2 Rey 2:23 - Kaqchiquel Bible

²³ K'ari' xbe pa Betel; y toq jotol-el pa bey, xe'el-pe alaboni' pa tinamit, y yetze'en chirij y nikibij: ¡Wakami kabiyin chik k'a el rat tz'anet rujolon achin! Kabiyin chik k'a el rat tz'anet rujolon achin! yecha'.

2 Rey 2:23 ပူးပေါင်းရင်းမြစ်များ

2 Crón 36:16

Jak'a rije' xa xetze'en chikij ri e rutaqon ri Dios, xa xketzelaj ri ruch'abel y xeyojoben chikij ri e q'alajirisey ruch'abel. Y roma ri' ri Jehová xpe royowal chirij ri rutinamit, y rije' kan man jun chik xetikir xkiben.

Wuj Richin ri Achin Job 30:1

Jak'a re wakami ri kan k'a más e ak'uala' na chinuwech yin, xa yetze'en chuwij, ri e kalk'ual kan ri achi'a' ri man xeqa' ta chinuwech; y kan man xenwajo' ta xenkusaj ni richin chi junan ta kik'in ri nutz'i' xekichajij ta ri wawej.

Wuj Richin ri Achin Job 19:18

Kan jajun chuqa' ri ak'uala' yinketzelaj, y kan xaxe yipa'e-el kan itzel k'a yech'on y yetze'en chuwij.

Wuj Richin Bix Chire ri Dios 31:18

Kan ketane' k'a qa ri e tz'ukuy taq tzij, roma rije' yech'on rik'in janila nimirisanen, y kan janila k'a itzel yech'on chirij ri choj ruk'aslen.

Hebreos 11:36

Ek'o ch'aqa' chik ri xetze'ex y xech'ay, ek'o xexim rik'in cadena, y xetz'apex pa taq cárcel.

Gálatas 4:29

Chupan ri q'ij ri' ri ral ri Agar ri man sujun ta pe roma ri Dios, xa xretzelaj k'a ri Isaac, ri kan sujun-pe y xalex rik'in ri ruchuq'a' ri Loq'olej Espíritu. Kan keri' chuqa' nik'uluwachitej wakami qik'in roj ri xojalex yan rik'in ri ruchuq'a' ri Loq'olej Espíritu. Yojetzelex k'a koma ri winaqi' ri maneq ri Loq'olej Espíritu kik'in.

Am 7:13

Man jun chik taq'alajirisaj re wawe' pa Betel, roma re wawe' jare' ri akuchi nuya-wi ruq'ij ri ru-dios ri rey, xcha'.

Am 5:5

Man tikanoj ri tinamit Betel. Man kixbe pa tinamit Guilgal. Chuqa' man kixq'ax-el pa Beerseba, roma ri aj-Guilgal kan xke'uk'uex-el pa ximonri'il. Y ri Betel kan xtiwuluwu' kan.

Am 4:4

Kixbiyin pa Betel, y chiri' kixmakun-wi. Kixbiyin pa Guilgal, y kixmakun más ri chiri'. Ronojel k'a nimaq'a', tisuju' kamelabel richin nikuyutej ri imak. Y pa taq ox-ox q'ij, tik'ama' k'a pe ri jun chire ri lajuj chire ronojel.

Am 3:14

Toq xtinya' rutojbalil-mak pa kiwi' ri israelita, kan xtinwulaj ri porobel ri ek'o pa Betel. Ri achi'el taq uk'a' ri ek'o pa taq ruxikin ri porobel xa xkepax; y xketzaq pan ulew.

Os 10:15

Keri' k'a xtuben chiwe rix winaqi' ri ixk'o pa Betel, keri' xtuben chiwe roma ri nimalej imak. Ri rey richin Israel xa kan kamineq chik k'a toq xtiseqer-pe, ncha' ri Dios.

Os 10:5

Ri winaqi' aj-Samaria xa kan xtikixibij-ki', roma ri ruwachibel ri alaj achij wákix ri xk'oje' pa Bet-aven. Kan xkebison k'a roma xa xtuk'uex-el chikiwech. Ri winaqi' y ri sacerdote kan xke'oq' k'a, roma xa xtik'is-el ronojel ri ruwaq'ijaj ri xk'oje' kik'in.

Os 4:15

Wi rat Israel yamakun, kan tabana' k'a. Xa rik'in man ta nimakun ri Judá. Israel, man kixbe pa Guilgal, man kixjote-q'anej pa Bet-aven, y man tiya' itzij pan nubi' yin, Jehová.

Wuj Richin ri Jeremías 7:18

Ri alk'ualaxela' nikimol-pe si', ri tata'aj nikibox ri q'aq', ri kixjayilal nikiben ke'en richin nikiben kaxlan-wey richin nikisuj chire ri ixoq dios rubini'an Reina Richin ri Kaj. Kan nikiyek woyowal roma ri' y chuqa' nikiyek janila woyowal toq nikiya' sipanik chikiwech dios ri man ketaman ta kiwech.

Wuj Richin ri Isaías 3:5

Ri winaqi' xtikiben chi xtikitej poqon chikijujunal ri kirachk'ul-jay. Ri alaboni' kan xkeyakatej k'a chikij ri rijita'q taq winaqi', y ri winaqi' ri maneq kiq'ij xkeyakatej chikij ri k'o kiq'ij.

Wuj Richin ri Isaías 1:4

¡Toq'ex iwech rix tzobaj winaqi' aj-maki'! Rix ix jun tinamit ri kan ix nojineq chi etzelal, jun sol winaqi' ri kan ix richin etzelal, achi'el alk'ualaxela' ri maneq k'ix kik'in. Rix kan xinimalij k'a kan. Y kan xiben chi xyakatej janila woyowal yin Jehová ri ink'o pan iwi'.

Wuj Richin ri Molojri'il 11:10

Kan tawelesaj k'a el awik'in ronojel ri nibanon chawe chi natej poqon y yaququt janila, roma kan tawetamaj k'a chi ri ak'ajolil xa q'axel.

Wuj Richin Etamabel-Tzij 22:15

Ri ruch'ujilal jun ala', kan ch'ikil ri chiri' pa ránima, jak'a wi nukusex ri xik'a'y toq nitijox richin chi man nuben ta chik ri banobel ri', kan nel-wi-el.

Wuj Richin Etamabel-Tzij 22:6

Kan tanaq'tisaj k'a pe ri ak'ual k'a pa ruch'utinal-pe, rik'in ri achike rubeyal ruk'aslen ri utz chi nuk'uaj, richin keri' toq xtapon-q'anej pa rurijixinen, kan man xtujech'ej ta kan ri' chire ri rubeyal k'aslen ri'.

Wuj Richin Etamabel-Tzij 20:11

Jun ala' kan chi'anin netamex ruwech, xaxe rik'in nitz'et ri achike niqa' chuwech nuben; kan chi'anin-wi nitz'etetej roma ri utz y ri ch'ajch'oj ri yeruben.

Wuj Richin Bix Chire ri Dios 35:15

Jak'a toq xpe wululen chuwij, rije' xa xetze'en chuwij. Xkimol k'a ki' itzel taq winaqi' chuwij, y yin man xinwetamaj achike roma. Y kan janila k'a itzel xkiben chuwe, y man yetane' ta chuwij.

Wuj Richin ri Rutikeribel 21:9

Y ri Sara xutz'et k'a chi ri jun chik ralk'ual ri Abraham ri xk'oje' rik'in ri Agar ri aj-Egipto janila nitze'en chirij ri Isaac.

2 Rey 2:11

Y toq rije' yetzijon e beneq pa bey, chaq k'ate' xok'ulun jun carruaje qiriren-pe koma kiej, y ri kiej y ri carruaje kan pa ruxaq q'aq' k'a e peteneq-wi. Y re' kan xeruch'er k'a ri Elías y ri Eliseo, y ri Elías xuk'uex k'a el chikaj pa jun surkum.

Wuj Richin ri Chojmirisabelri'il 13:40

Wi k'o ta jun wineq ri nuchop nitzaq-el ri rusumal-ruwi' pa rusut, o wi nuchop chuqa' nitzaq-el ri rusumal-ruwi' ri pa ruwi-q'anej ri nik'aj-ruwech, re' kan ch'ajch'oj.

2 Rey 2:22

Y ri ya' ri' kan xaq'omatej; k'a re wakami, achi'el xubij ri Eliseo.

Wuj Richin Bix Chire ri Dios 31:17

Jehová, tabana' chi man ta jun bey xkik'ixbitej, roma kan nuk'utun wuchuq'a' chawe. Tabana' chi ri itzel taq winaqi' yek'ixbitej; Kan ta xkebe pa jul richin muqbel, y man jun ta chik xtikibij.

2 Rey 2:2

Y ri Elías xubij chire ri Eliseo: Wakami kakanej kan wawe', roma ri Jehová yiruteq pa tinamit Betel, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y k'ari' xebe junan k'a pa Betel.

Wuj Richin ri Jeremías 20:7

Chirij ri' xinbij chire ri Jehová: Rat xinaq'ol y kan janila xiq'olotej. Rat kan más k'a awuchuq'a' chinuwech yin y kan xinach'ek. Ronojel q'ij ri winaqi' ri ye'ak'axan wichin xaxe tze'en nikiben chuwij,

Wuj Richin ri Jeremías 20:8

roma ronojel mul yin yich'on xaxe richin ninq'alajirisaj kamik o wululen. Roma ri' toq ninq'alajirisaj ri ach'abel, xa yinkiyoq' y yinkitze'ej.