2 Rey 20:1 - Kaqchiquel Bible

¹ Chupan k'a ri q'ij ri' ri Ezequías xuchop k'a jun nimalej yabil y kan niken yan. Y xapon k'a rik'in rija' ri Isaías ri q'alajirisey ruch'abel ri Dios y xubij chire: Ri Jehová nubij chi tachojmirisaj kan ronojel ri pan awachoch, roma kan xkaken. Xa man xkak'achoj ta chik, xcha'.

2 Rey 20:1 ပူးပေါင်းရင်းမြစ်များ

Filipenses 2:27

Y qitzij chi rija' janila xyawej y jubama xken. Jak'a ri Dios xujoyowaj ruwech, y xujoyowaj chuqa' nuwech yin, roma wi ta xken, k'o ta chik jun q'axo'n xpe wik'in pa kiwi' ri q'axo'n ri kan ek'o chik pa wánima.

2 Rey 19:20

Chirij ri' ri Isaías xuteq rubixik chire ri Ezequías y xubij chire: Ri Jehová ri qa-Dios nubij chi xrak'axaj ri xabij rat chire chirij ri Senaquerib rey richin ri Asiria.

2 Sam 17:23

Jak'a toq ri Ahitófel xunabej chi man xban ta ri xubij rija', xuben-el ruchojmil ri rukiej, xch'oke' k'a el chirij y xbe chirachoch pa rutinamit. Xuchojmirisaj k'a kan ronojel y k'ari' xberujitz'aj-ri'. Y keri' xken y xmuq akuchi muqun-wi ri rutata'.

Filipenses 2:30

roma rija' xa kan jubama k'a xken chubanik ri rusamaj ri Cristo. Kan xuya' k'a ri' chuwikamik richin xiruto' rik'in ri samaj ri man yixtikir ta rix richin yinito' chubanik.

2 Rey 19:2

Y xubij k'a chike ri Eliaquim, ri Sebná y ri e sacerdote, richin xkikusaj kitziaq richin bis. K'ari' xeruteq-el rik'in ri q'alajirisey ruch'abel ri Dios rubini'an Isaías ruk'ajol ri Amós.

2 Rey 20:2

Jak'a ri Ezequías kotz'ol pa ruch'at, xtzu'un-apo chuwa-xan, xch'on rik'in ri Jehová y xubij:

Deut 31:14

K'ari' ri Jehová xubij chire ri Moisés: Wakami naqaj chik k'a k'o-apo ri q'ij richin ri akamik, roma ri' tataqa' royoxik ri Josué y tak'uaj chupan ri wachoch richin molojri'il, richin xtinbij chire ri ruk'amon chi nuben, xcha'. Keri' ri Moisés y ri Josué junan xebe chupan ri jay richin molojri'il,

Deut 31:16

Y ri Jehová xubij k'a chire ri Moisés: Rat xkatuxlan yan k'a apo junan kik'in ri ate-atata', y toq rat at maneq chik, re winaqi' richin re tinamit re' xa xkeyojtej y xkekitzeqelibej-el ch'aqa' chik dios ri kichin ri winaqi' ri ek'o pa taq ruwach'ulew ri akuchi xke'apon-wi. Kan xkinkimalij k'a kan y xtikiq'ej ruwi' ri nujikibel-tzij ri nubanon kik'in.

2 Rey 1:4

Roma ri', ri Jehová nubij chi ri rey Ocozías man xtiyakatej ta chik chuwech ri warabel; xa kan xtibeken k'a, xcha' ri ángel chire ri Elías. K'ari' ri Elías xel-pe richin xeberuk'ulu' ri samajela' y xubij chike ri xubij ri Dios chire.

2 Rey 1:16

Toq xapon rik'in, xubij chire: Kere' rubin-pe ri Jehová: Rat kan xaben chi achi'el xa ta maneq Dios wawe' pan Israel roma xa xak'ulubej chik jun. Roma xe'ateq-el achi'a' rik'in ri Baal-zebub dios kichin ri aj-Ecrón; roma ri' man xkayakatej ta chik chuwech ri warabel y xa xkabeken, kere' nubij ri Dios, xcha' ri Elías.