2 Rey 2:8 - Kaqchiquel Bible

⁸ K'ari' ri Elías xuchop ri ko'ol raqen rutziaq y xubolqotij. Y rik'in ri' xukajij ri ya'. Y ri ya' ri' xch'aratej pa ka'i', y xeq'ax-el pa chaqi'j ri juk'an chik ruchi' ri ya'.

2 Rey 2:8 ပူးပေါင်းရင်းမြစ်များ

1 Rey 19:19

Toq ri Elías tzolejineq-pe chiri', jari' toq xberila-el ri Eliseo ruk'ajol ri Safat ri nisamej pa jun ulew. Chuwech rija' e ik'owineq-el kablajuj k'ulaj bóyix, y ja rija' uk'uayon ri ruk'isibel k'ulaj bóyix. Y ri Elías kan choj xbe k'a rik'in richin xuya' ri ko'ol raqen rutziaq chirij.

2 Rey 2:14

Y rik'in ri tzieq ri', ri Eliseo xukajij ri ya' achi'el xuben ri Elías toq xeq'ax-apo, y xubij: ¿Akuchi k'o-wi ri uchuq'a' ri xuya' ri Jehová chire ri Elías?, xcha'. Y ri ya' ri' kan xch'aratej chik pa nik'aj, y keri' ri Eliseo xq'ax-apo ri juk'an chik ruchi' ri raqen-ya'.

Hebreos 11:29

Y ri winaqi' judío roma kan kikuquban kik'u'x rik'in ri Dios, xkiq'axaj ri Kaqa-Palou y kan pa chaqi'j ulew xebiyin-wi. Jak'a toq ri winaqi' aj-Egipto xkajo' chuqa' xkiben keri', xa xejiq' kan.

Wuj Richin ri Isaías 11:15

Ri Jehová kan xtuchaqirisaj ri Kaqa-Palou richin xtujeq kibey ri xketzolin-pe. Kan rik'in jun k'aten kaq'iq' xtichaqer ri raqen-ya' Éufrates, richin xkek'oje' xaxe wuqu' taq ruq'a' ri raqen-ya' ri', richin ri xketzolin-pe xketikir xkeq'ax chikaqen chupan.

1 Rey 19:13

Toq ri Elías xrak'axaj re' xutz'apej ruwech rik'in jun ko'ol raqen rutziaq, xel-el y xbepa'e' chuchi' ri jul. K'ari' ri Jehová Dios xch'on chik pe rik'in y xubij chire: ¿Achike naben wawe' rat Elías?, xcha'.

Apocalipsis 16:12

Ri ruwaq ángel xberuq'eja' kan pa ruwi' ri nimalej raqen-ya' Éufrates ri ruk'uan-el chupan ri qumbel. Y ri raqen-ya' ri' xchaqi'j-qa richin chi xunaba' kan ri kibey ri q'atoy taq tzij ri e peteneq kere' pa relebel-q'ij.

Hebreos 11:37

Ek'o ch'aqa' xekamisex chi abej, xequpix pa ka'i' rik'in ch'ich', xekamisex chi espada, xebe-kela' xebe-kela' xkiben y xaxe kisale'y karne'l y tzuntzun ri xkikusaj richin kitziaq. Xkiq'axaj tijoj-poqonal y janila k'iy itzel ri xban chike.

Ex 14:29

Jak'a ri winaqi' israelita, pa chaqi'j xeq'ax chupan ri Kaqa-Palou y ri ya' kan achi'el k'a tz'aq ri xuben pa kijkiq'a' y pa kajxokon.

1 Sam 28:14

K'ari' ri Saúl xuk'utuj chire ri achike k'a ri rubanik. Y ri ixoq xubij: Jotol-pe jun achin ti ri'j-ri'j chik y kan rupison-pe-ri' pa tzieq, xcha'. Ri Saúl xq'ax chuwech chi rija' ja ri Samuel, xulukuba-qa-ri' k'a pan ulew y xxuke-qa chuwech.