2 Rey 20:20 - Kaqchiquel Bible

²⁰ Ri ch'aqa' chik rucholajen ri ruk'aslen ri Ezequías y ri uchuq'a' ri xk'oje' pa ruq'a', y ri achike rubanik xuben-q'anej jun yakbel-ya' y ri rubey ya' richin napon ri ya' pa tinamit, ronojel re' tz'ibatel kan chupan ri wuj richin ri kibanobal ri rey richin Judá.

2 Rey 20:20 ပူးပေါင်းရင်းမြစ်များ

Wuj Richin ri Nehemías 3:16

Ri jun chik ram xuben-q'anej ri Nehemías ruk'ajol ri Azbuc. Y rija' ri q'atoy-tzij richin ri nik'aj chire ri tinamit Bet-sur y xuchojmirisaj-q'anej ri tz'aq nitiker-el ri akuchi xtane-wi kan ri Salum, ri akuchi muqun-wi ri rey David, y xapon k'a akuchi k'o-wi ri yakbel-ya' chuchi' kachoch ri achi'a' ri maneq xibinri'il chikiwech.

2 Crón 32:32

Ri ch'aqa' chik rubanobal ri Ezequías, y ri rujoyowanik ri xuben, xtz'ibex kan chupan ri wuj richin ri q'alajirisey ruch'abel ri Dios rubini'an Isaías, ruk'ajol ri Amós, y chupan ri kiwuj ri rey richin ri ruwach'ulew Judá y richin ri ruwach'ulew Israel.

2 Crón 32:4

K'ari' xkimol-ki' e k'iy winaqi' richin xbekitz'apej ronojel ri ralaxbel taq ya'; keri' chuqa' xbekitz'apej ronojel ri taq ch'uti'n raqen ya' y chuqa' ri rubey ya' ri napon pa Jerusalem. Keri' xkiben richin toq xke'apon ri rey richin Asiria e rachibilan ri aj-labal, man xtikil ta kiya'.

2 Crón 32:30

Rija' xutz'apej k'a ri jun ruq'a-ya' ri nalex-pe pa Guihón ri k'o pa jotol, y xaxe jun rubey xuben chire ri nibe pa xulan. Y k'ari' xuk'uaj pa qajbel-q'ij pa rutinamit kan ri David. ronojel k'a ri xuben, kan utz xel chuwech.

2 Rey 16:19

Ri ch'aqa' chik rubanobal ri Acaz kan tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Judá.

2 Rey 15:26

Ri ch'aqa' chik rucholajen ri ruk'aslen ri Pecahías y ronojel ri xuben, kan tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.

2 Rey 15:6

Ri ch'aqa' chik rubanobal ri Azarías y ronojel ri xuben kan tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin ri Judá.

2 Rey 8:23

Ri ch'aqa' chik rubanobal ri Joram tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Judá.

1 Rey 15:23

Y ronojel ri xuben ri rey Asá; ri xebanatej chupan ri ruq'atbal-tzij rija', y chuqa' ri rusamaj y ri tinamit ri xerupaba-q'anej, ronojel re' e tz'ibatel kan chupan ri Wuj Ri Cholan Nich'on pa kiwi' ri rey richin ri Judá. Chupan k'a ri q'ij richin ri rurijixinen, xyawej k'a roma xqaqa jun yabil chire ri raqen.

1 Rey 15:7

Y keri' ronojel ri ch'aqa' chik banobel richin ri rey Abiam xetz'ibatej k'a chupan ri Wuj Ri Cholan Nich'on pa kiwi' ri rey, y kan jantape' k'a xk'oje' labal chikikojol ri ka'i' rey ri'.

1 Rey 14:19

Ri ch'aqa' chik rubanobal ri Jeroboam, achi'el ri oyowal ri xeruben y ri rubanik ri ruq'atbal-tzij; ronojel re' e tz'ibatel kan chupan ri Wuj Ri Cholan Nich'on pa kiwi' ri rey.

2 Rey 18:17

Chiri' pa tinamit Laquis akuchi-k'o-wi ri Senaquerib, ek'o chuqa' e oxi' aj-raqen pa kiwi' konojel ri aj-labal. Y ri Senaquerib xeruteq-el re oxi' aj-raqen re' e kachibilan-el e k'iy aj-labal, richin xe'apon pa Jerusalem akuchi-k'o-wi ri rey Ezequías. Toq xe'apon pa Jerusalem, xek'oje' k'a qa chunaqaj ri yakbel-ya' ri k'o-q'anej pa jotol, ri k'o pa bey ri akuchi yeban-wi tzieq.

Wuj Richin ri Nehemías 2:14

Xinik'o chuchi' ri ralaxbel-ya' ri akuchi nuyek-wi ri ruya' ri rey, y chiri' k'a xinya' kan ri nukiej roma man xtikir ta xq'ax.

1 Rey 14:29

Y ri ch'aqa' chik banobel ri xerubanala' ri rey Roboam e tz'ibatel kan chupan ri Wuj Ri Cholan Nich'on pa kiwi' ri rey.

2 Rey 23:28

Ri ch'aqa' chik ri xeruben ri Josías chupan ri ruq'atbal-tzij y ronojel ri xuben tz'ibatel chupan ri wuj richin ri kibanobal ri rey richin Judá.

2 Crón 32:3

jari' toq xubij chike ri e tata'al y ri aj-raqen pa kiwi' ri aj-labal chi ketz'apex ri ralaxbel taq ya' ri ek'o chirij-el ri tz'aq. Y rije' kan xqa' chikiwech.

2 Crón 32:24

Y k'o k'a jun q'ij ri Ezequías xuk'uluwachij jun nimalej yabil. Jak'a rija' xch'on rik'in ri Jehová, y ri Jehová kan xuk'uluba-pe ri ruch'abel y kan xuya' jun retal chire chi keri' niberubana' rik'in.