2 Rey 21:6 - Kaqchiquel Bible

^6-7 Xerusuj ri ruk'ajol richin kamelabel. Chuqa' kan xbe kik'in ri aj-itza' y xeruk'ulubej ri itzel taq espíritu. Chuqa' kan xuya-apo ri paban-che' richin Asera, chupan ri rachoch ri Jehová. Y ri itzel taq banobel ri' xuben richin xuyek royowal ri Jehová. Ri ojer kan ri Jehová xubij chike ri David y ri Salomón ri ruk'ajol: Yin xtinya' re nubi' richin q'asen chupan re jay re', re wawe' pa Jerusalem, ri kan xincha' chikikojol konojel ri tzobaj richin Israel.

2 Rey 21:6 ပူးပေါင်းရင်းမြစ်များ

2 Rey 17:17

Xekiporoj k'a ri kalk'ual richin xekisuj richin kamelabel. Xe'ok richin nikibananej richin nikiq'alajirisaj ri peteneq chikiwech, y xebe rik'in aj-itz. Kan xkijech k'a ki' richin xkiben ri etzelal chuwech ri Jehová, richin xkiyek janila royowal.

Wuj Richin ri Chojmirisabelri'il 19:31

Man kixbe kik'in ri yekik'ulubej kaminaqi', ni rik'in ri xa nubananej chi retaman ri peteneq chiwech-apo, roma wi niben keri' xa man ix ch'ajch'oj ta chinuwech. Yin Jehová ri yibin.

Wuj Richin ri Chojmirisabelri'il 18:21

Man tisuj k'a jun chike ri iwalk'ual richin jun sipanik ri niporox chire ri dios rubini'an Moloc, richin man niyoq'otej ri nubi', yin ri in i-Dios. Yin Jehová ri yibiyin.

2 Rey 16:3

Rija' xa xuben k'a achi'el xkiben ri rey richin Israel. Kan xusuj k'a ri ruk'ajol richin kamelabel, achi'el ri itzel taq banobel kichin ri tzobaj winaqi' ri kan ek'o chiri'. Y roma ri', ri Jehová xerelesaj-el chikikojol ri israelita.

Wuj Richin ri Chojmirisabelri'il 19:26

Man jun ti'ij titej ri k'o kik' rik'in. Chuqa' man tibananej, y chuqa' man kixok aj-itz.

2 Crón 33:6

Chuqa' kan xeruporoj ri ralk'ual richin kamelabel chiri' pa taq'aj kojol juyu' richin Ben-hinom. Kan xeruk'ulubej k'a ri yech'on kik'in ri espíritu richin nretamaj ri peteneq chuwech, y chuqa' xch'on kik'in ri kaminaqi'. Xuya' q'ij chi xek'oje' chik ri aj-itza'. Kan xik'o k'a ruwi' ri itzel xuben. Ronojel re' kan man xqa' ta chuwech ri Jehová, y roma ri' xyakatej janila royowal.

Hechos 16:16

Jun bey k'a toq qachapon-el bey richin yojbe k'a ri akuchi niban-wi ch'owen rik'in ri Dios, xqak'ul jun xten aj-ik' ri loq'on. Re xten re' k'o k'a jun itzel espíritu rik'in, y jari' ri nibanon chire chi nitikir nubij ri xtikik'uluwachila' ri winaqi'. Nuben chi nuch'ek ruméro, y ri méro ri' napon pa kiq'a' ri rajaw.

Wuj Richin ri Miqueas 6:7

¿Kan xtiqa' kami chuwech ri Jehová xtinsuj chire 1,000 achija' taq karne'l? ¿Xtuk'awomaj kami ri Dios xtinya' ta chire ri aceite achi'el jun raqen-ya'? ¿Xtinsuj ta k'a ri nabey nuk'ajol chire richin nikuyutej numak? ¿Xtinya' ta jun chike ri walk'ual roma ri numak ri e nubanalon?

Wuj Richin ri Isaías 19:3

Konojel k'a ri winaqi' aj-Egipto xa xtisach kik'u'x, roma ri Dios kan xtuben chike richin man jun chik xketikir xtikiben. K'ari' xkekik'ulubej kiwachibel ri ki-dios; xkebe kik'in aj-itza'; xkekik'ulubej itzel taq espíritu y kik'in ri nikibananej chi ketaman ri peteneq chikiwech.

Wuj Richin ri Isaías 8:19

Rik'in juba' ek'o xkebin chiwe chi tik'utuj chike ri yech'on kik'in ri kaminaqi' y chike ri nikibananej chi ketaman ri peteneq chiqawech-apo, roma ruk'amon chi rik'in ta ri Dios xik'utuj-wi ronojel re'. Jak'a yin ninbij chi man ruk'amon ta chi ye'ik'ulubej ri kaminaqi' richin nikibij chiwe achike nik'uluwachij kik'in ri k'a ek'o na kan.

2 Crón 28:3

Xuporoj k'a pom chiri' pa taq'aj kojol juyu' richin Ben-hinom. Chuqa' kan xeruporoj ralk'ual richin kamelabel achi'el xekiben ri winaqi' ri xek'oje' chiri' ojer. Re banobel re' man xqa' ta chuwech ri Jehová, y roma ri' xe'elesex-pe chikikojol ri israelita ri ojer taq winaqi' ri'.

1 Crón 10:13

Ri Saúl xken roma man xuben ta ri ruk'amon chi nuben chuwech ri Dios. Y man xaxe ta k'ari', xmakun chuqa' roma xa xberuk'ulubej jun ixoq ri nubananej chi retaman ri peteneq chikiwech-apo,

Wuj Richin ri Rutikeribel 13:13

Y ri winaqi' ri ek'o chiri' pa Sodoma janila ketzelal y e aj-maki' chuwech ri Jehová.

2 Rey 23:24

Keri' chuqa' ri Josías xeruk'is k'a el konojel ri aj-itza' y ri yek'uluben ri itzel taq espíritu. Xerelesaj-el chuqa' ri taq wachibel ri richin pa taq jay, y ronojel ri man niqa' ta chuwech ri Dios ri ek'o chiri' pa ruwach'ulew Judá y pa Jerusalem, richin chi rija' nutaqej ri pixa' ri tz'ibatel kan chupan ri wuj ri xril ri sacerdote Hilquías chupan ri rachoch ri Jehová.

Wuj Richin ri Isaías 66:4

Roma ri' yin chuqa' kan xtinya' ri ruk'ayewal pa kiwi' rije'. Kan xtinya' pa kiwi' ri achoq chuwech janila nikixibij-ki'. Yin kan xenwoyoj, jak'a man jun xk'uluban-pe ri nuch'abel. Xich'on kik'in, jak'a man jun xak'axan wichin. Xa xkiben ri etzelal chinuwech, y xkicha' ri man niqa' ta chinuwech yin.

Wuj Richin ri Jeremías 19:4

Roma ri winaqi' israelita xinkimalij kan y kan xkiben chire ri taq'aj ri' chi xenoj chi dios ri man e aj wawe' ta y man xketamaj ta kiwech ri iwati't-imama', ni ri e rey ri xek'oje' ojer kan. Y wawe' xisuj pom chikiwech y kan xinojisaj ri tinamit rik'in kik' roma xe'ikamisaj ri winaqi' ri xa man jun kimak.

Deut 32:16

Rix xiben k'a chire ri Jehová chi kan itzel nina' chire, roma rix xiyala' kiq'ij ch'aqa' chik dios. Y chuqa' xiben chire richin chi xiyek royowal, roma kan xe'itzeqelibej ch'aqa' chik dios ri kan itzel yerutz'et rija'.

Deut 32:21

Xiben chuwe richin itzel xinna' chiwe, roma rix xiyala' kiq'ij ch'aqa' chik dios. Y chuqa' xiyek woyowal, roma kan xe'itzeqelibej ch'aqa' chik dios ri xa man jun yetikir nikiben. Wakami kan xtinben k'a chiwe richin itzel xtina' chuwe. Y xtinyek iwoyowal, roma rix ix jun tinamit nakanik.

Wuj Richin ri Jeremías 19:5

Chuqa' xe'ipaba-q'anej porobel richin xe'iporoj ri iwalk'ual richin xe'isuj chire ri Baal, jun banobel ri man nubin ta yin richin niben y ni chuqa' man jun bey nuch'obon rij richin keri' niben.

Ez 23:39

Y chupan k'a ri q'ij ri' toq xekisuj ri taq kal richin jun kamelabel richin nikiya' kiq'ij ri wachibel, jak'a chuqa' q'ij ri' xe'apon chupan ri wachoch y xkiben k'a chire chi man jun rejqalen.