2 Rey 22:20 - Kaqchiquel Bible

²⁰ Roma ri' man xtink'en ta pe ri ruk'ayewal rokik rat at k'es. Xkaken k'a rik'in uxlanibel-k'u'x y xkamuq kik'in ri awati't-amama'; keri' nubij ri Jehová xcha'. Y ri e wo'o' achi'a' ri' xbekibij k'a chire ri rey ri xbix-el chike.

2 Rey 22:20 ပူးပေါင်းရင်းမြစ်များ

Wuj Richin Bix Chire ri Dios 37:37

Tatz'eta' ri wineq ri choj ruk'aslen, ri man jun itzel banobel nuben. Re wineq re' xtik'ase' rik'in uxlanibel-k'u'x.

1 Crón 17:11

Y toq xtapon ri q'ij richin yaken, yin kan xtinjikiba' jun chike ri ak'ajol chupan ri q'atbel-tzij.

Wuj Richin ri Rutikeribel 25:8

Ri Abraham xken k'a roma rurijixinen y keri' k'a xk'olotej-el chuwech ri ruwach'ulew.

Wuj Richin ri Jeremías 22:10

Chuqa' ri Dios xubij: Man kixoq' y man kixbison chirij ri rey Josías, roma rija' xa xken. Xa kan janila kixoq' y kixbison chirij ri Joacaz*f7* ri ruk'ajol, roma rija' nibe y man nitzolin ta chik pe. Kan man jun bey chik xtutz'et ri ruwach'ulew ri akuchi xalex-wi.

2 Crón 34:28

Jak'a rat kan man xtatz'et ta k'a el ri ruk'ayewal ri xtinteq-pe pa ruwi' re ruwach'ulew re' y pa kiwi' ri winaqi', roma xa kan xtinben k'a chi xkaken-el rik'in uxlanibel-k'u'x, y xkamuq kik'in ri awati't-amama'; jare' ri nubij ri Jehová, xcha' ri Huldá. K'ari' ri e rutaqon-el ri rey xetzolin, y xbekibij chire ronojel ri xbix-el chike.

Deut 31:16

Y ri Jehová xubij k'a chire ri Moisés: Rat xkatuxlan yan k'a apo junan kik'in ri ate-atata', y toq rat at maneq chik, re winaqi' richin re tinamit re' xa xkeyojtej y xkekitzeqelibej-el ch'aqa' chik dios ri kichin ri winaqi' ri ek'o pa taq ruwach'ulew ri akuchi xke'apon-wi. Kan xkinkimalij k'a kan y xtikiq'ej ruwi' ri nujikibel-tzij ri nubanon kik'in.

2 Rey 20:19

K'ari' ri Ezequías, xubij chire ri Isaías: Ri ruch'abel ri Jehová ri xabij janila jebel. Kan xtik'oje' uxlanibel-k'u'x y man jun xtibanatej rokik k'o nuk'aslen yin, xcha'.