2 Rey 21:16 - Kaqchiquel Bible

¹⁶ Ri Manasés xuben chike ri winaqi' aj-Judá chi xemakun y keri' rije' xekibanala' itzel chuwech ri Jehová. Y man xaxe ta ri' ri xuben ri Manasés; kan e k'iy winaqi' ri maneq kimak ri xerukamisaj, y kan chupan k'a chijun ri Jerusalem k'o kamik ri xeruben, xtiker-pe ri jun ruchi' y xapon k'a ri jun chik ruchi'.

2 Rey 21:16 ပူးပေါင်းရင်းမြစ်များ

2 Crón 33:9

Jak'a ri Manasés xa xeruyuqej ri ruwinaq chubanik ri etzelal. Y kan xik'o chik k'a ruwi' ri etzelal ri xkiben rije' chikiwech ri ch'aqa' chik winaqi' ri xek'oje' chiri' ojer kan, ri xeruk'is kan ri Jehová chikiwech ri israelita.

2 Rey 21:11

Ri Manasés ri rey richin Judá nuben ri man niqa' ta chinuwech, y kan nuben más itzel taq banobel chuwech ri xkiben ri aj-Hamor ri xek'oje' ojer kan, y rija' kan xuben chike ri aj-Judá richin xkiya' kiq'ij ri kiwachibel ri ch'aqa' chik dios.

Wuj Richin ri Q'axanri'il 35:33

Y man tiben chire ri itinamit ri akuchi yixbek'oje-wi richin nok man ch'ajch'oj ta roma ri kamik ri xiben, roma ri kik' nuben chi ri ruwach'ulew nok man ch'ajch'oj ta. Y ri ruwach'ulew xtok ch'ajch'oj k'a toq xtiken na ri kamisanel.

Hebreos 11:37

Ek'o ch'aqa' xekamisex chi abej, xequpix pa ka'i' rik'in ch'ich', xekamisex chi espada, xebe-kela' xebe-kela' xkiben y xaxe kisale'y karne'l y tzuntzun ri xkikusaj richin kitziaq. Xkiq'axaj tijoj-poqonal y janila k'iy itzel ri xban chike.

San Lucas 13:34

K'ari' ri Jesús xch'on chik, y xubij: Aj-Jerusalem, aj-Jerusalem, ¿achike k'a roma toq ye'ikamisala' ri achi'a' ri yeq'alajirisan ruch'abel ri Dios, y ye'ikamisala' chi abej ri yeruteq-pe ri Dios chi'ikojol? Yin kan janila k'a bey ri xinwajo' chi xixinmol ta wik'in, achi'el nuben ri kite-ek' chike ri taq ral, yerumol chuxe' ri ruxik'. Jak'a rix kan man jun bey xiwajo' ta.

San Mateo 27:6

Y ri aj-raqen pa kiwi' ri sacerdote xkik'ol el ri méro ri' y xkibij: Re méro re' man ruk'amon ta chi niqayek-qa chupan ri yakonabel, roma re méro re' xa rajel jun achin ri nibiyin ri rukik'el, xecha'.

Wuj Richin ri Jeremías 19:4

Roma ri winaqi' israelita xinkimalij kan y kan xkiben chire ri taq'aj ri' chi xenoj chi dios ri man e aj wawe' ta y man xketamaj ta kiwech ri iwati't-imama', ni ri e rey ri xek'oje' ojer kan. Y wawe' xisuj pom chikiwech y kan xinojisaj ri tinamit rik'in kik' roma xe'ikamisaj ri winaqi' ri xa man jun kimak.

Wuj Richin ri Jeremías 15:4

Xtinben chi konojel tzobaj winaqi' richin ri ruwach'ulew xtikik'en rukiy rik'in ri xtinbenbana' kik'in, roma ri rumak ri xuben ri rey Manasés, ri ruk'ajol ri Ezequías chiri' pa Jerusalem.

Wuj Richin ri Jeremías 7:6

Man ke'iya' pa tijoj-poqonal ri man e iwinaq ta, ni ri meba'i', ni ri malkani'. Man ke'ikamisaj winaqi' ri xa maneq kimak. Man ke'iya' kiq'ij ch'aqa' chik dios, ri xa nuk'en-pe ruk'ayewal pan iwi'.

Wuj Richin ri Jeremías 2:34

Y rix kan e ikamisan winaqi' ri xa man jun kimak kibanon y man xe'iwil ta chubanik jun eleq'. Stape' chirij ri itziaq kan xtz'etetej k'a kik',

Ex 32:21

Chirij ri' ri Moisés xubij chire ri Aarón: ¿Achike xkiben chawe re winaqi' re', richin xe'ayuqej chupan re jun nimalej mak re'?, xcha'.

2 Rey 21:15

roma ri kibanobal kan janila k'a itzel ri nikiben chinuwech, y kan kiyakon k'a pe janila woyowal. Y re' kichapon-pe toq xe'el-pe ri kite-kitata' ri chiri' pan Egipto k'a re wakami, xcha'.

Wuj Richin ri Jeremías 32:31

Roma re tinamit re', kan ruyakon-pe woyowal kan k'a ja toq xpabex-q'anej y k'a re wakami, roma ri' kan xkenk'is-el chuwech re ruwach'ulew,

Ez 9:9

Y ri Jehová xubij chuwe: Ri winaqi' israelita y ri aj-Judá kan janila chik nim ri kimak y roma ri' ri ruwach'ulew kan nojineq rik'in kamik y chuqa' rik'in etzelal. Y rije' kan nikibij-qa chi yin man yentz'et ta y chi yin xenmalij yan kan.

Ez 22:4

Rik'in k'a ronojel kamik ri ibanalon y niya' kiq'ij ri wachibel, kan ix makuwineq-wi, roma ri' man yixqa' ta chik chinuwech. Y roma ronojel re' kan xiben richin noqaqa yan ri k'isibel taq q'ij richin ri ik'aslen. Roma ri' yin xtinben chike ri ch'aqa' chik tinamit chi xketze'en y xkech'on itzel chiwij.

2 Rey 3:3

Man rik'in ri', xa kan xmakun achi'el xuben ri Jeroboam ruk'ajol ri Nabat, y xuben chire ri tinamit Israel chi xmakun, y kan man xuya' ta kan ri mak ri'.

2 Rey 21:2

Kan itzel k'a xuben chuwech ri Jehová. Roma xa xuben ri k'ixbel taq banobel ri man niqa' ta chuwech ri Jehová achi'el yekiben ojer kan ri winaqi' ri ek'o chiri', ri e relesan chik el ri Jehová ri chiri' pan Israel.

Wuj Richin Etamabel-Tzij 6:16

Ri Jehová kan yeretzelaj k'a waqi' banobel richin ri wineq ri ruyon itzel k'o pa ruk'aslen, y toq kan napon-q'anej k'a pa wuqu', kan más nretzelaj y nuya' q'axo'n chire ri ránima.

Wuj Richin Etamabel-Tzij 6:17

Y jare' k'a ri wuqu' banobel ri más nretzelaj rija': Ri nimirisanen; ri tz'ukuj-tzij; ri banoj kamik;

Ez 22:2

Rat Ezequiel, xapon yan ri q'ij richin xtiq'at-tzij pa ruwi' ri Jerusalem, roma jun tinamit ri ruyon kamik e rubanalon. Kan taq'alajirisaj chuwech ronojel rumak ri kan man utz ta nintz'et.

Ez 23:45

Roma ri' ri achi'a' ri choj kik'aslen, ja rije' ri xkeq'aton-tzij pan iwi' achi'el ri ruchojmilal ri ya'on pa kiwi' ri ixoqi' ri itzel kik'aslen y pa kiwi' kamisanela', roma qitzij na wi chi rix ix ixoqi' ri itzel ik'aslen y ix kamisanela'.