2 Rey 2:9 - Kaqchiquel Bible

⁹ Toq xeq'ax yan k'a, ri Elías xubij chire ri Eliseo: Tak'utuj ri achike nawajo' chi ninben awik'in, rokik k'a ink'o awik'in, xcha'. Y ri Eliseo xuk'utuj utzil chire chi tuya' kan chire ka'i' mul ri uchuq'a' ri chiri' chikiwech konojel ri ch'aqa' chik ri xetzeqeliben richin ri Elías, richin chi rija' nok kan aj-raqen.

2 Rey 2:9 ပူးပေါင်းရင်းမြစ်များ

1 Rey 19:16

Y chuqa' naqasaj aceite pa ruwi' ri jun achin rubini'an Jehú rumam ri Nimsí richin nok kan rey pa ruwi' ri Israel. Y ri jun achin rubini'an Eliseo ruk'ajol ri Safat aj-Abel-meholá, xtaqasaj aceite pa ruwi' richin nok kan q'alajirisey nuch'abel pan ak'exel rat.

1 Rey 3:9

Tabana' utzil chuwe yin ri in asamajel chi tanojisaj ri wánima rik'in na'oj, richin keri' xkitikir xtinq'et-tzij pa ruwi' ri atinamit roma, ¿achike ta k'a nitikir niq'aton-tzij pa ruwi' ri atinamit, roma kan janila nim?, xcha'.

Wuj Richin Bix Chire ri Dios 72:1

Nimalej Dios, tak'utu' ri apixa' chuwech ri rey. Kan tabana' chire chi xtuben ri ruchojmilal ri nawajo' rat,

Wuj Richin Bix Chire ri Dios 72:20

Wawe' nitane-wi chire ri ruch'owen rik'in ri Dios, ri David ri ruk'ajol kan ri Isaí.

Wuj Richin ri Zacarías 12:8

Chupan ri q'ij ri' kan xkento' ri aj-Jerusalem ri maneq kuchuq'a', richin xtik'oje' kuchuq'a' achi'el xk'oje' rik'in ri David ojer kan. Y ri rajawaren kan xtik'oje' k'a uchuq'a' rik'in achi'el k'o wik'in yin, y achi'el xa ta ri nu-ángel.

Wuj Richin ri Zacarías 9:12

Roma ri' tik'oje' oyobenri'il iwik'in. Rix kan xkixtzolin chik chupan ri itinamit ri e sutin-kij chi tz'aq. Ninbij k'a chiwe chi kan xtinya' urtisanik pan iwi'. Xtinya' k'a ka'i' mul urtisanik chiwe achi'el ri xik'ul pa nabey.

Wuj Richin ri Q'axanri'il 11:17

Yin xkiqaqa-pe y chiri' xkich'on awik'in y yin xtinwelesaj juba' chire ri ejqa'n ri nuya'on pan awi' rat y re' xtinya' pa kiwi' rije' richin yatkito' chuk'uaxik ri ralal ri samaj, y man ayon ta chik rat ri xkatuk'uan.

Wuj Richin ri Q'axanri'il 11:25

Y toq ri Jehová xqaqa-pe, kan chupan k'a ri sutz' peteneq-wi y xch'on rik'in ri Moisés. Xeri' ri Jehová xuya' chuqa' chike ri e oxk'al lajuj achi'a' ri Espíritu achi'el ri ruya'on chire ri Moisés. Jari' toq ri achi'a' ri' xebech'on-pe achi'el yech'on ri e q'alajirisey ruch'abel ri Dios. Jak'a xaxe jun bey ri keri' xkiben.

San Juan 16:7

Jak'a yin kan ja ri qitzij ri ninbij chiwe: Jebel nuben chiwe, wi yibe yan roma wi man ta yibe, man noqaqa ta ri Loq'olej Espíritu ri noto'on iwichin. Jak'a wi yibe yan, kan jari' k'a ninteq-pe.

Hechos 1:8

Xaxe k'a tiwetamaj, chi toq ri Loq'olej Espíritu xtiqaqa-pe pan iwi', xtik'ul k'a uchuq'a', y xkiniq'alajirisaj chikiwech ri winaqi' wawe' pa tinamit Jerusalem, ri ek'o pa ch'aqa' chik tinamit wawe' pa Judea, pa ruwach'ulew Samaria, y chikiwech konojel winaqi' pa ch'aqa' chik ruwach'ulew chi nej chi naqaj, xcha' ri Jesús.

Hechos 8:17

Roma ri' toq ri Pedro y ri Juan xkiya' kiq'a' pa kiwi', kan jari' toq xkik'ul k'a ri Loq'olej Espíritu.

1 Corintios 12:31

Roma ri' kan ruk'amon k'a chi nirayij ri más rejqalen achi'el ri xinbij yan. Jak'a kan ninwajo' chuqa' nink'ut jun chik rubeyal chiwech ri más utz.

Deut 21:17

Kan k'o chi niya'ox chire ri nabey ak'ual jun chik pa ruwi' chire ri ulew ri niya'ox chike ri ch'aqa' chik; roma ja rija' ri nabey ak'ual xk'oje' toq k'a janila ruchuq'a' k'o ri tata'aj. Kan chire rija' k'o chi niya'ox-wi roma ja rija' ri nimalaxel.

Deut 34:9

Y chirij re' ri Josué kan xuk'ul ri espíritu richin na'oj, roma ri Moisés kan ruya'on kan ri ruq'a' pa ruwi'. Keri' ri israelita kan xkinimaj rutzij y xkitaqej ronojel ri rubin kan ri Jehová chire ri Moisés.

1 Timoteo 5:17

Ri uk'uey kichin ri molaj qach'alal ri kan jebel kik'uaxik nikiben chike ri qach'alal, kan ruk'amon chi ka'i' ta bey nikik'ul ri rajel ruk'exel. Y kan más ruk'amon chi nikik'ul keri', ri nikitzijoj ri ruch'abel ri Dios y ri yetijon.