2 Rey 21:2 - Kaqchiquel Bible

² Kan itzel k'a xuben chuwech ri Jehová. Roma xa xuben ri k'ixbel taq banobel ri man niqa' ta chuwech ri Jehová achi'el yekiben ojer kan ri winaqi' ri ek'o chiri', ri e relesan chik el ri Jehová ri chiri' pan Israel.

2 Rey 21:2 ပူးပေါင်းရင်းမြစ်များ

Ez 16:51

Ri rumak ri awach'alal Samaria, ni man napon ta nik'aj chire ri amak rat. Rat kan xik'o chik ruwi' ri amak ri xaben y roma ri' achi'el xa ta man jun kimak nik'ulun chinuwech ri e ka'i' awach'alal ri'.

Wuj Richin ri Jeremías 15:4

Xtinben chi konojel tzobaj winaqi' richin ri ruwach'ulew xtikik'en rukiy rik'in ri xtinbenbana' kik'in, roma ri rumak ri xuben ri rey Manasés, ri ruk'ajol ri Ezequías chiri' pa Jerusalem.

2 Crón 36:14

Chuqa' konojel ri k'o más kiq'ij ri ek'o pa tinamit Judá, ri e sacerdote y konojel winaqi' kan xkinimirisaj ri kimak; xa kan xekitzeqelibej ri banobel ri man niqa' ta chuwech ri Dios. Xkiben achi'el ri yekiben ri ch'aqa' chik ruwach'ulew, y kan xekibanala' k'a ri itzel taq banobel pa rachoch ri Jehová, ri akuchi ruch'aron rija' richin niya'ox ruq'ij chiri' pa Jerusalem.

2 Rey 22:17

Rije' kan xinkimalij kan y xkiporoj pom chikiwech ri jujun chik dios. Chuqa' xkiya' kiq'ij ri wachibel ri xekibanala'. Roma ri' kan xyakatej k'a woyowal pa ruwi' re tinamit re', y ri woyowal man xtik'is ta qa choj keri'.

2 Rey 21:16

Ri Manasés xuben chike ri winaqi' aj-Judá chi xemakun y keri' rije' xekibanala' itzel chuwech ri Jehová. Y man xaxe ta ri' ri xuben ri Manasés; kan e k'iy winaqi' ri maneq kimak ri xerukamisaj, y kan chupan k'a chijun ri Jerusalem k'o kamik ri xeruben, xtiker-pe ri jun ruchi' y xapon k'a ri jun chik ruchi'.

Deut 12:31

Man tiya' ruq'ij ri Jehová achi'el nikiben rije', roma ri itzel kan man nukoch' ta nutz'et rija'. Jari' ri xkiben rije'; richin xkiya' ruq'ij ri ki-dios xekiporola' ri kimi'al-kik'ajol chikiwech.

2 Rey 21:11

Ri Manasés ri rey richin Judá nuben ri man niqa' ta chinuwech, y kan nuben más itzel taq banobel chuwech ri xkiben ri aj-Hamor ri xek'oje' ojer kan, y rija' kan xuben chike ri aj-Judá richin xkiya' kiq'ij ri kiwachibel ri ch'aqa' chik dios.

2 Rey 21:20

Ri Amón kan xuben ri man utz ta chuwech ri Jehová Dios, achi'el xuben ri Manasés ri rutata'.

2 Rey 23:32

Jak'a ri Joacaz xa itzel xuben chuwech ri Jehová achi'el xkiben ri rati't-rumama'.

2 Rey 24:9

Y ri Joaquín xa ja ri itzel ri xuben chuwech ri Jehová Dios, kan achi'el ri xuben ri Joaquim ri rutata'.

Wuj Richin ri Molojri'il 9:18

Ri na'oj kan más k'a rejqalen ke chuwech ri jalajoj kiwech kamisabel ri ye'ukusex pa labal. Roma toq man rik'in ta na'oj nibanatej jun banobel, kan nuyoj ronojel ri utz. Xa rik'in jun aj-mak, kan k'iy k'a ri man utz ta nuk'en-pe.

Wuj Richin ri Isaías 66:4

Roma ri' yin chuqa' kan xtinya' ri ruk'ayewal pa kiwi' rije'. Kan xtinya' pa kiwi' ri achoq chuwech janila nikixibij-ki'. Yin kan xenwoyoj, jak'a man jun xk'uluban-pe ri nuch'abel. Xich'on kik'in, jak'a man jun xak'axan wichin. Xa xkiben ri etzelal chinuwech, y xkicha' ri man niqa' ta chinuwech yin.

2 Rey 17:2

Y rija' kan man utz ta k'a xuben chuwech ri Jehová, jak'a ri ch'aqa' chik rey richin Israel kan ik'owineq ruwi' itzel xkiben chuwech rija'.

2 Rey 21:21

Kan xerusamajij ri wachibel ri xerusamajij ri rutata', y kan xuya' kiq'ij.

Ez 11:12

Rix xa xitzeqelibej ri kibanobal ri winaqi' kichin ri tinamit ri ek'o chi'inaqaj, xa man ibanon ta y man itaqen ta ri nubij ri jalajoj ruwech pixa' ri nuya'on chiwe. Jak'a re wakami kan xtiwetamaj k'a chi ja yin Jehová, xcha'.

Ez 22:3

Y tabij k'a chike ri winaqi' aj chiri' ri ninbij yin. Rix ix jun tinamit ri ix kamisanel y ye'iben-q'anej wachibel richin chi yixok man ix ch'ajch'oj ta.