2 Rey 21:23 - Kaqchiquel Bible

²³ Y k'o k'a jun q'ij jujun chike ri aj-raqen xeyakatej k'a chirij, y xkikamisaj kan pa rachoch.

2 Rey 21:23 ပူးပေါင်းရင်းမြစ်များ

2 Rey 12:20

Y xeyakatej k'a ka'i' rusamajela' chirij ri Joás y xkikamisaj pa jun jay ri k'o akuchi taq'ajun-q'anej rik'in ulew, y re' k'o pa relebel-q'ij chire ri Jerusalem chunaqaj ri bey ri nibe pa tinamit Silá.

2 Rey 15:30

Chirij ri' ri Oseas ruk'ajol ri Elá xyakatej chirij ri Pécah ruk'ajol ri Remalías. Xukamisaj, y ja rija' ri xk'oje' kan pa ruk'exel richin xuq'et-tzij. Y re' xbanatej chupan ri juna' juwineq chire ri q'atbel-tzij richin ri Jotam ruk'ajol ri Azarías.

2 Rey 15:25

Jak'a k'o jun aj-raqen pa kiwi' ri rusamajela', y rija' rubini'an Pécah ruk'ajol ri Remalías. Rija' e rachibilan ri Argob, ri Arie, y e kawineq lajuj achi'a' aj-Galaad ri xeyakatej chirij richin xkikamisaj chiri' pa Samaria chupan ri rachoch rija'. Y ja ri Pécah ri xk'oje' kan pa ruk'exel richin xuq'et-tzij.

1 Rey 16:9

Pan Israel k'o k'a jun achin ri aj-raqen pa ruwi' ri nik'aj chike ri kajlabal ri carruaje richin oyowal richin ri Elá, y rija' rubini'an Zimrí. Y k'o k'a jun q'ij ri Elá k'o pa Tirsá, pa rachoch ri Arsá ri samajel ri k'o pa kiwi' ri ch'aqa' chik samajela' ri e yuqul pa samaj pa rachoch rija'. Y ri Zimrí xyakatej chirij ri rey Elá, toq ri rey Elá k'o chiri' pa rachoch ri Arsá, y kan janila q'abarel.

1 Rey 15:27

Y ri Baasá, ruk'ajol kan ri Ahías, ri aj-ruwach'ulew Isacar, xerumol k'a achi'a' y xerachibilaj richin xyakatej chirij ri Nadab. Xberusutij-rij ri tinamit Guibetón, jun tinamit kichin kan ri aj-Filistea. Y chiri' xukamisaj-wi ri rey Nadab.

2 Rey 9:27

Toq ri Ocozías rey richin Judá xutz'et ronojel re', xanimej-el y xbe chupan ri bey ri nibe pa tinamit Bet-hagan. Jak'a ri Jehú xutzeqelibej-el y xubij chi tikamisex chuqa' ri Ocozías chupan la ru-carruaje. Y xkisok k'a chiri' chuwa taq juyu' richin ri tinamit Gur, ri k'o chunaqaj ri tinamit Ibleam. Jak'a ri Ocozías k'a xanimej na y xapon pa Meguido, y k'a chiri' xken-wi.