2 Rey 22:14 - Kaqchiquel Bible

¹⁴ Y k'o k'a jun ixoq q'alajirisey ruch'abel ri Dios rubini'an Huldá, rixjayil ri Salum ruk'ajol ri Ticvá y rumam ri Harhás. Ri Salum ja rija' ri chajiy richin akuchi niyak-wi ri tzieq kichin ri sacerdote. Y ri Huldá k'o k'a rachoch chiri' ri akuchi nibix Ruka'n Tanaj chire richin ri tinamit Jerusalem. Ri e wo'o' achi'a' xebe rik'in, y toq xe'apon,

2 Rey 22:14 ပူးပေါင်းရင်းမြစ်များ

2 Crón 34:22

Ri Hilquías y ri xecha'ox-el roma ri rey xebe k'a rik'in ri jun ixoq q'alajirisey ruch'abel ri Dios. Ri ixoq ri' rubini'an Huldá, rixjayil ri Salum ri ruk'ajol ri Ticvá, ri ruk'ajol kan ri Harhás. Y ri Salum ja rija' ri nichajin ri tzieq ri ek'o chiri' pa rachoch ri Dios. Ri rachoch ri Huldá k'o k'a chiri' ri akuchi nibix Ruka'n Tanaj chire, richin ri tinamit Jerusalem.

Wuj Kichin ri To'onela' 4:4

Chupan ri q'ij ri' ri niq'aton-tzij chupan ri tinamit Israel, ja ri jun ixoq rubini'an Débora, rija' jun q'alajirisey ruch'abel ri Dios. Chuqa' ixjayilonel richin ri Lapidot.

Hechos 21:9

Rija' ek'o k'a e kaji' rumi'al ri man e k'ulan ta, y rije' nikiq'alajirisaj k'a ri ruch'abel ri Dios.

San Lucas 2:36

K'o k'a chuqa' jun ixoq q'alajirisey ruch'abel ri Dios rubini'an Ana, rumi'al kan ri Penuel, y riy-rumam kan ri Aser. Re Ana re' ti ri'j chik. Rija' k'a ko'ol toq xk'ule'. Xaxe wuqu' juna' xkik'uaj-ki' rik'in ri rachijil, roma xa chi'anin xken-el chuwech.

Wuj Richin ri Sofonías 1:10

Chupan ri q'ij ri' xtibanatej jun raqoj-chi'ij richin q'axo'n, nitiker-el rik'in ri ruchi' ri tz'aq ri akuchi ye'el-ye'ok-wi ri e k'ayil taq ker, k'a rik'in ri ruka'n tanaj chire ri tinamit. Ri raqoj-chi'ij ri' kan xkerusiloj k'a ri nima'q taq juyu'.

Wuj Richin ri Miqueas 6:4

Kan ja k'a yin ri xinelesan-pe iwichin pan Egipto y xixinkol-pe chupan ri kowilej taq samaj. Xenteq k'a ri Moisés, ri Aarón y ri María richin ja rije' re xeyuqen-pe iwichin.

Wuj Richin ri Nehemías 7:72

Y ri ch'aqa' chik winaqi' richin ri tinamit xkiya' oxi' quintal rik'in oxi' arroba q'anapueq, juwineq wo'o' quintal saqipueq y oxk'al wuqu' jal tzieq kichin ri sacerdote.

2 Rey 10:22

K'ari' ri Jehú xch'on rik'in ri aj-raqen ri niyako ri tzieq ri nikikusaj ri rusamajela' ri Baal, y xubij chire chi trelesaj-pe ri tzieq ri'. Y rija' xrelesaj k'a pe ri tzieq.

Ex 15:20

Y jak'a ri María, ri q'alajirisey ruch'abel ri Dios, ri rana' ri Aarón, xuchop jun q'ojom rubini'an pandero, richin xubixaj rubi' ri Dios. Y konojel k'a ri ixoqi' xkitzeqelibej-el y rije' kik'ualon chuqa' ki-pandero y yetzopiyaj ri yebixan.

1 Corintios 11:5

Jak'a ri ixoqi', toq yech'on rik'in ri Dios y toq nikibij ri ruq'alajirisan ri Dios chike, tikikuchu' k'a kijolon rik'in jun tzieq. Roma wi man keri' ta, nikiqasaj ruq'ij ri jolomaj ri k'o pa kiwi' rije' y xa junan rik'in ri juk'un ta el ronojel ri rusumal-kiwi'.

2 Rey 22:15

rija' xubij k'a pe chike chi ri Jehová xubij chi tikibij chire ri Josías:

Wuj Richin ri Jeremías 39:14

xkiteq welesaxik chiri' chuwa-jay ri akuchi k'o-wi ri cárcel, k'ari' xinkijech kan chire ri Guedalías ruk'ajol ri Ahicam, rumam ri Safán, richin yiruk'uaj-el pa wachoch. Y keri' xik'oje' chikikojol ri nuwinaq.

Ez 13:17

Rat Ezequiel, kach'on k'a kik'in ri ixoqi' ri ek'o pan atinamit ri yekitz'uk banobel richin nikiq'alajirisaj.