2 Rey 22:5 - Kaqchiquel Bible

⁵ Y tuya' pa kiq'a' ri achi'a' ri e cha'on richin ek'o pa ruwi' ri samaj richin ri rachoch ri Jehová. Y ja rije' ketojo ri yesamajin ri ch'aratajineq chire ri jay.

2 Rey 22:5 ပူးပေါင်းရင်းမြစ်များ

2 Rey 12:5

Y xubij chi ri yemolon ri méro tikijacha' pa kiq'a' ri sacerdote y ja rije' ri ke'ukusan richin nikichojmirisaj ri rachoch ri Jehová, ri akuchi e paxinaqi-wi.

Wuj Richin ri Esdras 3:7

Y xkiya' k'a méro chike ri aj-tz'aq y chike ri ajanela' ri xkebesamej. Y chuqa' xkiya' kiway-kuk'ya' y aceite, chike ri aj-Sidón y ri aj-Tiro, richin chi nikik'en-pe tiox-che' k'a pa Líbano y nikik'uaj k'a pa Jope pa ruwi' ya'. Y ronojel re' xban roma ri Ciro, rey richin Persia, kan xuya' q'ij chike.

2 Crón 24:27

Ri kibanobal ri ralk'ual ri Joás, ri ronojel ri bin-pe pa ruwi' rija' y ri samaj ri xuben toq xuchojmirisaj ri rachoch ri Jehová; ronojel re' xtz'ibatej kan chupan ri Wuj Kichin ri Rey. Y toq xken ri Joás, ri xk'oje' kan pa ruk'exel ja ri Amasías ri ruk'ajol.

2 Crón 24:7

Ri Joás xubij keri' roma ri e tzeqelibey richin ri itzel ixoq Atalía xe'ok chupan ri rachoch ri Dios richin xbekelesaj-pe ri samajibel richin ri rachoch ri Jehová, y rik'in ri' xkiya' kiq'ij ri kiwachibel Baal.

2 Rey 22:6

Ri ajanela', ri aj-tz'aq y chuqa' ri yeloq'on che' y ri abej.

2 Crón 34:10

Chirij re, ri méro ri yakon kan xjach k'a pa kiq'a' ri e aj-raqen pa ruwi' ri samaj chupan ri rachoch ri Jehová. Y ri e aj-raqen rik'in re méro re' xekitojbej-wi ri yechojmirisan ri rachoch ri Jehová.