' k'a xtuben ri Dios chiwe y xkixrelesaj-el pan iwachoch y pan isamaj, y xtrelesaj-el ronojel ri k'o iwik'in k'a wakami wi man xtiben ta ri xisuj, xicha'. Konojel k'a winaqi' ri ek'o chiri' xkibij chi kan keri' xtibanatej. Y rije' xkiya' ruq'ij ri Jehová.

Wuj Richin ri Nehemías 10:1

Ja ronojel bi'aj re' ri niq'alajin chuwech re jun wuj re', kan xqaya' kan retal rik'in ri qabi' chiqajujunal: Yin Nehemías in ruk'ajol ri Hacalías in aj-raqen pa ruwi' ri ruwach'ulew. Y chuqa' xkitz'ibaj kan kibi' ri Sedequías,