2 Rey 2:24 - Kaqchiquel Bible

²⁴ Y ri Eliseo xtzu'un k'a kan chirij y xerutz'et, y kan xuya' etzelanik pa kiwi' pa rubi' ri Jehová. Y xe'el k'a pe ka'i' ixoq taq oso chikij, y xekik'is e kawineq ka'i' chike rije'.

2 Rey 2:24 ပူးပေါင်းရင်းမြစ်များ

Hechos 5:9

Jak'a ri Pedro xubij chire: ¿Achike roma rix kan xiben chi achi'el xa ta man yixrutz'et ta pe ri Loq'olej Espíritu richin ri Dios? Roma ri' ri awachijil jari' xbemuq kan. Y ri e beneq muquy richin, jari' ye'ok yan pe, richin keri' yatokik'ama' chik el rat, richin yatbekimuqu' kan chuqa', xcha'.

Hechos 5:5

Y ri Ananías kan xaxe k'a xrak'axaj ri ch'abel ri xerubij ri Pedro, xken y xtzaq-qa. Y konojel k'a ri xe'ak'axan ri xbanatej, xpe k'a janila xibinri'il chike.

Am 7:17

Roma ronojel re', ri Jehová xuteq-pe re rutzijol re' chawe: Ri awixjayil xtuchop itzel k'aslen wawe' pa tinamit. Ri awalk'ual xkekamisex rik'in espada. Ri awulew xtitalux chikiwech ch'aqa' chik winaqi'. Rat xkaken chiri' pa ruwach'ulew Asiria. Y konojel ri awinaq israelita xke'uk'uex-el pa ximonri'il; xke'uk'uex-el nej chire ri kiruwach'ulew, nicha' ri Jehová, xcha' ri Amós.

Os 13:8

Kan xkiqaqa k'a pan awi' achi'el jun ixoq oso ri ek'o taq ral y yakatajineq royowal roma e majon kan chuwech. Xtinwech' k'a ri awánima, kan xkatink'is k'a jumul achi'el nuben ri koj.

Hechos 8:20

Jak'a ri Pedro xubij chire: K'a ta pa q'aq' xkabeqaqa-wi, rachibilan ri améro, roma rat nach'ob chi rik'in ri méro naloq' ri nusipaj ri Dios.

Marcos 11:21

Roma ri' ri Pedro xoqaqa chuk'u'x, y xubij chire ri Jesús: Tijonel, tatz'eta'; ri wíkix ri xaya' kan etzelanik pa ruwi', xa xchaqi'j yan qa, xcha'.

Marcos 11:14

Jari' k'a toq ri Jesús xubij chire ri che': Man k'a xkawachin ta chik jumul, xcha'. Y ri rutijoxela' kan xkak'axaj k'a ri xubij.

Wuj Richin ri K'uxla'anik 3:65

Takowirisaj k'a ri kánima, Taya' q'ij chi niqaqa ri etzelanik pa kiwi'.

Wuj Richin ri Jeremías 28:16

Roma ri', ri Jehová nubij chi rija' xkarelesaj k'a el chuwech re ruwach'ulew. Chupan re juna' re' xkaken, roma rik'in ri ach'abel xe'ataqchi'ij ri winaqi' richin xeyakatej chirij ri Dios, xicha' chire.

1 Rey 20:36

Y ri q'alajirisey ruch'abel ri Dios kere' xubij chire ri rachibil: Roma man xanimaj ta rutzij ri Jehová, kan xaxe xtach'er kan awi' wik'in, xtak'ul jun koj y xkarukamisaj, xcha'. Y toq xkich'er kan ki' rik'in ri rachibil jari' toq xbe'el-pe jun koj chirij y xukamisaj.

1 Rey 19:17

Kere' k'a xtibanatej kik'in ri winaqi' ri xkiya' kiq'ij ri Baal: Ri Hazael xkeruteq pa kamik chi espada; y janipe' ri xke'animej, k'a pa ruq'a' ri Jehú xketzaq-wi; y wi k'o ta jun ri xtikolotej kan pa ruq'a' ri Jehú, xtiqaqa pa ruq'a' ri Eliseo.

1 Rey 13:24

richin keri' nuchop-el bey. Y toq ruchapon chik k'a el bey, xbe-el pe jun koj chirij y xukamisaj, y ri ruch'akul chiri' xpune-wi kan. Y ri kamineq xk'oje' kan chikikojol ri ti bur y ri koj.

2 Sam 17:8

Y chuqa' ri Husai xubij chire: Rat awetaman chi ri atata' y ri achi'a' ri e beneq rik'in, e achi'a' ri man nikixibij ta ki'. Wakami rije' kan itzel kina'on y yakatajineq koyowal achi'el jun ixoq oso toq e majon-el ri taq ral chuwech. Chuqa' ri atata', rija' jun achin ri kan richin oyowal, y man xtuq'axaj ta re aq'a' re' junan kik'in ri ruwinaq.

Wuj Kichin ri To'onela' 9:57

Chuqa' ronojel ri etzelal ri xkiben ri aj-Siquem, ri Dios xuben chike chi xkitoj na, y kan xqaqa k'a pa kiwi' rije' ri itzel oyonik ri xubij ri Jotam ri ruk'ajol kan ri Jerubaal.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Wuj Richin ri Rutikeribel 9:25

Y ri Noé xubij k'a: Kan tiqaqa k'a ri itzel pa ruwi' ri Canaán, rija' xtok jun wineq ri xtiyuqe' pa samaj, kan xtok k'a jun chaq relik samajel kichin ri rach'alal.

2 Corintios 10:6

Toq rix kan xtinimaj tzij y xtiben ri nubij ri ruch'abel ri Dios, jari' toq man xtiqapoqonaj ta xtiqaya' jun ruk'ayewal pa kiwi' ri ch'aqa' chik ri xa man nikinimaj ta tzij.

Wuj Richin Etamabel-Tzij 28:15

Kan achi'el k'a jun koj ri nureq ruchi' o achi'el nuben jun oso ri niken roma wayjal; kan keri' rubanikil ri q'atoy-tzij ri banoy richin etzelal, y niq'aton-tzij pa kiwi' meba' taq winaqi'.

Wuj Richin Etamabel-Tzij 17:12

Más utz juba' nabek'ulu-pe jun ixoq oso, ri yakatajineq royowal roma ri e elesan-el ri taq ral chuwech; ke chuwech nabek'ulu-pe jun wineq ri xa maneq runa'oj, y xa ch'abel ri ch'obon man ch'obon yerubila'.

Wuj Kichin ri To'onela' 9:20

Wi man keri' ta, kan tel k'a pe q'aq' rik'in ri Abimélec richin xkixruk'is iwonojel rix aj-Siquem y rix ri ixk'o pa Bet-miló; y chuqa' iwik'in rix tel k'a pe q'aq' richin nuk'is ri Abimélec, xcha' chike.

2 Rey 2:25

K'ari' ri Eliseo xbe pa ruwi' ri juyu' Carmelo, y chirij ri' xtzolej pa tinamit Samaria.

Wuj Richin ri Chojmirisabelri'il 26:22

Kan xtinben chi xkepe k'uxunela' taq chikopi', kan xkekitej ri iwalk'ual, chuqa' xkekitej ri iwawej y kan xkixk'is, y kan xtitole' kan ri bey.

Wuj Richin Etamabel-Tzij 19:29

Ri rutojbalil mak royoben chik ri wineq ri nitze'en chirij jun chik wineq; y ri ch'ayibel kan royoben chik ri ruch'e'el-rij ri wineq ri kan maneq runa'oj.