2 Rey 21:9 - Kaqchiquel Bible

⁹ Jak'a ri Manasés y ri aj-Judá man xkak'axaj ta. Rija' xuben chike chi xemakun, más chuwech ri mak ri xekibanala' ojer kan ri winaqi' aj chiri' ri xeruk'is ri Jehová.

2 Rey 21:9 ပူးပေါင်းရင်းမြစ်များ

Wuj Richin Etamabel-Tzij 29:12

Ri tata'al ri kan jebel nunimaj-qa ri tz'ukun taq tzij ri yebix chire; xa yeruyoj ri rusamajela', y nuben chike chi xke'ok tz'ukuy taq tzij.

Apocalipsis 2:20

Xa jak'a k'o jun ibanobal ri man niqa' ta chinuwech, y ri' ja ri jantape' ikoch'on ri rubanobal ri ixoq Jezabel. Roma rija' kan nubij chi q'alajirisey ruch'abel ri Dios, jak'a xaxe richin yeruq'ol ri nusamajela', kan nuk'ut chikiwech chi nikitej ri kamelabel ri sujun chikiwech ch'aqa' chik dios, y chi ri achi'a' y ri ixoqi' tikikanola-ki' richin yemakun.

Santiago 4:17

Roma wi iwetaman achike ri utz, y xa man niben ta, yixmakun chuwech ri Dios.

San Juan 15:22

Wi man ta xipe yin chuwech re ruwach'ulew chuq'alajirisaxik ri nuch'abel, man ta niq'alajin chi e aj-maki'. Jak'a re wakami, roma yin kan xipe yan chuwech re ruwach'ulew, roma ri' rije' kan man xketikir ta xtikibij chi man jun kimak.

San Lucas 13:34

K'ari' ri Jesús xch'on chik, y xubij: Aj-Jerusalem, aj-Jerusalem, ¿achike k'a roma toq ye'ikamisala' ri achi'a' ri yeq'alajirisan ruch'abel ri Dios, y ye'ikamisala' chi abej ri yeruteq-pe ri Dios chi'ikojol? Yin kan janila k'a bey ri xinwajo' chi xixinmol ta wik'in, achi'el nuben ri kite-ek' chike ri taq ral, yerumol chuxe' ri ruxik'. Jak'a rix kan man jun bey xiwajo' ta.

Os 5:11

Ri Israel kan poqonatajineq roma kan xya'ox rutojbalil-mak pa ruwi' ri kan ruk'amon richin nuk'ul. Roma kan xerutzeqelibej ri xa man jun kejqalen.

Dn 9:6

Man xqanimaj ta k'a ri xkibij ri e q'alajirisey ri ach'abel, stape' kan pan abi' rat xech'on kik'in ri qa-rey, ri e tata'al, ri qate-qatata' y kik'in chijun ri qatinamit Israel.

Wuj Richin ri Nehemías 9:26

Jak'a ri qati't-qamama' xa xeyakatej chawij, y kan man xkitaqej ta k'a ri apixa'. Toq xe'ateq e q'alajirisey ri ach'abel richin xkibij chike chi titzolej-pe kik'u'x awik'in, xa xekikamisaj. Kan janila k'a nima'q taq mak xekibanala' y re' kan xuben chawe richin xmulun ak'u'x.

2 Crón 36:16

Jak'a rije' xa xetze'en chikij ri e rutaqon ri Dios, xa xketzelaj ri ruch'abel y xeyojoben chikij ri e q'alajirisey ruch'abel. Y roma ri' ri Jehová xpe royowal chirij ri rutinamit, y rije' kan man jun chik xetikir xkiben.

2 Crón 33:9

Jak'a ri Manasés xa xeruyuqej ri ruwinaq chubanik ri etzelal. Y kan xik'o chik k'a ruwi' ri etzelal ri xkiben rije' chikiwech ri ch'aqa' chik winaqi' ri xek'oje' chiri' ojer kan, ri xeruk'is kan ri Jehová chikiwech ri israelita.

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

Ez 16:47

Y kan xatzeqelibej ri itzel kibanobal y xaben ri man niqa' ta chinuwech yin. Y pa ruwi' ri', kan más itzel xaben chikiwech rije'.

Wuj Richin Bix Chire ri Dios 81:10

Kan xaxe k'a yin Jehová, ri in i-Dios, y ja yin ri xinelesan-pe iwichin chupan ri ruwach'ulew Egipto. Tik'utuj k'a chuwe ri nik'atzin chiwe y yin kan xtinya', xicha' chike ri iwati't-imama'.

Wuj Richin Bix Chire ri Dios 12:8

xke'achajij k'a, rokik ri e banoy etzelal xabakuchi ek'o-wi, rokik ri winaqi' kiya'on q'ij chire ri etzelal.

2 Rey 21:10

Roma ri' xch'on chik ri Jehová kik'in ri yeq'alajirisan ri ruch'abel, y xubij:

Ez 5:7

Roma ri' yin Jehová ri in rajaw ronojel, ninya' k'a re rutzijol re' chike ri awinaq ri ek'o pa Jerusalem, kere' k'a ninbij chike: Rix más ix yakatajineq chuwij, ke chikiwech ri ch'aqa' tzobaj winaqi' richin re ruwach'ulew ri ek'o chi'inaqaj. Chuqa' xa kan man ibanon ta ronojel ri nubij ri pixa' ri nuya'on chiwe, ni man itzeqeliben ta chuqa' ri kipixa' ri ch'aqa' chik ruwach'ulew.

1 Sam 8:19

Jak'a ri winaqi' man xkajo' ta xkak'axaj ri ruch'abel ri Samuel y xkibij: Ni, roj niqajo' jun qa-rey richin nuq'et-tzij pa qawi'.

2 Rey 16:3

Rija' xa xuben k'a achi'el xkiben ri rey richin Israel. Kan xusuj k'a ri ruk'ajol richin kamelabel, achi'el ri itzel taq banobel kichin ri tzobaj winaqi' ri kan ek'o chiri'. Y roma ri', ri Jehová xerelesaj-el chikikojol ri israelita.

Ez 5:6

Jak'a ri winaqi' xa xkipaba-ki' y man xkitaqej ta ronojel ruwech pixa' ri nuya'on chike. Rije' kan más k'a itzel xekiben chikiwech ri winaqi' ri ek'o chikinaqaj. Rije' kan xketzelaj ri nubin chike y kan man xkiben ta.

Ez 11:12

Rix xa xitzeqelibej ri kibanobal ri winaqi' kichin ri tinamit ri ek'o chi'inaqaj, xa man ibanon ta y man itaqen ta ri nubij ri jalajoj ruwech pixa' ri nuya'on chiwe. Jak'a re wakami kan xtiwetamaj k'a chi ja yin Jehová, xcha'.

Ez 22:3

Y tabij k'a chike ri winaqi' aj chiri' ri ninbij yin. Rix ix jun tinamit ri ix kamisanel y ye'iben-q'anej wachibel richin chi yixok man ix ch'ajch'oj ta.