2 Rey 20:18 - Kaqchiquel Bible

¹⁸ Y chuqa' ri awijatzul xke'uk'uex-el pa Babilonia, y xtiban chike chi man ye'alk'ualan ta chik. Xke'ok k'a samajela' chupan ri rachoch ri rey ri chiri', xcha'.

2 Rey 20:18 ပူးပေါင်းရင်းမြစ်များ

2 Crón 33:11

Y roma ri' ri Jehová xeruk'en-pe aj-raqen kichin ri aj-labal aj-Asiria chikij. Xkixim k'a el ri Manasés rik'in cadena ri banon rik'in q'enq'oj-pueq, y k'ari' xkik'uaj-el pa Babilonia.

2 Rey 24:12

Y jari' toq ri Joaquín xujech-ri' pa ruq'a' ri Nabucodonosor, e rachibilan-el ri rute', ri rusamajela', ri aj-raqen pa kiwi' ri aj-labal y ri ch'aqa' chik aj-raqen richin rija'. Re' xbanatej chupan ri ruwaqxaq juna' richin ri q'atbel-tzij richin ri Nabucodonosor.

Dn 1:3

Chirij ri' ri rey xch'on rik'in ri aj-raqen pa kiwi' ri rusamajela', ri rubini'an Aspenaz, y xubij chire chi kek'amer-pe alaboni' chikikojol ri israelita ri e rijatzul ri rey y ri e tata'al.

2 Rey 25:6

Toq kichapon chik k'a ri Sedequías, xkik'uaj k'a rik'in ri Nabucodonosor chiri' pa tinamit Riblá richin nubij chire ri achike nuk'uluwachij.

Wuj Richin ri Jeremías 20:5

Keri' chuqa' xtinjech-el ronojel ri beyomel richin re tinamit re', ronojel ri e kich'akon rik'in ri kisamaj y ri k'o rejqalen ri k'o kik'in. Y xtinya' ronojel beyomel ri kichin ri rey pa kiq'a' ri e etzelanel iwichin. Xtikelesaj k'a el ronojel chuwi-kiq'a' y xtikik'uaj-el pa Babilonia.

Wuj Richin ri Miqueas 4:10

Ruk'amon chi keri' yixq'axo y yixjilo; roma rix nuwinaq k'o chi yixel-el re wawe' pa tinamit Jerusalem, y xa xkixbek'oje' pa taq ulew richin tiko'n. Rix xa xkixbe k'a pa Babilonia, y toq ixk'o chik chiri' xkixbekol-pe. K'a chiri' k'a xkixrelesaj chik pe ri Jehová pa kiq'a' ri e etzelanel iwichin.

2 Rey 24:15

Ri Nabucodonosor xeruk'uaj pa Babilonia ri Joaquín, ri rute', ri e rixjayil, ri e aj-raqen richin rija' y ri achi'a' ri kan k'o janila kiq'ij chuwech ri ruwach'ulew ri'. Kan xerelesaj-el chiri' pa Jerusalem y xeruk'uaj-el k'a pa Babilonia.