2 Rey 2:6 - Kaqchiquel Bible

⁶ Y ri Elías xubij chire: Nink'utuj utzil chawe chi kak'oje' kan wawe', roma ri Jehová yiruteq richin yibe pa raqen-ya' Jordán, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y junan k'a xebe chi e ka'i'.

2 Rey 2:6 ပူးပေါင်းရင်းမြစ်များ

2 Rey 2:2

Y ri Elías xubij chire ri Eliseo: Wakami kakanej kan wawe', roma ri Jehová yiruteq pa tinamit Betel, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y k'ari' xebe junan k'a pa Betel.

Wuj Richin ri Josúe 3:15

Chupan ri q'ij toq nik'ol ri tiko'n, ri raqen-ya' ri' kan janila ninimer. Y jari' toq ri e sacerdote ri e uk'uayon-el ri káxa xe'apon chuchi' ri raqen-ya', y toq xe'ok-apo, rije' kan xch'eqe' ri kaqen, y jari' toq

Wuj Richin ri Josúe 3:8

Rat kan kere' k'a xtabij chike ri e sacerdote ri e uk'uayon ri káxa richin ri nujikibel-tzij: Toq xkixapon chuchi' ri raqen-ya' xkixok chupan y xkixpa'e' chiri', xkacha' chike, xcha' ri Jehová.

1 Sam 20:3

K'ari' ri David xuya' rutzij chuwech ri Jonatán y xubij chire: Ri atata' retaman jebel chi roj janila niqajo-qi'. Roma ri' rija' man xtubij ta chawe ri achike ri ruch'obon chuwij, richin keri' rat man yabison ta. Kan qitzij na wi, k'es k'a ri Jehová y k'es k'a ri awánima rat, chi ri nukamik yin xa naqaj chik k'o-wi, xcha'.

Wuj Richin ri Rutikeribel 22:6

Ri Abraham xuben chire ri ruk'ajol chi xrejqaj-el ri si' ri xtibek'atzin richin niberuporoj ri kamelabel. Y rija' xuk'uaj ri racheq-q'aq' y ri qupibel pa ruq'a', y xebe k'a el.

Wuj Richin ri Rutikeribel 22:8

Y ri Abraham xubij chire: Ja ri Dios xtiya'on-pe ri chikop richin niqaporoj nuk'ajol yin, xcha'. Y kan junan k'a e beneq-el.

Wuj Richin ri Rut 1:16

Jak'a ri Rut xubij chire: Man chik tak'utuj utzil chuwe richin chi yatinya' kan y ninch'er kan wi' awik'in. Roma akuchi xkabe-wi rat, chiri' xkibe-wi yin; akuchi xkabek'oje-wi rat, chiri' xkibek'oje-wi yin; ri awinaq, kan ja chuqa' ri' nuwinaq yin; y ri a-Dios, jari' chuqa' nu-Dios yin.

1 Sam 1:26

Ri Ana xubij chire ri Elí: Táta, noqaqa chi'ak'u'x in achike yin, roma ja yin ri' ri ixoq ri xik'oje' chi'anaqaj ri k'o yan chik juna' ri', toq xipe re wawe' richin xich'on rik'in ri Jehová.

2 Rey 4:30

Jak'a ri rute' ri ak'ual xubij: Ninya' nutzij chuwech ri Jehová y chawech rat, chi man xkatinya' ta kan, xcha'.