2 Rey 2:5 - Kaqchiquel Bible

⁵ Y chiri' pa tinamit Jericó ek'o k'a jun chik tzobaj e q'alajirisey ruch'abel ri Dios. Y rije' xbekik'ulu' ri Eliseo y xkibij chire: ¿Awetaman chi ri Jehová xtrelesaj-el ri awajaw chawech chupan re q'ij re'?, xecha'. Y rija' xubij: Ja, wetaman chik. Man jun chik tibij, xcha'.

2 Rey 2:5 ပူးပေါင်းရင်းမြစ်များ

Wuj Richin ri Rutikeribel 48:19

Jak'a ri rutata' man xrajo' ta y xubij chire ri José: ¡Wetaman chik nuk'ajol yin, kan wetaman! Ri nimalaxel xtok na wi jun achin ri janila ruq'ij y xtuben-q'anej jun tinamit, jak'a ri chaq'laxel kan xtik'oje' k'a más nim ruq'ij chuwech re nimalaxel; roma ri rijatzul janila e k'iy ri xkebek'oje' chuwech ri ruwach'ulew, xcha' ri Jacob.

1 Rey 20:35

K'o k'a jun achin kachibil ri jun molaj achi'a' e q'alajirisey ruch'abel ri Dios. Rija' xubij k'a chire ri jun chike ri e rachibil chi tusoko' roma keri' rubin ri Dios. Stape' keri' rubin ri Dios, ri rachibil man xrajo' ta xusok.

2 Rey 2:3

Y chiri' pa tinamit Betel ek'o k'a ri e q'alajirisey ruch'abel ri Dios. Y rije' xbekik'ulu' ri Eliseo y xkibij chire: ¿Awetaman chi ri Jehová xtrelesaj-el ri awajaw chawech chupan re q'ij re'?, xecha'. Y rija' xubij: Ja' wetaman chik. Man jun chik tibij, xcha' chike.

2 Rey 4:1

K'o k'a jun q'ij jun ixoq rixjayil kan jun chike ri q'alajirisey ruch'abel ri Dios, xapon rik'in ri Eliseo y xubij chire: Ri wachijil xken yan; y rat awetaman chi rija' kan xutzeqelibej ri Jehová. Y wakami ri achin ri akuchi k'o-wi kan ri ruk'as peteneq richin yeruk'uaj-el re e ka'i' wal richin yeyuqe' pa samaj rik'in, xcha'.

2 Rey 5:22

Y rija' xubij: Ja' utz. Ri wajaw xiruteq-pe richin nonbij chawe chi wakami yan xe'apon rik'in e ka'i' q'alajirisey ruch'abel ri Dios, ri e peteneq chuwi' taq juyu' richin Efraín. Wakami k'a nuk'utuj utzil chawe chi taya' kan 106 libra saqipueq chike, y ka'i' jal k'ak'a' tzieq, xcha' chire.

2 Rey 6:1

K'o k'a jun q'ij ri e q'alajirisey ruch'abel ri Dios xkibij chire ri Eliseo: Re jay re akuchi qamolon-wi-qi' man yojruben ta chik roma janila latz'.

2 Rey 9:1

Rokik ri Joram nraq'omaj-ri', ri Eliseo q'alajirisey ruch'abel ri Dios xroyoj jun chike ri rutijoxel, q'alajirisey ruch'abel ri Dios, y xubij chire: Tabana' achojmil richin yabe pa tinamit Ramot richin Galaad, y tak'uaj-el jun ti bojo'y nojineq chi aceite.

Wuj Richin ri Molojri'il 3:7

Napon k'a ruq'ijul richin naretz, y chuqa' napon ruq'ijul richin natz'is. Napon k'a ruq'ijul richin man jun ch'abel nabij, y chuqa' napon ruq'ijul richin k'o ch'abel nabij.

Wuj Richin ri Isaías 41:1

Ri Jehová nubij: Kiniwak'axaj k'a rix winaqi' ri ixk'o pa taq'aj ruwach'ulew. Rix tzobaj winaqi' richin ri ruwach'ulew tik'oje' iwuchuq'a'. Kixanpe richin yojch'on pa ruwi' re'. Kixjel-pe richin junan xtiqaq'et-tzij.

Am 7:14

Jari' toq xinbij chire ri Amasías: Yin man in jun ta q'alajirisey ruch'abel ri Dios, ri ninben ta richin ninch'ek nu-méro. Rubanon kan xa in yuq'unel, y yenwux wíkix ri ek'o pa k'echelaj.

Wuj Richin ri Habacuc 2:20

Jak'a ri Jehová kan k'o-wi chupan ri rachoch, roma ri' konojel tzobaj winaqi' richin re ruwach'ulew man keq'ajan chuwech.

San Lucas 24:51

Xk'uluwachitej k'a chi toq ri Jesús najin yerurtisaj, jari' k'a toq rija' xyakatej-el pa kaq'iq' y xuk'uex k'a el chikaj.

Hechos 1:11

Y ri ka'i' achi'a' ri' xkibij k'a chike: Rix ri yixpe pa Galilea, ¿achike roma toq yixtzu'un chikaj? Re Jesús re xitz'et chi xbe chikaj re wakami, kan xtipe chik k'a jun bey. Y kan achi'el re xuben-el re xbe, kan keri' chuqa' xtuben ri pa ruka'n bey toq xtiqaqa-pe chila' chikaj, xecha' chike.

Hechos 1:2

Y keri' xuben, k'a toq xuk'uex-el chila' chikaj. Jak'a toq rija' k'a man jani nibe chila' chikaj, rik'in ri ruchuq'a' ri Loq'olej Espíritu, xubij k'a chike ri e taqon roma rija' ri nik'atzin chi nikiben kan, toq rija' xtibe.

Hechos 26:25

Jak'a ri Pablo xubij chire: Táta, yin man in ch'u'j ta, roma ronojel ri ninbij, kan qitzij, y ronojel chuqa' pa rubeyal ninbij-wi.

1 Sam 10:5

Chirij ri', xkatapon pa tinamit Guibeá, akuchi ek'o-wi jun tzobaj aj-Filistea. Y toq xkatok chupan ri tinamit ri', xke'ak'ul jun tzobaj e q'alajirisey ruch'abel ri Dios ri e tzolejineq-pe richin xbekiya' ruq'ij ri Dios y nikiq'alajirisaj ri ruch'abel. Y chikiwech rije' e ik'owineq-pe q'ojomanela' kik'amon-pe ri kiq'ojom: Ri salterio, ri pandero, ri xul y ri arpa.