2 Rey 21:20 - Kaqchiquel Bible

²⁰ Ri Amón kan xuben ri man utz ta chuwech ri Jehová Dios, achi'el xuben ri Manasés ri rutata'.

2 Rey 21:20 ပူးပေါင်းရင်းမြစ်များ

Hechos 7:51

Rix kowirineq ri iwánima chupan ri etzelal. Rix ix achi'el ri man e qawinaq ta ri man nikitzeqelibej ta ri qa-Dios, y man jun bey niwajo' chi ja ta ri Loq'olej Espíritu ri nuk'uan iwichin. Kan achi'el xkibanala' ri qati't-qamama', kan keri' k'a chuqa' niben rix re wakami.

San Mateo 23:32

Kixbiyin k'a rix richin nibek'isa' rubanik ri xkitikeriba' kan rubanik rije'.

2 Rey 21:11

Ri Manasés ri rey richin Judá nuben ri man niqa' ta chinuwech, y kan nuben más itzel taq banobel chuwech ri xkiben ri aj-Hamor ri xek'oje' ojer kan, y rija' kan xuben chike ri aj-Judá richin xkiya' kiq'ij ri kiwachibel ri ch'aqa' chik dios.

Wuj Richin ri Q'axanri'il 32:14

Y wakami ja chik rix ri xixk'oje' kan pa kik'exel ri qate-qatata'. Rix xa ix jun tzobaj winaqi' aj-maki'. Xaxe richin niyek chik jun bey royowal ri Jehová pa qawi'.

2 Rey 21:21

Kan xerusamajij ri wachibel ri xerusamajij ri rutata', y kan xuya' kiq'ij.

2 Rey 23:32

Jak'a ri Joacaz xa itzel xuben chuwech ri Jehová achi'el xkiben ri rati't-rumama'.

2 Rey 23:37

Y ri Joaquim kan ja ri itzel ri xuben chuwech ri Jehová Dios, achi'el xkiben ri rati't-rumama'.

2 Rey 24:9

Y ri Joaquín xa ja ri itzel ri xuben chuwech ri Jehová Dios, kan achi'el ri xuben ri Joaquim ri rutata'.

2 Rey 24:19

Y ri Sedequías kan ja ri itzel xuben chuwech ri Jehová, achi'el xuben ri Joaquim.