2 Rey 22:16 - Kaqchiquel Bible

¹⁶ Kere' nubij ri Jehová: Yin xtink'en-pe jun ruk'ayewal pa kiwi' konojel ri aj-Judá y ri kiruwach'ulew, kan achi'el nubij ronojel ri tz'ibatel kan chupan ri wuj ri xasik'ij rat.

2 Rey 22:16 ပူးပေါင်းရင်းမြစ်များ

Wuj Richin ri Josúe 23:15

Wi xtiq'ej ruwi' ri rujikibel-tzij ri Jehová ri qa-Dios ri ruya'on chiwe, y kan xkixbe chikij ri jujun chik dios, xtiya' kiq'ij, y xke'isamajij; wi xtiben keri' ri Jehová ri qa-Dios xtuya-pe ruk'ayewal pan iwi'. Achi'el k'a ri urtisanik ri xuya' rija' pa qawi', keri' chuqa' xtuya-pe ri etzelanik pan iwi', y xkixruk'is-el chuwech ri ruwach'ulew ri xuya' chiqe, xcha' ri Josué.

2 Rey 20:17

Xtapon k'a ri q'ij toq ronojel ri k'o chupan ri awachoch, y ronojel k'a ri kibeyomel kan ri ate-atata' k'a re wakami; ronojel re' xtuk'uex-el pa Babilonia, y kan man jun k'a xtik'oje' kan.

Wuj Richin ri Josúe 23:13

kan tiwetamaj k'a chi wi xtiben keri', ri Jehová man xkerelesaj ta el chiwech rix ri winaqi' richin ri ruwach'ulew ri'. Y xa xke'ok k'a jun pikbel chiwe rix, y xkixqaqa pa kiq'a', y xtina' k'a achi'el yixjich' chi xik'a'y y achi'el chuqa' jun k'ix k'o pa runaq'-iwech, y kan xkixruk'is-el chuwech re jebelej ruwach'ulew ri xuya' ri Jehová ri qa-Dios chiqe.

Deut 29:27

Roma ri' ri Jehová janila xyakatej royowal chirij re ruwach'ulew re' y xuya-pe pa ruwi', ronojel ri itzel oyonik ri tz'ibatel kan chupan re jun wuj re'.

2 Rey 22:15

rija' xubij k'a pe chike chi ri Jehová xubij chi tikibij chire ri Josías:

Wuj Richin ri Jeremías 11:11

Roma ri' rija' nubij: Wakami kan xtinbenya' k'a jun ruk'ayewal pan iwi' y man jun xtitikir xtukol ta ri' chuwech ri ruk'ayewal ri'. Stape' xtiraqaqej-ichi' richin nik'utuj to'onik, man xkixinwak'axaj ta.

1 Sam 3:19

Ri Samuel xk'iy-q'anej y ri Jehová kan k'o-wi rik'in, y kan xbanatej k'a ronojel ri xubij ri Jehová chire.

2 Rey 24:2

Y ri Jehová xeruteq tzobaj aj-labal aj-Babilonia, aj-Siria, aj-Moab y aj-Amón chirij ri Joaquim richin nikik'is ri Judá, kan achi'el xubij ri Jehová roma ri q'alajirisey ruch'abel.